aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Олег Аршба Венесуела иҟазаара 18.02.2015

Олег Аршба Венесуела иҟазаара

Аԥсны Аҳәынҭқарра Адәныҟатәи аусқәа рминистр Олег Аршба усутә визитла Боливариантәи Ареспублика Венесуела дыҟоуп.

Февраль 16 рзы Адәныҟатәи аусқәа рминистр Олег Аршба Венесуела иҟоу Азинмчреи анапынҵа ҷыдақәеи змоу Аԥсны Аҳәынҭқарра Ацҳаражәҳәаҩ Заур Ӷәаџьаа дицны Урыстәылатәи Афедерациа Ацҳаражәҳәарҭа иаҭааит. Дара идикылеит Урыстәылатәи Афедерациа Ацҳаражәҳәа. В.Ф. Заемски. Аиԥылараҟны ирылацәажәан еиуеиԥшым аԥссны-урыстәылатәии аԥсны- венесуелатәии аизыҟазаашьақәа рызҵаарақәа ԥхьаҟа рырҿиара.

Февраль 17 рзы Боливариантәи Ареспублика Венесуела Адәныҟатәи аусқәа рминистрраҟны имҩаԥысит О. Аршбеи Венесуела Адәныҟатәи аусқәа рминистр Дельси Френки Гомес Родригеси реиԥылара. Аиԥылара иалахәын Венесуела иҟоу Азинмчреи анапынҵа ҷыдақәеи змоу Аԥсны Аҳәынҭқарра Ацҳаражәҳәаҩ Заур Ӷәаџьаа, Аԥсны аҟәша ахылаԥшҩы Ирма Франкевис Ернандес, Адәныҟатәи аусқәа рминистрра аусзуҩцәа, СМИ ахаҭарнакцәа. аминистр ихаҭыԥуаҩ О. Аршба Дельси Родригес ҭабуп ҳәа леиҳәеит аиԥыларазы.

О.Аршба иазгәеиҭеит Аԥсны иқәынхо ажәлар акраамҭа ахақәиҭреи ахьыԥшымреи ишырзықәԥоз, убри инамаданы аҵакы ҳаракны ишыршьо Венесуелеи Никарагуеи Аԥсны Аҳәынҭқарра ахьыԥшымра ахьазхарҵаз. Иҳәеит Латынтәи Америка егьырҭ аҳәынҭқаррақәагьы асеиԥш иҟоу амҩа ылырхып ҳәа агәрагара шимоу.

Венесуела Адәныҟатәи аусқәа рминистр Дельси Френки Гомес Родригес иазгәалҭеит Венесуелеи Аԥсны Аҳәынҭқарреи ԥхьаҟагьы рҩызаратә еимадарақәа рыӷәӷәахара лыҽшазылшәо хаҭала, Уго Чавес зхы икыз аиҩызаратә еизыҟазаашьақәа Николос Мадурогьы дышрыцәхьамҵуа. Аиԥылара ахыркәшамҭазы Дельси Родригес илҳәеит Венесуелатәи аган иалшо зегь шыҟанаҵало Алатынтә Америка атәылақәа Аԥсны адгылара арҭаларц.

Адәныҟатәи аусқәа рминистр ихаҭыԥуаҩ Олег Аршба ивизит февраль 21 рҟынӡа имҩаԥысуеит. Ари аамҭа иалакӡаны имҩаԥысраны иҟоуп хра злоу егьырҭ аиԥыларақәагьы.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21