aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Азинеиҟарамра афакт иадҳәалоу Аԥсны Аҳәынҭқарра Адәныҟатәи аусқәа рминистрра аҟнытә ажәалагала 14.06.2015

Азинеиҟарамра афакт иадҳәалоу Аԥсны Аҳәынҭқарра Адәныҟатәи аусқәа рминистрра аҟнытә ажәалагала

Рашәара 11, 2015 шықәсазы Ашьапылампыл азы Венгриа имҩаԥысраны иҟоу Аԥсны Аимилаҭтә еилакы Шенгентәи авизақәа рыҭара мап ацәыркит ашьапылампыл азы Ачемпионат «ConIFA» Шенгентәи авизақәа рыҭара мап ацәыркит. Иазгәаҳҭоит аполитикатә мотивациа зызу Урыстәыла иҟоу Венгриатәи ацҳаражәҳәарҭа аҟны Аԥснынтә ампыласыҩцәа мап ахьырцәыркыз, азинеиҟарамратә знеишьаны ҳахәаԥшуеит, насгьы европатәи ахәшьара иаҿагыло иҟаҵоуп. Ишьақәыргылоу адискриминациатә схема системала аус адуло, венгриатәи ацҳаражәҳәарҭа аусзуҩцәа иаарыцҳаит аԥсуа Милаҭтә еилакы ачемпионат рхы аладырхәыр, аполициатә знеишьала азҵаара шырыӡбо. Қырҭтәылеи уи мраҭашәаратәи аҩызцәеи Аԥсны ауааԥсыра раҟәыҭхаразы аҽазышәара иҟарҵоу, ихьымӡӷу афақтқәа рхырхарҭа шьаҭара азнауеит. Аԥсуаа ирҿагыло, иҟам-ианым аҭагылазаашьақәа ҳәаақәызҵо, иара убас аԥсуааи аурысқәеи иҵабыргым аизыҟазаашьақәа ирылацәажәарц рҽазыршәит.

Қырҭтәыла ауаажәлари уи адгылаҩцәеи ари азинеиҟарамратә знеишьа изхылҿиаауа ракәны иҟоуп. Иазгәаҭазарц ахәҭоуп ааскьа Ҭырқәтәыла имҩаԥысуаз жәларбжьаратәи афестиваль ахь ааԥхьара змаз аԥсуа кәашацәа Қырҭтәыла ахарала ааԥхьара мап ацәыркит, уи азымхакәа, Германтәыла иҟоу Қырҭтәыла ацҳаражәҳәарҭа Берлин ақалақь аҿы имҩаԥысуаз «Аиаҵәа мчыбжьы - 2015» ААП (ТПП) рхалархәразы иаҿагыло ишалагаз, уи инамаданы иазгәаҭатәу маҷым.

Ари иҳанаҳәо уи ауп, Қырҭтәыла егьырҭ азнеишьақәа рыла аибашьра мап ацәкра ишахымыццакуа, «аԥсуа аиашьцәеи аиаҳәшьцәеи рхылаԥшразы» ҳәа иахьӡхаланы иамоу зынӡа даҽа хықәкуп инанагӡо, ҳәарада. Аԥсны ақырҭуа «цхыраарақәа» агәра ганы иазнеиӡом.

Ари аҩыза аҭагылазаашьаҿы ахыхьчара арӷәӷәара иреиӷьу мҩоуп, еиуеиԥшым аусхкқәа рҿы аԥсуа-аурыс еизыҟазаашьақәа иҵегьы рҭышәынтәалара аҭахуп, уи шьақәырӷәӷәоуп аусеицуреи астратегиатә еиҩызареи ирызку Аиқәшаҳаҭраҿы.

Нхыҵ Кавказ аҭынчреи ашәарҭадареи рзы Женева имҩаԥысра иҟоу аимак-аиҿак аҟны Аԥсны Аҳәынҭқарра Адәныҟатәи аусқәа рминистрра Қырҭтәылеи Европатәи Ахеилаки ирхылҿиаауа аԥсуа жәлар рзинеиҟарамра иазку азҵаара иҵегьы иӷәӷәаны иқәнаргылоит.

Ҳара инеиԥынкыланы, апринципра аарԥшуа аԥсуа жәлар амилаҭтәи, аполитикатәи, асоциал-економикатәи зцаарақәа ирыдҳәалоу иҵегьы ҷыдала ҳрызхьаԥшлоит. Жәларбжьаратәи ашәҟәқәа рҿы ишазгәаҭоу еиԥш, аӡәгьы имам алшара ажәлар рзинқәеи рхақәиҭреи рымыхра.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21