aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аҧсны Аҳәынҭқарра Адәныҟатәи аусқәа рминистрра иҟанаҵаз аҳәамҭа 12.07.2012

Аҧсны Аҳәынҭқарра Адәныҟатәи аусқәа рминистрра иҟанаҵаз аҳәамҭа

Аҧсны Аҳәынҭқарра Адәныҟатәи аусқәа рминистрра агәалсра ду аанарҧшуеит ҧхынгәымза 9, 2012 шықәсазы ОБСЕ Апарлементтә Ассамблеиаҟны ирыдыркылаз «Қырҭтәыла иҟоу аҭагылазаашьа» захьӡу ақәҵара азы.

Аҧсны Адәныҟатәи аусқәа рминистрраҟны изларыҧхьаӡо ала, аполитикатә ҟазшьа змоу иарбанзаалак жәларбжьратәи адокумент шьаҭас иамазароуп аҭагылазаашьа зеиҧшраҵәҟьоу аилкаареи уи ахәшьара аҭареи. Аҧсны ихьыҧшыму ҳәынҭқарроуп, уи ахьыҧшымра азхарҵеит Еиду Атәылақәа Реилазаара иалоу аҳәынҭқаррақәа фба. Убри аҟнытә ОБСЕ Апарламенттә Ассамблеиа зегь рыла Қырҭтәыла «аҵакырадгьыл акзаара» иахьадгылаз иаҵанакуа Аахыҵ Кавказ 2008 шықәса нанҳәамзазы ишьақәгылаз аполитикатә ҭагылазаашьа атәамбара ауп.

Аҧсны Адәныҟатәи аусқәа рминистрра ҽазныкгьы инаҵшьны иазгәанаҭоит, Аҧсныи Аахыҵ Уаҧстәылеи рганахьала «импыҵахалоу аҵакырадгьыл» ҳәа атермин ахархәара зынӡа ишиашам, жәларбжьаратәи азингьы ишаҵанамкуа, арҭ аҩ-хәынҭқаррак ирықәынхо ауааҧсыра рыбжеиҳараҩык ари иақәшаҳаҭым атәы ҳамҳәозар.

«Импыҵахалоу аҵакырадгьыл» ҳәа атермин ахархәара аҭаразы Қарҭ рҽазҵәылхра хықәкыс иамоу акоуп – апропогандатә ҟазшьала адунеитә еилазаара ажьара. Евро-Еидгыла аҟынтәи анаҧшыҩцәа Аҧсныҟа раашьҭразы ақәаҵараҟны иарбоу адыҧхьалара азинтә шьаҭа амаӡам, Медведев-Саркози реиқәшаҳаҭра иаҿагылоит. Уи адагьы, гәалсрала иҳҳәароуп, Анаҧшыҩцәа рмиссиа ашәарҭадара аганахьала аҭагылазаашьа акагьы ишамыхәаз, уимоу Қырҭтәыла Аҧсны иҟоу аҭагылазаашьа ашьақәҟьаразы имҩаҧнагоз аусқәа хырҩа рынамҭеит.

Ахшыҩзышьҭра аҭатәуп иара убас, ахҵәацәа рырхынҳәразы иманшәалоу, ишәарҭам аҭагылазаашьақәа рышьақәыргыларазы «иаҭаххозар жәларбжьаратәи агуманитратә цхыраара роуртә еиҧш» иҟарҵо адыҧхьалара шымҩаҧысуа Аҧсны жәларбжьаратәи аизолиациа аҭакразы Қырҭтәыла имҩҧнаго аусқәа инарываргыланы. «Импыҵахалоу аҵакырадгьылқәа» рзы Қырҭтәыла азакәан ауп Аҧсныҟа агуманитартә цхыраара ааира иаҧырхагоу, аиҿагылара аҭышәныртәаларагьы алзмыршо.

Инаҵшьны иазгәаҭатәуп, ОБСЕ Апарламенттә Ассамблеиа иаднакылаз ақәҵара зынӡагьы ишанымҧшуа Аҧсуа гани Аахыҵ уаҧстәылатәи агани ргәаанагарақәа, шьаҭас ишамоу қырҭтәылатәи аган иҟанаҵаз адырраҭарақәа мацара. Агәра ганы ҳаҟоуп аҧсуа-ақырҭуа еиҿагылара ақәша-мықәша иҟоу аҭагылазаашьа нагӡаны ишузҭымҵцаауа уи иалахәу аганқәа зегьы иара иазкны ирымоу агәаанагарақәа урызхьамҧшкәа, аҭагылазаашьа ахаҭа инарҵауланы иҭумҵаакәа.

Аҧсны Аҳәынҭқарра Адәныҟатәи аусқәа рминистрра аҳәамҭа ҟанаҵоит ОБСЕ Апарламенттә Ассамблеиа иаднакылаз ақәҵара шобиективтәым, иҿаҵоу аҟазшьа шамоу. Апарламенттә Ассамблеиа гәыҩбарада Қырҭтәылатәи апозициа адгыларала Қырҭтәыла Аахыҵ Кавказ арегион аҿы аибарххара иацызҵаша апровокациатә усқәа имҩаҧнаго ирыцхраауеит, уи женеватәи аиҿцәажәаратә процесс иаҧырхагоуп, убри аҟнытә аҧсуа-қырҭуатә еиҿагылара аҭышәныртәалара еиҳагьы иархароит.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21