aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

32-тәи Женеватәи аимак-аиҿакқәа ирызку АИХ (СМИ) азы адырраҭара 01.07.2015

32-тәи Женеватәи аимак-аиҿакқәа ирызку АИХ (СМИ) азы адырраҭара

Рашәара 30 инаркны ԥхынгәы 1-нӡа Нхыҵ Кавказ ашәарҭадареи аҭышәынтәалареи рзы Женеватәи аимак-аиҿакқәа мҩаԥысуан. Аԥсны Аҳәынҭқарра Адәныҟатәи аусқәа рминистр Виачеслав Чрыгба хадара ззиуаз Аԥсны Аҳәынҭқарра аделегациа иалахәын Аԥсны Ахада Иадминистрациа Аексперттә наԥхгара аиҳабы Иракли Хынҭәба, Аԥсны Адәныҟатәи аусқәа рминистрра аусзуҩцәа Лаша Аҩӡба, Иракли Ҭыжәба, Ҭенгиз Ҭарба, Лаша Ашәба.

Аусура мҩаԥысуан традициала ҩ-гәыԥкны – ашәарҭадареи агуманитартә зҵаарақәеи рыла. Актәи аусуратә гәыԥ русура, амч ахархәара аҿагылара иазкын, Аԥсни Алада Уаԥстәылеи руааԥсыра ргуманитартә зин аиқәыршәара, жәларбжьаратәи аимадарақәа ирыдҳәалоу аԥынгылақәа раԥырҟәҟәара, иара убас егьырҭ аспекҭқәа, Европатәи аилазаара авизатә политикеи, аҭынчра аиураҿы аҭагылазаашьа ҿыцқәа раԥҵареи, Нхыҵ Кавказ аҭышәынтәалареи ирыдҳәалоу азҵаарақәа ықәыргылан.

Актәи аҩбатәи аусуратә гәыԥқәа рҿы аԥсуа лахәылацәа азинеиҟарамра знырԥшу ашьапылампыл азы Аԥсны Аимилаҭтә еилакы, Ихьыԥшым ашьапылампыл азы аилахәыра аконфедерациа Ачемпионат (ConIFA) Венгриа имҩаԥысуаз ахалархәра мап шацәыркыз атәы иазааҭгылеит. Изныкымкәа европатәи атәылақәа аԥсуа студентцәа, акәашаратә коллективқәа, аспорттә командақәа авизақәа рыҭара алдыршомызт, атуристцәа рзы Аԥсны атәылауааԥсыра, иакымкәа европатәи атәылақәа агуманитартә мацәаз ишҭаркыз атәы иаҳәоит. Авизатә политика аҭагылазаашьа аҽамԥсахыр, ҳтәыла ауааԥсыра адунеи аҟәыхразы иҟаҵоу аусмҩаԥгатәқәа рҿагыларазы Аԥсны иазхиоуп хшыҩзышьҭра зҵоу аҭак, иара убас иақәнагоу азнеишьақәа разыԥшаара.

Агуманитартә зҵаарақәа рзы агәыԥ аҟны аԥсуаа зҵакы дуу, Аԥсны акультуратә ҭынха архынҳәра аҳәаақәа ирҭагӡаны архивтә материалқәеи атехникатә усшәҟәқәеи адыргалт. Колхидатәи ашыц аекологиатә ҭагылазаашьа уадаҩ иазааҭгылеит, иазгәарҭеит иара убас ари азҵаара аӡбаразы жәларбжьаратәи ахеилакқәеи аекспертцәеи адгалатәуп ҳәа. Аԥсуаа ақырҭцәа даҽазнык ирыдыргалт хыԥхьаӡарала еиқәыршәоу архивтә усшәҟәқәа рпакет. Женеватәи аимак-аиҿакқәа рҿы ари ахырхарҭала аусутә ацҵаразы аганқәа еиқәшаҳаҭхаратәы аҟаҵара рылдыршеит. ЕАР (ООН) Ассамблеиа Хада иҟанаҵаз алкаа, мчыла иахцоу Аԥсни

Алада Уаԥстәылеи рҟынтә ауааԥсыреи ахҵәацәеи Қырҭтәыла иаднагалаз алкаа азҵаара аӡбараан, аԥсуааи алада-уаԥстәылааи ҿагыларак аҳасабала аҩбатәи аусуратә гәыԥ ааныжьны ицеит.

Нхыҵ Кавказ ашәарҭадареи аҭышәынтәалареи рзы анаҩстәи Женеватәи аимак-аиҿакқәа жьҭаара 6-7 рзы имҩаԥысраны иҟоуп.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21