aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

09.07.2012

Рашәарамза 30 2012 шықәсазы Адәныҟатәи аусқәа рминистр напхгара зиҭоз Аҧсны Аҳәынҭқарра аделегациа Тырқәтәылатәи Ареспублика иаҭааит

Рашәарамза 30 2012 шықәсазы Адәныҟатәи аусқәа рминистр напхгара зиҭоз Аҧсны Аҳәынҭқарра аделегациа Ҭырқәтәылатәи Ареспублика иаҭааит. Аделегациа иалахәын: Аҧсны Арепатриациазы аҳәынҭқарратә еилакы ахантәаҩы З. К. Адлеиба, Аҧсны Жәлар Реизара – Апарламент Ахьчареи амилаҭтә шәарҭадареи рзы акомитет ахантәаҩы Ф. Л. Аҩӡба, Аҧсны Адәныҟатәи аусқәа рминистрра Ҭырқәтәылеи Мрагылара Ааигәеи рыҟәша аиҳабы И. А. Гыцба.

Аҧсуа делегациа ахы аланархәит Диузџье ақалақь аҟны имҩаҧысуаз Аҧсуа культуратә центр 20 шықәса ахыҵра иазкыз аныҳәатә усмҩаҧгатәқәа. Аминистр иадныҳәаларатә қәгылараҿы инаҵшьны иазгәеиҭеит хыҧхьаӡара рацәала Ҭырқәтәыла иҟоу аҧсуа диаспореи урҭ рҭоурыхтә ҧсадгьыли рыбжьара аимадара аҟазаара аҵакы ду шамоу. Иара убасгьы В. Чрыгба аныҳәа алахәылаҩцәа ирзеиҭеиҳәеит аҩ-тәылак реигәылара-еимабзиаратә еизыҟазаашьақәа зырӷәӷәаша Аҧсны Аҳәынҭқарра Ҭырқәтәылан имҩаҧнаго адәныҟатәи аполитика амҩаҧгаразы аҭагылазаашьа бзиақәа шаҧҵоу атәы. Аминистр ҿырҧшыс иааигеит имҩаҧгоу аусхкқәа рылҵшәақәеи, ҧхьаҟазы зыӡбара арбоу азҵаарақәеи. Апленартә сессиа анынҵәа ашьҭахь аделегациа алахәылаҩцәа аныҳәатә концерт иахәаҧшит.

Ԥхынгәымза 2 аҧсуа делегациа аҽаланархәит Адунеизегьтәи Аҧсуа-абаза жәлар рконгресс анагӡаратә комитет аусура. Акомитет аилатәара азкын Аконгресс аҧҵоижьҭеи 20 шықәса аҵра иазкны Аҧсны аҳҭнықалақь Аҟәа цәыббрамза 29 инаркны жьҭаарамза 2-нӡа имҩаҧысраны иҟоу аныҳәатә усмҩаҧгатәқәа реиҿкаара.

Аныҳәатә усмҩаҧгатәқәа рылахәхара рылҵшәақәа рыла Аҧсны Адәныҟатәи аусқәа рминистр В. Чрыгба апровинциа Диузџье иатәу ателехәаҧшра аинтервиу аиҭеит. Аҧсуа делегациа Ҭырқәтәыла рыҟазаара аҵыхәтәантәи амш азы В. Чрыгба дырҧылеит Ҭырқәтәыла иҟоу Аҧсны Аҳәынҭқарра ахаҭарнак В. Д. Аҩӡбеи Ҭырқәтәылатәи иҟоу Аҧсуа культуратә центрқәа рфедерациа алахәылаҩцәеи, Аҧсны ақәшаҳаҭзаара Аҧсуа-Кавказтәи акомитет алахәылаҩцәеи.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21