aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Иракли Хынҭәба: Урыстәыла аӡәгьы изыфеидам ҳаизыҟазаашьақәа еицәахарц 18.07.2012

Иракли Хынҭәба: Урыстәыла аӡәгьы изыфеидам ҳаизыҟазаашьақәа еицәахарц

ОБСЕ Апарламеннтә ассамблеиаҟны аурыс делегациа аиҳабы Николаи Ковалиов Аҧсныи Аахыҵ Уаҧстәылеи импыҵахалоу дгьылқәоуп ҳәа иахьарбоу «Қырҭтәыла иҟоу аҭагылазаашьа» захьӡу ақәҵаразы абжьыҭараан урыстәылатәи аделегациа ақәҿнамҭит ҳәа амассатә-информациатә хархәагақәа рҟны ицәырҵыз ажәабжь аҿаҧиҽуеит. Ковалиов иажәақәа рыла, «Урыстәыла ари ақәҵара иаҿагылеит, мап ацәкразы рыбжьы рҭиит». Аха иара Ковалиов ихаҭа иҳаҩсыз амчыбжь азы аинтернет-портал «Регнум» аинтервиу анаиҭоз аамҭазы, иазгәеиҭеит аурыс дипломатцәа ақәҵара ақәҿырымҭырц рыӡбеит, аиҿагылара ҟамларц азы, насгьы ақәҵараҿы узыдгылашагьы маҷмызт азы ҳәа. Абас еиҧш еилкаам аҭагылазаашьа ҳаилиркаарц азы ҳара ҳиҿцәажәеит Аҧсны Адәныҟатәи аусқәа рминистр ихаҭыҧуаҩ Иракли Хынҭәба.

Демис Поландов: Иракли, иахьа ОБСЕ Апарламеннтә ассамблеиаҟны аурыс делегациа аиҳабы Николаи Ковалиов «мцуп», «ипровокациоуп» ҳәа азиҳәеит қырҭтәылатәи амассатә-информациатә хархәагақәа рҟны ицәырҵыз, «Қырҭтәыла иҟоу аҭагылазаашьа» захьӡу ақәҵаразы абжьыҭараан урыстәылатәи аделегациа ақәҿнамҭит ҳәа зҳәо ажәабжь. Қырҭтәылатәи аинформациатә хархәагақәа зиҳәаз сзеилкаауа, «Регнум» - ари урыстәылатәи ҭыжьроуп, аха сара сзызҵаарц исҭаху даҽакоуп: иахьа аҧсуа уаажәларраҿы зехьынџьара акәымзаргьы, ирацәаны иалацәажәоит Урыстәыла Аҧсны аганахьала иамоу аполитика аҽаҧсахыр иҟаҵатәузеи ҳәа. Ус иҟалар, стратегиа ҳәа акыр ӡбаны ишәымоума?

Иракли Хынҭәба: Шәызҵаара аҭак ҟаҵауа, исҳәарц сҭахуп Аҧсны адәныҟатәи аусқәа рминистрра абри ақәҵара адкылара аханатә инаркны ишацклаҧшуаз. Ҳара заанаҵ иҳаман ақәҵара атекст, убри аҟнытә анырра шаҭатәыз ҳазхәыцратәы алшара ҳаман. Убри аҟнытә, урыстәылатәи аган ақәҵара ақәҿнамҭызшәа аинформациа шааҳаз еиҧшҵәҟьа, иаразнак ала урыстәылатәи ҳколлегацәа ҳаҽрымаҳдеит, иаҳҭахыз аинформациагьы ҳауит, анаҩс Урыстәылатәи Афедерациа Адәныҟатәи аусқәа рминистрра иҟанаҵаз аҳәамҭаҿгьы уи еиҭашьақәдырӷәӷәеит.

Убри аҟнытә иаарласны алкаақәа рыҟаҵара ҳҽацәаҳахьчароуп, еиҳаракгьы аполитикеи адипломатиатә усуреи ирызку азҵаарақәа рҿы. Шәызҵаарахь ҳгьежьуазар, абар шьҭа акыршықәсазтәи Урыстәылатәи Афедерациеи ҳареи иҳабжьоу астратегиатә еиҩызара акыр иӷәӷәаны еиҿкаауп, ицәырҵуа ашәарҭрақәа ракәзар, урҭ, ҳәарада, еиуеиҧшым амзызқәа рымоуп. Иаҳҳәап, зҵаарақәак рыӡбара ҳара ҳахьазыхиам, ма егьырҭ, асубиективтә, аобиективтә мзызқәагьы уахь иналаҵаны. Аха урҭ ашәарҭарақәа раҧырҟәҟәаара иахьа уажәраанӡа иҳалшон. Уажәазы, Урыстәылатәи Афедерациеи ҳареи 69 еиқәшаҳаҭра анҳабжьаҳҵахьоу, ауаажәларра разҵаарақәа зегь рыла ихьыҧшым ҩ-ҳәынҭқаррак раҳасабала иҳабжьоу аиҩызаратә-усеицуратә еизыҟазаашьақәа адгылара анрымоу, урҭ акгьы рҧырхагам ҳәа сгәы иаанагоит.

Демис Поландов: Иракли, урыстәылатәи аделегациа алахәылаҩцәа Аҧсныи Аахыҵ Уаҧстәылеи, ус ҳҳәар ауазар, ирзыфеидам ақәҵарақәа рганахьала уажәаҧхьагьы рыбжьы рҭихьеит. Шәаргьы ари амаҵзура шәахагылаанӡа Европатәи Ахеилак Апарламенттә Ассамблеиа иаднакылаз ақәҵара «Амилаҭтә суверенитети аҳәынҭқарратәреи иахьатәи жәларбжьаратәи азин аҟны – аилыркаара аҭахзаара» захьӡу иазкны шәгәаанагара шәҳәхьан. Усҟантәи урыстәылатәи асенатор Александр Починок абри ақәҵара дадгылеит. Ус анакәха, зегьыҵәҟьа марианы иҟам, Урыстәылагьы иҟазар акәхап Аҧсныи Аахыҵ Уаҧстәылеи ирыдгылам аполитикатә мчқәа. Зегь акоуп, аҭагылазаашьа аҽаҧсахыр алшоит…

Иракли Хынҭәба: Иҟалаз уи ауп, иахьазы змаҵзура иахагылам Починок усҟантәи ишьаҿақәа рылацәажәара сара исцәыуадаҩуп. Иҟалап, иара ихатә гәаанагара имазҭгьы, аха араҟа уи анырра ӷәӷәа ҟанамҵеит. Иеиуеиҧшым амчқәа рыҟазаара атәы, уи хымҧада, Урыстәыла иарбан ҳәынҭқарразаалак аҟнеиҧш иеиуеиҧшым агәыҧқәа рыла ишьақәгылоуп, урҭ рхатә интересқәа, рхатә хықәкқәа, рхатә политикатә уасхырқәа рымоуп – ари акыр идинамикатәу ҭагылазаашьоуп. Аха егьи аганахьала, сара сгәаанагара убас иҟоуп, Урыстәылеи ҳареи ҳаизыҟазаашьақәа егьа аиҭакра ҟаларгьы, уажәшьҭа шьҭахьҟа ихьазмырҧшыша, иҧызмыргаша ашәарҭарақәа рҳәаа иахысхьеит ҳәа. Урыстәыла иахьа аӡәгьы изыфеидам ҳаизыҟазаашьақәа еицәахарц, избан акәзар урҭ аҩ-ҳәынҭқарракгьы ирзыфеидоу еизыҟазаашьақәоуп, аиашаз. Убри азы Аҧсны Аҳәынҭқарра аиҳабыреи Урыстәылатәи Афедерациеи ирылшо зегь ҟрҵароуп абас еиҧш иҟоу аиҩызаратә-усеицуратә еизыҟазаашьақәа еиҳагьы иӷәӷәахарц азы. Ари даргьы ҳаргьы акырӡа иҳахәоит.

Демис Поландов: Иракли, шәааи ақәҵара ахаҭа ҳазыхынҳәып. Аҧсныи Аахыҵ Уаҧстәылеи импыҵахалоу ҵакырадгьылқәаны рыхьӡ ҳәан уаанӡатәи адокументқәа рҿгьы. Мап шәымкуазар акәхап, жәларбжьаратәи аструктурақәа рҟны қырҭтәылатәи адипломатиа зеиҧшла иаҳҳәозар ласы-лассы аиааирақәа шаго. Иракли Хынҭәба: Сара изласыҧхьаӡо ала, қырҭтәылатәи адипломатиа еснагь иаҭаху аҵкыс акырӡа еиҵаны иаиуеит. Шәареи сареи ибзиаӡаны еилаҳамкаауеи, ПАСЕ ақәҵареи, ОБСЕ Апарламенттә Ассамблеиа ақәҵареи, НАТО Апарламенттә Ассамблеиа ақәҵареи – арҭ зегьы баша ишдекларациақәоу, арадикалтә политиктә енергиа гарҭак аҳасабала ишыҟоу. Арҭ адокументқәа изакәызаалак апрактикатә-политикатә, мамзаргьы жәларбжьара-зинтә хылҿиаак рымам. Араҟа зегь еилкаауп: Мраҭашәараа еиқәыркыр рҭахуп акыр игәаҭеиуа кавказтәи аҳәынҭқарра – Қырҭтәыла ауп сызҿу; аха убри аан Қырҭтәыла НАТО, ма Евро-Еидгыла иаларҵом, анеитралтә тәылауаҩшәҟәқәа азхарҵом, «импыҵахалоу аҵакырадгьыл» атермин иақәшаҳаҭым, инҭкааны иаҳҳәозар, Евро-Еидгылеи, ОБСЕ, европатәи атәылақәеи рынагӡаратә мчрақәа ари атермин рыдыркылаӡом. Аха ус ишыҟоугьы, абас акгьы зҵазымкуа ақәҵара адкыларала Қырҭтәыла аморалтә дгылара арҭоит. Ари баша хьаҵра хәыҷуп, аха уи алыҵшәа бзиа ҳәа акагь амам дара рзы. Ҳара мҩашьарада иаҳдыруеит зхы пату ақәызҵо европатәи атәыла дуқәа Аахыҵ Кавказ иҟоу аҭагылазаашьа ҭакҧхықәрала ишазнеиуа, урҭ еилыркаауеит ганкахьала мацара аҭагылазаашьа ахәаҧшра шиашам, аиҿагылара иалахәу гак мацара агәаанагара адгыларагьы шиашам, избанзар ус аҟаҵара хәарҭара алам Қырҭтәылеи ҳареи иаҳзеиҧшу аинтересқәа рыхьчараҿы – арегион аҟны аҭынч ҧсҭазаара аагара.

Демис Поландов: Иракли, шәара шәусура иазкынгьы ажәақәак шәҳәар сҭахын. Еилкаауп шәусбарҭа ахықәкы хадақәа ишыруаку Аҧсны анаҩстәи азхаҵара аиура. Иҟоузеи уи ахырхарҭаҿы?

Иракли Хынҭәба: Ҳәарада, аус ҳуеит Аҧсны ахьыҧшымра азхазҵо атәылақәа рхыҧхьаӡара аизырҳара ахырхарҭала. Аха абраҟа иаҳҧылоит Қырҭтәылеи уи адгылара азҭо атәылақәеи, еиҳаракгьы Еиду Америкатә штатқәа, раҿагылара ӷәӷәа. Иҟоуп иконкреттәу афактқәа, Аҧсны дипломатиала иамадахарц зҭаху атәылақәа реиҳабырақәа рахь инарышьҭуаз аршәаратә шәҟәқәа ирызкны. Ибаны шәыҟазҭгьы урҭ, иаҳҳәап Еиду америкатә штатқәа аҳәынҭқарратә маӡаныҟәгаҩ иусбарҭа аҟнытә инашьҭу ашәҟәқәа, мамзаргьы Қырҭтәыла Адәныҟатәи аусқәа рминистрра аҟнытә инымҵәаӡо ақәмақаррақәеи аршәарақәеи, усҟан зегьы еилыркаауан, урҭ атәылақәа ирыхьчо адемократиеи, апатуеиқәҵареи, аибачҳареи дара рхаҭақәа рааигәарагьы ишыҟам.

http://www.ekhokavkaza.com/content/article/24648362.html


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21