aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аахыҵ  Кавказ аҭынчреи ашәареи рзы Женеватәи аиҿцәажәарақәа 10.06.2015

Аахыҵ Кавказ аҭынчреи ашәареи рзы Женеватәи аиҿцәажәарақәа

Иахьа Аԥсны Аҳәынҭқарра Адәныҟатәи аусқәа рминистрраҿы имҩаԥысит Аахыҵ Кавказ аҭынчреи ашәареи рзы Женеватәи аиҿцәажәарақәа.

В.А.Чрыгба илагалажәаҿы иаҳхысыз 31-тәи араунд алҵшәақәа аԥсуаа рхаҭарнакцәа ишыргәамԥхаз атәы азгәеиҭеит. Иаликааит еиҿцәажәоз рыбжьара аиҿыхарақәа рацәаны ишыҟаз, насгьы уи аиқәыршәашьеи аемоциақәеи ишырныԥшыз. Аминистр иазгәеиҭеит аиҿцәажәарақәа алҵшәа бзиа роуратәы ауадаҩра рызҭо, ақырҭцәа иҟоу аполитикатә ҵабыргра ииашам ахәшьара иарҭоу иреиуоуп ҳәа. ЕАР (ООН) Ассамблеиа Хада рашәара 3, 2015 шықәса аҟнытә мчыла иахцоу ауааԥсыреи, Аԥсни Алада Уаԥстәылеи рҟынтә ахҵәацәеи ирызку алкаа далацәажәо, В.А. Чрыгба иазгәеиҭеит: «Ассамблеиа Хадаҿы Қырҭтәыла иаднагалаз аҵыхәтәантәи арезолиуциа, ауадаҩра конструктивтәла иаӡбаӡом, уимоу, ахымԥадатәра шыҟам, имариам аиҿцәажәареи иааизакны аҭагылазаашьеи аруадаҩуеит. Ари арезолиуциа ҵакыдоуп. Уи анадкылаз нахыс аӡәгьы џьаргьы дхынҳәӡом, дхынҳәрангьы дыҟаӡам. Ари политикатә хәмарроуп. Қырҭтәыла ареалтә усқәа ирыцәхьаҵны ахәмаррақәа ирызхьаԥшуазар, уи дара ирусуп».

Аминистр даҽазныкгьы Женеватәи аиҿцәажәарақәа ЕА (ЕС), ЕАР (ООН), ААЕА (ОБСЕ), иара убас амилаҭтә делегациақәа ртәылақәеи рҳәаақәа ирҭагӡаны, адунеитә еилазаареи Аԥсни рыбжьара ишиашоу адиалог амҩаԥгаразы иманшәалоу ҭыԥуп ҳәа азгәеиҭеит.

Аминистр дазааҭгылеит аԥсуа делегациа аконструктивизм ахь рхы шхоу, аха ақырҭуа делегациа ари аҩыза азнеишьа ахьрымам иахырҟьаны, аҭагылазаашьа даҽазныкгьы ишыуадаҩхо. Иара убри аамҭазы, Европатәи ахелак алахәыла, ҳаҭыр зқәу Г.Зальбер инаҵшьны иазгәеиҭеит аганқәа имчу рпозициақәа аус шеиҵанарӷәӷәо: «Сара еилыскаауеит Женева аганахь ала иакым агәаанагарақәа шшәызцәырҵуа, насгьы исҳәарц сылшоит ҳаргьы иакым агәаанагарақәа шҳамоу, аха иага ус акәзаргьы, алҵшәақәа позитивтәла ҳрызнеиуазар ауп».

Аконструктивтә курс ахь ахынҳәразы агәыӷра аарԥшуа, Г.Зальбер иазгәеиҭеит: «Женева адгьылҵакыра ашәарҭадареи агуманитартә зҵаарақәеи ҳарзааҭгылоит. Сгәы иаанагоит ари азҵаара инамыцхәны ҳазааҭгылар, насгьы азҵаарақәа рполитикатә ӡбашьа Женеватәи аиҿцәажәарақәа рҳәаақәа ирҭакӡамкәа астатус азҵаара ҳацәхьаҵыр, усҟан лҵшәа бзиак ҳаур ҟалоит».


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21