aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

05.12.2014

Вичеслав Чрыгба иинтервиу

Виачеслав Андреи-иԥа, шәара шәгәаанагарала, ииасыз амчыбжь азы анапы зҵаҩыз Аԥсни Урыстәылеи рыбжьара аиқәшаҳаҭра ҵакы хаданы иамоузеи?

Аиқәшаҳаҭра ишьақәнарӷәӷәоит ҳҳәынҭқаррақәа рыбжьара ишьақәгылоу аизыҟазаашьақәа рпозициа хадақәа, иҳәаақәнаҵоит ԥхьаҟатәи асоциал-економикатәи, аҵаратәи, адәныҟаполитикатәи еизыҟазаашьақәа. аиқәшаҳаҭра иазыԥхьагәанаҭоит Аԥсны Арратә мчрақәа рмодернизациа, Аԥсни Қырҭтәылеи рҳәынҭқарратә ҳәаа арӷәӷәара, еиҿкаарыла имҩаԥырго ацәгьоурақәа рыԥырҟхҟхаара, атәанчаҩцәа ртәанчахәы аизырҳара уҳәа убас егьырҭгьы. Иара анапы анаҵаҩха ашьҭахь анапаҵаҩра иазырхиахоит еиуеиԥшым аусхкқәеи аусҳәарҭабжьаратәи еиқәшаҳаҭрақәа.

Акомментариа шԥарзыжәуеи Қырҭтәыла аофициалтә хаҿқәеи дара мраҭашәаратәи рыдгылаҩцәеи рреакциақәа?

Қырҭтәыла ареакциа асеиԥш ишыҟалоз уаанӡагьы идырын. Аха Урыстәылеи Аԥсни рырратә еизааигәахара Қырҭтәыла имҩаԥнаго агрессивтә политика ишадҳәало азгәарҭар рҭахым. Дара ашьцылахьеит иарбанызаалак ҭакԥхықәрак аҵамгылара, имҩаԥысуа зегь аҽа џьоукы рхаратәра. Қырҭтәыла аҩызцәа рреакциагьы убасҵәҟьоуп ишыҟоу. Араҟа иҿыцу акгьы ҳамбеит.

Аиқәшаҳаҭра акәша-мыкәша имҩаԥысуа аполитикатә шоу инадҳәаланы ицәырҵуеит аҭакԥхықәра азҵаара. СШа имҩаԥнаго аҽышәарақәа ракәӡами зегь зыхҟьо, урҭ НАТО Қырҭтәылеи Украинеи аларгаларц иахьаҿу акәӡами аҭагылазаашьа зыруадаҩыз.?

Иааиуа Женеватәи аиҿцәажәарақәа раунд аҟны аԥсуа делегациа иарбан зҵаароу излацәажәараны иҟоу?

Итрадициатәу ҳтемақәа инархырҳәҳәан ҳара ҳалацәажәараны ҳаҟоуп акультуратә ҭынхақәеи архивтә документқәеи Аԥсны азырхынҳәра азҵаара. Иара убасгьы ицәыраагоит Евроеидгыла аганахьала Аԥсны ауаажәлар ирымоу авизатә дискриминациа атәы. Ҳара Женеватәи ҳақәгыларақәа ирылҵшәахеит США ахаҭарнак Аԥсни Аахыҵ Уаԥстәылеи ртәылауаа рзы авизатә ԥынгылақәа аԥыххоит ҳәа иҟаиҵаз аҳәамҭагьы. Аԥсуа дипломатиазы ари аҵакы ду амоуп. Анапы зҵаҩу аиқәшаҳаҭра Женеватәи аиҿцәажәарақәа анырра шԥарынаҭар ауеи? Қырҭтәыла ахаҭарнакцәа аиқәшаҳаҭра ҿыӡгас иҟаҵаны Аԥсны ахаҭарнакцәа ражәалагалақәа рылацәажәара мап ацәыркыр ауама? Асеиԥш ацәажәарақәа Қырҭтәыла ишыҟазгьы агәра згоит аҟәышра аԥыжәара агап ҳәа.

Аԥсны азхаҵара апроцесс аиқәшаҳаҭра анапаҵаҩра ишԥаныԥшуеи? Аиқәшаҳаҭра а-4-тәи ахәҭаҷ зегьы Урыстәылеи Аԥсни рыдәныҟаполитикатә усеицура иазкуп. Ахәҭаҷ а-2-тәи апункт аҟны иарбоуп хәҭа-хәҭала аусеицура амҩаԥысшьа. Агәаанагара сымоуп ҳауаажәлар рзы аиқәшаҳаҭра анагӡара аҵак ду аманы иҟоуп ҳәа.

Аԥсни Урыстәылеи русбарҭақәа рыбжьара аиқәшаҳаҭрақәа рыбжьарҵараны ианбаҟоу?

Иаарласны.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21