aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Аҳәынҭқарра Адәныҟатәи аусқәа рминистр Виачеслав Чрыгба дидикылеит ахҵәацәа рзы Даттәи Ахеилак (DRC) апроектқәа рконсультант 16.01.2015

Аԥсны Аҳәынҭқарра Адәныҟатәи аусқәа рминистр Виачеслав Чрыгба дидикылеит ахҵәацәа рзы Даттәи Ахеилак (DRC) апроектқәа рконсультант

Аԥсны Аҳәынҭқарра Адәныҟатәи аусқәа рминистр Виачеслав Чрыгба дидикылеит Аԥсны инхо сириатәи арепатриантцәа аус рыдызуло, ахҵәацәа рзы УВКБ ООН-и (UNHCR) Даттәи Ахеилаки рпроектқәа рконсультант Дион Баттерсби. Аиԥылара далахәын Ҭырқәтәылеи Мрагылара Ааигәеи рыҟәша аиҳабы Инвер Алшәындба.

Дион Баттерсби аинтерес лыман Аԥсны иахьазы инхо арепатриантцәа рҭагылазаашьа атәи Адәныҟатәи аусқәа рминистрра арепатриациа апроцесс алахәра атәи. Лара имҩаԥылгоит UNHCR-и DRC-и рыпроектқәа рхылаԥшреи уи ԥхьаҟа аусура аус адулареи. Апроект актәи ахәҭа хыркәшахеит 2014 шықәса декабр мзазы. ԥхьаҟатәи аусура иацҵахоит 2015 шықәса декабр мзанӡа. DRC апрограмма сириатәи арепатриантцәа ауаажәларра ралархәра апроцесс ацхыраара анаҭоит.

Виачеслав Чрыгба Дион Баттерсби илзеиҭеиҳәеит Аԥсадгьыл ахь архынҳәразы аҳәынҭқарратә еилаки Адәныҟатәи аусқәа рминистрреи еицымҩаԥыргаз аҽазышәарақәа ирылҵшәаны 500-ҩык инареиҳаны арепатриантцәа рҭоурых ԥсадгьыл ахь ишыхынҳәыз. Иахьа аҳәынҭқарра аганахьала урҭ ироуеит ацхыраара, хаҭала анхарҭа ҭыԥқәа рзеихшараҟны, абызшәатә курсқәа раартраҟны, аусурҭа ҭыԥқәа рыла излауала реиқәыршәараҟны. Иҟоуп, Агәабзиарахьчара аминистрра, Адәныҟатәи аусқәа рминистрра, Аԥсадгьыл ахь архынҳәразы Аилак реиԥш иҟоу аҳәынҭқарратә усҳәарҭақәа рҟны амаҵзура иалоу. Аминистр иҳәеит хаҭала иареи сириатәи аҿари шеиԥылахьоу, дышрыҿцәажәахьоу. Иара убасгьы инаҵшьны иазгәеиҭеит Ҭырқәтәылеи Сириеи инхо ҳџьынџьуаа рыԥсадгьыл аҟны еснагь ишырзыԥшу, аҳәынҭқаррагьы иалшо зегь шыҟанаҵо урҭ араҟа рынхаразы.

Инвер Алшәындба иазгәеиҭеит усура ҭыԥла аиқәыршәареи, абызшәеи, адини рызҵаарақәа рыӡбра аҭахны ишыҟоу.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21