aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аҕба “Хакки Чиллиоглу” аҟны иҟаз ҧшьҩык амшынуаа ақырҭуа ган ирыҭоуп 31.03.2012

Аҕба “Хакки Чиллиоглу” аҟны иҟаз ҧшьҩык амшынуаа ақырҭуа ган ирыҭоуп

Ақырҭуа-аҧсуаа ҳәааҿы иахьа 14.30 сааҭ рзы имҩаҧысит аҕба “Хакки Чиллиоглу” аҟны иҟаз ҧшьҩык амшынуаа ақырҭуа ган рыҭара. Қырҭтәыла амшынуаа Георги Сапанаӡе, Манучар Болкваӡе, Азиз Варшаниӡе, Сулхан Цецхалиӡе 2011 шықәса маи 16 раахыс аилахәыра Starlet Shipping иатәыз аҕба аҩныҵҟа иҟан.

Амшынуаа ақырҭуа ган рыҭара мҩаҧыргеит Аҧсны Аҳәынҭқарра адәныҟатәи аусқәа рминистрра ахаҭарнакцәа, иара убас Аҧсны иҟоу Жәларбжьаратәи аџьар ҟаҧшь аилак ахантәаҩы Лиук Хаас. Ақырҭуа ган рахьтә акәзар, уи иалахәын Қырҭтәыла аиҳабыра рхаҭарнакцәа гәыҧҩыки аекономика аминистр Вера Қобалиеи.

Аҧсны адәныҟатәи аусқәа рминистр ихаҭыҧуаҩ аамҭала инапынҵақәа назыгӡо Иракли Хьинҭба иажәақәа рыла, аҧсуа ган жәларбжьаратәи азини Аҧсны Аҳәынҭқарра азакәани инарықәыршәаны аҿаҧхьа ишьҭаз ахыдҵа нанагӡеит.

“Зегьы ибзианы аус руит, аҳәаахьчареи аҳазалхратә усбарҭақәеи, аҧснытәи аҕбақәеи аҭагылазаашьа ҷыдақәа рзы аусбарҭақәеи, - иазгәеиҭеит Хьинҭба. Аҧсны адәныҟатәи аусқәа рминистрра аҧыза-министр Леонид Лакербаиа идҵала ари азҵаара иахылаҧшуан. Ҳара агәыҕра ааҳарҧшуеит арҭ амшынуаа Қырҭтәыла ишнеихьо ала, насгьы ишрықәнаго ирҧылап ҳәа, ҳара ҳганахь акәзар, Қырҭтәыла аиҳабыра рхы ишадмырхәо асанкциа аоккупациа зызу атерриториақәа рзы ирымоу азакәан. Ари азакәан ауаҩы изинқәа еилазго акы акәны иҟоуп. Ҳара агәыҕра ааҳарҧшуеит Қырҭтәыла ртәылауаа рзинқәа рыхьчап ҳәа.”

Хьинҭба иажәақәа рыла, аидара мҩанызгоз аҕба Аҧсны иҟан 10 мзы. Аха амшынуааи аҕба зтәызи рыбжьара акоммерциатә еизыҟазаашьақәа рыӡбара ахьзалмыршахаз иахҟьаны уажәраанӡа ус иҟан. “Уаанӡа амшынуаа Қырҭтәылаҟа ахынҳәразы агәаҳәара аадырҧшуамызт. Аҵыхәтәантәи амшқәа рзы ауп ианҳау дара аҩныҟа ахынҳәра шырҭахәы зырҵабыргуаз аршаҳаҭгақәа. Аҧсны иҟоу Жәларбжьаратәи аџьар ҟаҧшь аилак ацхыраарала ари азҵаара аӡбара алыршахеит. Егры аҳәааҿы дара рвизақәа аштамқәа рзықәдыргылеит, азакәан инақәыршәаны аҳәаа иахыҵит”, - иҳәеит Иракли Хьинҭба.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21