aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Кан Ҭаниа «Аурыс-аԥсуа еизыҟазаашьақәа гәыӷрыла ҳарзанаԥшуеит» 22.01.2015

Кан Ҭаниа «Аурыс-аԥсуа еизыҟазаашьақәа гәыӷрыла ҳарзанаԥшуеит»

Аминистр ихаҭыԥуаҩ «Московски Комсомолец» иеиҭаз аексклиузивтә интервиу Владимир Путини Рауль Ҳаџьымбеи рнапы аҵарҩит«Урыстәылатәи Афедерациеи Аԥсны Аҳәынҭқарреи рыбжьара аидгылареи астратегиатә еиҩызареи рзы» Аиқәшаҳаҭра. Адокумент иазыԥхьагәанаҭоит ахьчареи ашәарҭадареи иеицырзеиԥшу аҳәааҵакыра аԥҵареи аекономикатә дгылареи.

Аԥсны Жәлар Реизара ииасыз ашықәс декабр мзазы ишьақәнарӷәӷәеит «Урыстәылатәи Афедерациеи Аԥсны Аҳәынҭқарреи рыбжьара аидгылареи астратегиатә еиҩызареи рзы» Аиқәшаҳаҭра шьақәнарӷәӷәеит. Абжьыҭира иалахәын 28-ҩык адепутатцәа. Урҭ рҟынтәи 23-ҩык ранпы иҩахеит, 5-ҩык аиқәшаҳаҭра мап ацәыркит. Адокумент аганахьала ажәлар рҟны иакыз агәаанагара шьақәгыламызт. Иҟан Аԥсны ахьыԥшымра ацәыӡыр алшоит ҳәа изыԥхьаӡоз. Аиқәшаҳаҭра далацәажәарц дааҳаԥхьеит Аԥсны Аҳәынҭқарра Адәныҟатәи аусқәа рминистр ихаҭыԥуаҩ Кан Ҭаниа.

-Кан Валериан-иԥа, анапы зҵаҩу адокумент Қырҭтәылеи егьырҭ атәылақәеи рҟны акритика цәырнагеит. Қырҭтәыла Адәныҟатәи аусқәа рминистрра «адокумент Аԥсны аннексиа азурахьы аҽа шьаҿак аҟаҵароуп ҵакыс иамоу» ҳәа иқәгылеит. Шәара ишәҳәарц ишәылшозеи абри аганахьала?

-Ҳәарада, аннексиа араҟа алацәажәара зынӡаскгьы иаҭыԥым. Аидгылареи астратегиатә еиҩызареи рзы Аиқәшаҳаҭра зинла еиҟароу адунеижәларбжьаратә зин асубиектқәа ҩба ирыбжьарҵеит, хықәкысгьы иамоуп Аԥсны ашәарҭадареи аекономикатә цхыраареи.

-Қырҭтәыла ахымҩаԥгашьа уазхьаԥшны иуҳәар алшома Аԥсны Мрагыларатәи аҳәаа ашәарҭара ҿиар ахьалшо ҭыԥны иҟоуп ҳәа?

-Ииашаҵәҟьаны, Қырҭтәыла аҵакырадгьылтә әыԥныҳәақәа аманы иахьынӡаҟоу аимак аҽцәырнагар алшоит. Иара убри аамҭазы аҳәаа ахы инаркны аҵыхәанӡа аурыс-аԥсуа ҳәаахьшьцәа ргылара иалнаршоит аимак аԥырҟәҟәаара. Аиқәшаҳаҭра ҿыц Аԥсны ашәарҭадара арӷәӷәара иазырхоуп.

-НАТО-и ЕС-и аҳәамҭа ҟарҵеит ари Аиқәшаҳаҭра шазхарымҵо азы. Женеватәи аиҿцәажәарақәа рҟны уи ԥырхага аурыма?

-Женеватәи аиҿцәажәарақәа Аԥсны аҽалархәразы иарбанызаалак ԥынгыла ыҟаны иҟам. Иҳәатәуп аиқәшаҳаҭра анапы анаҵарыҩ ашьҭахь ишымҩаԥысыз изаамҭанытәиу аиҿцәажәарақәа раунд. Ҳәарада уаҟа аиқәшаҳаҭра иалацәажәан, аганқәагьы ргәаанагарақәа рҳәон. Ҳара, Женеватәи аиҿцәажәарақәа рҵакы ахә ҳаракны иаҳшьоит, гәҭакынгьы иҳамоуп ԥхьаҟагьы аҽрылархәра. Женеватәи апроцесс иалнаршоит Аԥсны, ишиашоу ЕС-и, ООН-и, ОБСЕ-и, США-и агәаанагара раҳәара

-Ианвар анҵәамҭазы Урыстәылеи Аахыҵ Уаԥстәылеи ирыгәҭакуп аиҩызареи аинтеграциеи рзы Аиқәшаҳаҭра анапаҵаҩра. «Ехо Москвы» аредактор хада Алексеи Венидиктов ари иаанаго Аахыҵ Уаԥстәыла Урыстәылатәи Афедерациа алалароуп иҳәеит. Абри аганахьала шәара ижәдыруазеи?

-Аиқәшаҳаҭра анапаҵаҩра мҩаԥысраны ишыҟоу аадыруеит. Аахыҵ Уаԥстәыла ихьыԥшым ҳәынҭқарроуп, иара ахалагьы иаӡбоит астратегиатә ҵакы змоу азҵаарақәа. ҳара ҳганахьала иарбанызаалак аӡбра ҳаҭыр ақәаҳҵоит.

-Аԥсны ахьыԥшымра аиқәшаҳаҭра шәарҭа шанамҭо еилкаауа иаадырырц ҳҭахын иара аҵакы. Иаҳҳәап аурыс-аԥсуа ҳәаа ахыҵра армариара азҵаара атәы. ииашоума иара шенгентәи аҳәаақәа ирышьашәалан иҟалоит ҳәа?

-Ииашаҵәҟьаны аҳәаа ахысра ԥсаххароуп. Иахьатәи аҭагылазаашьа аӡәгьы игәаԥхом. Ҳара ирацәаны асасцәа ҳҭаауеит, иагьаҳҭахуп урҭ аҳәаа рахысра уадаҩымзарц. Иманшәалазроуп уи ҳара ҳтәылауаа рызгьы. Аха убри азы ирӷәӷәатәуп Қырҭтәылеи Аԥсни рҳәаа. Уигьы ҳапланқәа ирылоуп.

-аԥсны ауаажәларра-политикатә еилазаара ахәҭак аиқәшаҳаҭра анапаҵаҩра иаҿагылон, атәыла асуверинитет аиҵатәра иацәшәаны. Шәгәы ишԥаанаго, атәыла аҩныҵҟа аибарххарақәа ҟаларыма аиқәшаҳаҭра аҳәаақәа ирҭагӡаны иҟало аԥсахрақәа ирыхҟьаны?

-Сара сгәы иаанагоит Аԥсназы аиқәшаҳаҭра алҵшәа бзиақәа аманы иҟалоит ҳәа. атәылахьчареи ашәарҭадареи рнаҩсгьы Аԥсны иаиуеит аекономикатә цхыраара. Ҳәарада аҳәынҭқарратә ҳәаа шыҟоу иаанхоит, ахысроуп зҽызыԥсахуа. Иааидкыланы ҳара аурыс-аԥсуа еизыҟазаашьақәа ԥхьаҟагьы аԥеиԥш рыманы иҟоуп ҳәа иазаҳаԥхьаӡоит.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21