aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Аҳәынҭқарра Адәныҟатәи аусқәа рминистр ихаҭыԥуаҩ Олег Аршбеи Каликсто Ортегеи реиԥылара 22.05.2015

Аԥсны Аҳәынҭқарра Адәныҟатәи аусқәа рминистр ихаҭыԥуаҩ Олег Аршбеи Каликсто Ортегеи реиԥылара

Маи 22 рзы Боливариантәи Ареспублика Венесуела Адәныҟатәи аусқәа рминистрраҟны имҩаԥысит Аԥсны Аҳәынҭқарра Адәныҟатәи аусқәа рминистр ихаҭыԥуаҩ Олег Аршбеи Европатәи атәылақәа рзы Боливариантәи Ареспублика Венесуела Адәныҟатәи аусқәа рминистр Каликсто Ортегеи реиԥылара. Аиԥылара иалахәын Боливариантәи Ареспублика Венесуела иҟоу Аԥсны Аҳәынҭқарра азинмчра змоу Ацҳаражәҳәаҩ Заур Ӷәаџьаа. Аиԥылараҟны ирылацәажәан ԥхьаҟатәи аусеицурақәеи аиныррақәеи рызҵаарақәа.

Олег Аршба иазгәеиҭеит ахә ҳаракны ишишьо, Боливариантәи Ареспублика Венесуела Аԥсны Аҳәынҭқарразы иҟанаҵо адгылара. Аԥсны ахадареи, аиҳабыреи ажәлари рыхьӡала ажәа ԥхақәа реиҳәеит аиԥылара алахәылацәа. Каликсто Ортега иҳәеит адунеи аҟны имаҷымкәа атәылақәа ахьыԥшымразы ишықәԥо, аха урҭ рыгәҭа ишыҟоу аҭоурых ҵаула змоу ажәларқәа, иазгәеиҭеит Аԥсуа жәларгьы абрахь ишаҵанакуа. Ари иҷыдоу аҵакы амоуп.

Атәыла Ахада Рауль Ҳаџьымба ихьӡала Олег Аршба Венесуела Ахада Николос Мадуро ааԥхьара ииҭеит Аԥсныҟа. Аԥсны Адәныҟатәи аусқәа рминистр Виачеслав Чрыгба ихьӡала ааԥхьара иҭан Венесуела Адәныҟатәи аусқәа рминистр Делси Родригес Гомес.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21