aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аҧсуа культуратә центр 20 шықәса ахыҵра иазкны Ҭырқәтәыла ақалақь Диузџье имҩаҧысуаз аныҳәатә еилатәараҟны Аҧсны Аҳәынҭқарра Адәныҟатәи аусқәа рминистр Виачеслав Чрыгба иқәгылара 12.07.2012

Аҧсуа культуратә центр 20 шықәса ахыҵра иазкны Ҭырқәтәыла ақалақь Диузџье имҩаҧысуаз аныҳәатә еилатәараҟны Аҧсны Аҳәынҭқарра Адәныҟатәи аусқәа рминистр Виачеслав Чрыгба иқәгылара

Ҳаҭыр зқәу ҳаицтәылауаа, ҳашьцәа, ҳаҳәшьцәа!

Гәахәара дула бзиара жәбааит ҳәа шәасҳәоит Диузџье, Аҧсуа культуратә центр аартра 20 шықәса ахыҵра иазку иахьатәи аныҳәаҿы. Шәара нхарала шәҭоурыхтә ҧсадгьыл акыр шәшацәыхароугьы, иареи шәареи аимадара мырӡӡакәа ишәыбжьоуп, уа имҩаҧысуа аҧсҭазаара иахьынӡауа шәалахәуп, аҧсуа культура аизырҳара шәацхраауеит, аҧсуа бызшәеи Аҧсны Аҳәынҭқарра ахьӡи рӡыргара шәашьҭоуп, аҧсуа ҵасқәеи ақьабзқәеи еиқәшәырхоит, изызҳауа абиҧарақәа Ҳаҧсадгьыл аҭоурых, уи акультура иалашәааӡоит. Ари уеигәырӷьартә иҟоуп.

Ҳара иахьа даҽа аамҭак еиҧшым аамҭа ҳҭагылоуп. Алшара ҳамоуп ихьыҧшым, зхы иақәиҭу Аҧсны Аҳәынҭқарра ҿыц аргылара! Аха уи азы зегьы ҳамчқәа еибаҳҭароуп, усҟан ауп ҳалшарақәа акы аанмыжькәа ҳхы ианаҳархәо.

Аҧсны Аҳәынҭқарра ахьыҧшымра Урыстәылеи, Никарагуеи, Венесуелеи, Науру, Вануату, Тувалу реиҧш иҟоу атәылақәа иахьазхарҵаз – ари аҧсуа жәлар акыраамҭа аполитикатә хьыҧшымра разықәҧареи, ашәышықәсақәа реихыҵырҭаҿы ишьақәгылаз агеополитикатә ҭагылазаашьеи ирылҵшәоуп.

Аха ҧхьаҟатәи Аҧсны Аҳәынҭқарра азхаҵара азҵаара шаарту иаанхоит. Ари ахықәкы ихадароу рахь иаҵанакуеит ҳтәыла адәныҟатәи аполитика ахырхарҭаҿы. Ишыжәдыруа еиҧш, Евро-Еидгыла атәылақәеи Еиду америкатә штатқәеи Аҧсны жәларбжьаратәи азхаҵара аҭара мап ацәыркуеит.

Абас еиҧш иҟоу аҭагылазаашьаҿы – ажәытә хәыцшьақәа анымҩасуа, аха аҿыцқәагьы макьана аҵыхәтәанынӡа ишьақәгылаанӡа, ҳара иҳахәҭоуп даараӡа ишәаны-изаны иҟоу адәныҟатәи аполитика амҩаҧгара, Аҧсныи егьырҭ атәылақәеи еицырзыфеидоу аизыҟазаашьақәа рыбжьаҵара хықәкыс измоу.

Ус анакәха, Аҧсны Аҳәынҭқарреи агәыларатә тәылақәеи – Ҭырқәтәылагьы уахь иналаҵаны – аимабзиаратә еизыҟазаашьақәа рыбжьаҵара иазынархоу асистематә программа иахьатәи адәныҟатәи аполитика амҩаҧгараҿы ихадаразароуп. Апрограмма хықәкыс иамазароуп абарҭ ихадоу ахырхарҭақәа рынагӡара:

1. Ҭырқәтәылатәи Ареспублика аганахьала Аҧсны Аҳәынҭқарра ахьыҧшымра азхаҵара;

2. Анкареи Аҟәеи ақалақьқәа рҿы аконсултәи егьырҭ адипломатиатә усбарҭақәеи раартра;

3. Атәылауаҩшәҟәқәа (аҳәаахысратә документқәа) реицазхаҵара;

4. Аҧсны Аҳәынҭқарреи Ҭырқәтәылатәи Ареспубликеи рыбжьара аҳауатә, амшынтә еимадара абжьаҵара;

5. Аинвестициақәа реицазхьарҧшра.

Абарҭ ахықәкы хадақәа рынагӡаразы Ҭырқәтәылан Аҧсны аҳәынҭқарратә интересқәа рыларҵәаразы хархәагас иааҟоу зегьы аус рылаутәуп. Иҷыдоу адәныҟатәи аполитика амҩаҧгареи, адипломатиатә хархәагақәа зегьы рхархәареи рылоуп Ҭырқәтәылатәи Ареспубликаҿы Аҧсны Аҳәынҭқарра ахьӡи аинтересқәеи раҳауа ишалаго, иахьатәи аглобалтә дунеи аҿы уи иааннакыло аҭыҧ еиҳа ишыӷәӷәахо. Абасала, иаҳарбаз астратегиатә план анагӡаразы Аҧсны Адәныҟатәи аусқәа рминистрреи Ҭырқәтәыла иҟоу аҧсуа диаспора ахаҭарнакцәеи русеицура иҵегь ирҭбаатәуп.

Ҳазҭоу 2012-тәи (ҩ-нызқьи жәаҩатәи) ашықәсазы Аҧсны Адәныҟатәи аусқәа рминистрра аилазаашьаҿы аиҭакрақәа ҟалеит. Уахь иаҵанакуеит Ҭырқәтәылеи Мрагылара Ааигәеи рзы арегионалтә ҟәша аартра. Аҟәша аартра хықәкыс иамоуп ари арегион аҿы Аҧсны Адәныҟатәи аусқәа рминистрра имҩаҧнаго аполитика активизациа азура. Уи адагьы, аҟәша аҿаҧхьа иқәгылоу азҵаарақәа рахь иаҵанакуеит Ҭырқәтәылеи Мрагылара Аигәа атәылақәеи ҳареи ҳаимадарақәа рырӷәӷәара, уа иқәынхо ҳдиаспореи ҳареи ҳаиҿцаарақәа рыбзоурала.

Инаҵшьны иазгәасҭарц сҭахуп, Ҭырқәтәыла иҟоу аҧсуа культуратә центрқәа рассоциациа аусура иабзоураны, Ҭырқәтәылеи, уи ақалақьқәеи, арегионқәеи ҳареи аигәыларатә-еиҩызаратә еизыҟазаашьақәа ҳабжьаҵара азҵаараҿы уаанӡа иаҿырҧшны иаҳҳәозар, иахьазы акырӡа ҧхьаҟа ҳашцаз. Уажәазгьы разырхиара ҳаҿуп хара ицо азҵаарақәа зыӡбаша астратегиатә проектқәа.

Имҳәакәа сзавсуам ҳдиаспора ахьынхо аҭыҧкәа рҿы аҧсуа бызшәа аҵаразы алшара аҟаҵара иазку Ҭырқәтәыла Апарламент иаднакылаз азакәан. Ари ахҭыс иабзоураны ҳдиаспораҿы иҟоу аҿар рзы иҷыдоу аҭагылазаашьа ҟалеит, рабдуцәа рхатәы бызшәа аҵаразы, уи иабзоураны ҳажәлар еиҳагьы еидкылахоит, насгьы аҧсуа бызшәа Аҧсны анҭыҵгьы аҿиара иацхраауеит.

Ҳажәлар ахьыҟазаалакгьы аӡәк еиҧш аидгылара ҳамазароуп Аҧсны аҿиарамҩала ҧхьаҟа аизҳарахь ианцо. Ҳҿаҧхьа иқәҳаргылаз азҵаарақәагьы ҳамчқәа еибыҭаны, ҳаицхырааны иҳаӡбалароуп.

Агәра згоит, аконференциа амҩаҧгара аҭынчреи Аҧсны ахыҧша бзиеи рышьақәырӷәӷәара ишацхраауа.

Иҭабуп шәахьсзыӡырҩыз.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21