aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Адәныҟатәи аусқәа рминистрраҟны аиԥылара 20.02.2015

Адәныҟатәи аусқәа рминистрраҟны аиԥылара

Февраль 19 рзы имҩаԥысит Адәныҟатәи аусқәа рминистр Виачеслав Чрыгбеи Аахыҵ-Кавказ ашәарҭадареи аҭышәынтәалареи рзы Женеватәи аиҿцәажәарақәа рыцхантәаҩ Анти Турунени, ОБСЕ ахаҭарнакцәа Анжело Гнедингери Биерна Кунеи, ЕС ахаҭарнак Еммануел Анкители реиԥылара. Аделегациа иара убасгьы иалахәылацәан акультуратә баҟақәа реиҭашьақәыргылара аусхк аҟны аексперт Фауст Пуниалони агәабзиарахьчара аусхк аҟны аексперт Луи Лутани.

Аԥснытәи аган ахьӡала аиԥылара иалахәын аминистр ихаҭыԥуаҩ Кан Ҭаниеи, Лаша Аҩӡбеи Ҭенгиз Ҭарбеи.

Аиԥылараҟны ирылацәажәан март 17-18 рзы имҩаԥысраны иҟоу аиҿцәажәарақәа 31-тәи раунд амшхәаԥштә азҵаарақәа. Аицәажәара аартуа аминистр иҳәеит амчра ахамырхәара азҵаара зегьы иреиҳаны ишырыԥхьаӡо.

Иара убри аамҭазы иазгәеиҭеит аиҿцәажәарақәа алҵшәа бзиақәа рымангьы ишыҟоу. Иаҳҳәап хабарда ибжьаӡыз рыԥшааразы апрограмма акрызҵазкуа гуманитартә процессны ишыҟоу.

Анжело Гнедингер аминистр изеиҭеиҳәеит авизит аҳәаақәа ирҭагӡаны Галтәи араион дшаҭааз, уаҟа иибаз аиҿцәажәарақәа рҽырзыҟаҵаразы ихәарҭа дуны ишыҟоу.

Иара убри адагьы Женеватәи аиҿцәажәарақәа рҟны иазыԥхьагәаҭоуп агәабзиарахьчара аусхк аҟны аинырра арҭбаара. Убри аганахьалоуп аделегациа дзалахәуу апрофессор Луи Лутан.

Аиԥылараҟны ирылацәажәан хра зманы иҟоу егьырҭ азҵаарақәагьы.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21