aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Рауль Ҳаџьымба: Қырҭтәыла НАТО аинфраструктура аҟазаара Аԥсни   Урыстәылеи рзы ишәарҭоуп 07.04.2015

Рауль Ҳаџьымба: Қырҭтәыла НАТО аинфраструктура аҟазаара Аԥсни Урыстәылеи рзы ишәарҭоуп

Аԥсны Аҳәынҭқарра Ахада Рауль Ҳаџьымба агентра «Интерфакс» аинтервиу анеиҭоз иҳәеит атәыла аҿаԥхьа иқәгылоу аусдҵақәа ртәы, дрылацәажәеит еиуеиԥшым азҵаарақәа.

-Рауль Џьумка-иԥа, шықәсыбжак инацны ицеит атәыла ахада изаамҭанымтәи иалхрақәа мҩаԥысижьҭеи. Иалшама абри аамҭала аиҭакрақәа рымҩаԥгара?

- Аԥсны макьанагьы ажәлар зҿагылаз асистематә кризис шьаҭанкыла ақәхра алымшац. Иахьатәи ҳусура акризис иаҿагылоу анапхгараҭара ҳәа азуҳәар ҟалоит. Раԥхьа иргыланы аҳәынҭқарратә напхгараҭаратә органқәа русуреи, азинеиҿкаареи, ашәахтәылхреи, афинанстә институтқәа рырӷәӷәареи, иааидкылан аекономика арбзазареи реиӷьтәра аус адулатәуп. Ихымԥадатәиу аҭагылазаашьақәа аԥҵаны иҟалар иалшоит аиҭакрақәа рахь аиасрагьы. Аиҭакрақәа рымҩаԥгара имариоу усны иҟам. Ҳара ажәлар ираҳҳәаз, изықәҳаргәыӷыз мап ацәаҳкуам. Аиҭакрақәа ҟалоит. Урҭ иахьагьы ҳрылагахьеит. Ҳара иаҳҳәомызт алакә аҿеиԥш иаразнак зегь еиҭаҳкуеит ҳәа аха иазгәаҳҭон алшарақәа ҳамоуп зегь еиӷьны имҩаԥаагарц ҳәа.

-Ааигәа Аԥыза-министрс Артур Амқәаб дашәҭеит, иагьышәҳәеит аиҳабыра алахәылацәа рганахьала адҵақәа иқәшәыргыло шырӷәӷәахо. Иарбан усқәоу Аԥыза-министри аиҳабыра алахәылацәеи рҿаԥхьа иахьа ихаданы иқәгылоу?

-Артур Амқәаб Аԥыза-министрс иаҭараан иазхьаԥшын иара иԥышәа дуи асистематә ԥсахрақәа рганахьала имоу аилкаарақәеи. Иалагатәуп аҳәынҭқарра-еиҿкааратә структурақәеи акадрқәеи рырәеирала. Иаԥыхтәуп атәыла Ахада Иусбарҭаҟны иҟоу аструктурақәа реиҭаҳәара змоу аструктуратә ҟәшақәа. сара уаанӡагьы исҳәон зусура хра алам ачиновникцәеи аминистрцәеи мап рцәаҳкуеит ҳәа. убри инадҳәаланы аԥсахрақәа ҟалар алшоит. сара хыдҵаны исымоуп абиуџьет алагала аизырҳара. Аиҳабыра 2016 шықәсазтәи абиуџьет апроект аԥхын иаздырхиароуп. Дара ирылдыршароуп аекономика ареалтә сектор аиҿкаара аус аҟны аԥсахрақәа рымҩаԥгара. Иаԥҵатәуп анҭыҵтәи аинвестициақәа рыҩаӡара аҳаракразы аҭагылазаашьа бзиақәа, имаҷуи ибжьаратәуи абизнес адгылара аҭахуп, иԥсахтәуп абанктә система. Арҭ аԥсахрақәа ажәлар ирнырыртә иҟаҵатәуп.

-Аԥсни Урыстәылеи рыбжьара анапы зҵаҩу Аиқәшаҳаҭра ҿыц иазыԥхьагәанаҭоит атәыла афинанстә цхыраара аизырҳара. Амааҭ иахьыз адевольвациа азыԥхьагәаҭаны ари ацхыраара азхоны ижәбома. Иҟоуп адыррақәа Москвантәи аԥарақәа аашьҭым ҳәа. ус аума?

- 2014 шықәса декабр 24 рзы анапы зҵаҳҩыз Аиқәшаҳаҭра аҵак ду змоу документны иҳаԥхьаӡоит. Иара иазыԥхьагәанаҭоит атәылахьчареи, адәныҟатәи аполитикеи, ацәгьоура аҿагылареи, азакәанԥҵара арҽеиреи русхкқәа рҟны аусеицуреи аинырреи. Авалиутатә курсқәа рыҽшырыԥсахызгьы ацхыраара акырӡа аҩаӡара дууп.

-Аиҳабыра сынтәа аулафахәқәеи атәанчахәқәеи ирыцҵахоит ҳәа рыларҳәеит. Арҭ аизырҳарақәа аҩныҵҟатәи арезервқәа рҟынтәи акәу урыстәылатәи афинанстә цхыраара аҟынтәи акәу изламҩаԥгахо?

-Арҭ аизырҳарақәа мҩаԥгахоит афинансеицыҟаҵара амҩала.

-Аԥсны иахьа Урыстәылатәи ацхыраара иабанӡахьыԥшу?

-Иазгәасҭоит Урыстәылатәи Афедерациа ацхыраара ада ҳҿаԥхьа иқәгылоу ауснагӡатәқәа рынагӡара акыр ауадаҩра рыҵоуп. Убри азы Урыстәыла ажәала мацара акәымкәа усла ацхыраара ҳазҭоу тәыланы ишыҟоу ҳәатәуп. Урыстәылатәи афинанстә цхыраара шеизҳауагьы иҳалҳаршароуп ҳхала ахныҟәгара. Иахьазы Аԥсны 3миллиардк мааҭ роуп иарҳауа. Ҳара иҳалшо зегь ҟаҳҵароуп уи аизырҳаразы.

-Зхатәтәра зцәыӡыз Урыстәыла атәылауаа рпроблема аӡбра шәгәы ишԥаҭоу?

-Ари азҵаара ираԥхьагылоу акеиԥш ҳахәаԥшуеит. Аус ауеит акомиссиа. Иара аусура аамҭа иалагӡаны 230 рзаҳал нарышьҭхьеит ауааԥсыра рҟынтә, урҭ рахьынтәи 120 ҵаҵӷәы рыманы ишьоуп. 22 рзаҳал рганахьала аӡбрақәа рыдкылоуп. Агәра шәсыргоит рзаҳалк агәыгәҭажьра шамоуазы.

-Иалшоума Аҟәеи Қарҭи рыбжьара адиалог аҟазаара?

-Усеиԥш иҟоу адиалог Женеватәи аиҿцәажәарақәа раан имҩаԥысуеит. Иааидкылан урҭ аиҿцәажәарақәа алҵшәа рымоуп ҳәа ҳазҳәом аха ишакәхалакгьы иҵаҵӷәыданы иҟам.

-Қырҭтәыла агәы иҭоуп НАТО аҽазыҟаҵаратә лагер аԥҵара. Шәгәаанагарала уи Аԥсны ашәарҭадара иаԥырхагахарыма?

-Қырҭтәыла раԥхьаӡа акәны иаԥырҵоит НАТО аинфраструктура. Ҳәарада, иуадаҩу агеополитикатә ҭагылазаашьаҟны Аԥсни Урыстәылеи рзы ари шәарҭараны иҟоуп. Убри ауп еиҳаракгьы изыдҳәало атәылахьчареи ашәарҭадареи рганахьала Урыстәылеи ҳареи ҳусеицура арӷәӷәарагьы.

-Хәышықәса инарзынаԥшуа Женева имҩаԥысуа аиҿцәажәарақәа амч ахамырхәара аганахьала аиқәшаҳаҭра анапаҵаҩра азҵаара рыӡбартә иҟоума?

Агәыӷра еснагь иҟоуп. Ус акәымзар ҳара урҭ аиҿцәажәарақәа ҳаҽрылаҳархәрымызт. Аӡәгьы азин иаҳҭараны ҳаҟам ҳсуверенитети ҳхақәиҭреи ҳхьыԥшымреи рганахьала қәыӷәӷәарак аҟаҵаразы. Аԥсны исуверентәу, ихьыԥшыму ҳәынҭқаррак аҳасабала ишышьақәгылаз заҟа ирласны Қырҭтәылеи Мраҭашәара атәылақәаки иазхарҵо аҟара иласхоит аҭынчреи аҭышәынтәалареи арегион аҟны.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21