aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Аҳәынҭқарра Адәныҟатәи аусқәа рминистрра Аҳәамҭа 09.02.2015

Аԥсны Аҳәынҭқарра Адәныҟатәи аусқәа рминистрра Аҳәамҭа

2015 шықәса февраль 5 рзы НАТО амаӡаныҟәгаҩ Хада Иен Стотенберг Бриуссель ақалақь аҟны ажурналистцәа рҿаԥхьа иқәгылараҟны аҽазныкгьы Урыстәыла дҵаны иаиҭеит Аԥсни Аахыҵ Уаԥстәылеи рхьыԥшымра ахьазханаҵаз ахьиашам инадҳәаланы уи азхаҵара мап ацәнакырц. Иара иазгәеиҭеит Аԥсни Аахыҵ Уаԥстәылеи Қырҭтәыла иахәҭакуп ҳәа.

Асеиԥш иҟоу адҵақәа изныкымкәа иқәдыргылахьеит. Иаҳҳәап, 2009 шықәса апрель 5 рзы Страсбург ақалақь аҟны имҩаԥысуаз НАТО аиубилеитә саммит аҟынгьы иҟаҵан асеиԥш иҟаз ақәыӷәӷәара. НАТО иалоу атәылақәа рпозициа еилкаауп. Ус шакәугьы иазгәаҭатәуп НАТО амаӡаныҟәгаҩ Хада иҭахрақәа шьаҭа рыманы ишыҟам. Иҟалаз – ҟалахьеит. Иен Столтенберг ибзианы идыруазароуп Аԥсни Аахыҵ Уаԥстәылеи «Қырҭтәыла иахәҭакны» иҟамижьҭеи акыр шыҵуа. Абраҟа иҳәатәуп асеиԥш иҟоу азхаҵарақәа Урыстәылатәи Афедерациа адагьы ООН иалахәылоу хә-ҳәынҭқаррак ишымҩаԥыргахьоу.

Иахьа иаартны иуҳәар ауеит Аҩада Атлантикатәи Аидгылеи европатәи ҳәынҭқаррақәаки иҟоу аполитикатә реалиақәа рыбла иадырбарц шырҭахым. Дара ирылшараны иҟам ихьыԥшым аҿиара зыгәҭаку ажәларқәа изну амҩа раԥырҟәҟәаара.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21