aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Аҳәынҭқарра Адәныҟатәи аусқәа рминистрра ПМА (ПМР) Адәныҟатәи аусқәа рминистрра ашҟа адныҳәаларатә нота аанацҳаит 01.07.2015

Аԥсны Аҳәынҭқарра Адәныҟатәи аусқәа рминистрра ПМА (ПМР) Адәныҟатәи аусқәа рминистрра ашҟа адныҳәаларатә нота аанацҳаит

Приднестровиатәи Молдавтәи Аҳәынҭқарра Адәныҟатәи аусқәа рминистрра шьақәгылеижьҭеи 23 шықәса ахыҵра инамаданы Аԥсны Аҳәынҭқарра Адәныҟатәи аусқәа рминистрра Приднестровиатәи Молдавтәи Аҳәынҭқарра Адәныҟатәи аусқәа рминистрра ашҟа адныҳәаларатә нота аанацҳаит. Адныҳәалараҿы иаҳәоит:

«Аԥсны Аҳәынҭқарра Адәныҟатәи аусқәа рминистрра Приднестровиатәи Молдавтәи Аҳәынҭқарра Адәныҟатәи аусқәа рминистрра ҳаҭыр дула иазнеиуеит, насгьы иамоуп алшара ду Адәныҟатәи аусқәа рминистрра ашьақәгылара Амш ныҳәа инамаданы адныҳәалара аанацҳарц! Приднестровиатәи Молдавтәи Аҳәынҭқарра Адәныҟатәи аусқәа рминистрра абар 23 шықәса аԥышәа ду иамоу хшыҩзышьҭралеи ҳаҭырлеи ахархәара азнауеит акырӡа зҵазкуа адәныҟаполитикатә усқәа рынагӡараҿы, жәларбжьаратәи аимадарақәа реиҿкаареи атәыла анҭыҵтәи аҩызцәа ремадареи арӷәӷәараҿы.

Ақәҿиара дуқәеи адипломатиатә ҟазара ҳараки еснагь ҿырԥштәыс иҟан, иагьаанхоит приднестровиатәи аколлегацәа иҳараку рзанааҭдырраҿы.

Агәра ганы сыҟоуп, шәнапы злаку аус Ду Приднестровиатәи Молдавтәи Аҳәынҭқарра Адәныҟатәи аусқәа рминистрра ауалԥшьа анагӡараҿы шәпатриотизми шәыгәцаракреи, ҳаԥхьаҟа иҵегьы еиҳау ахықәкқәа рынагӡараҿы, приднестровиатәи адипломатцәа иахьатәи аԥсҭазаара уадаҩ аԥықәсларақәа риааиразы амчра рнаҭоит.

Шәара шәдипломатиатә ԥышәеи зыҩаӡара ҳараку шәыпрофессионалтә зыҟаҵареи, Аԥсны Аҳәынҭқарреи Приднестровиатәи Молдавтәи Аҳәынҭқарреи ҳаиҩызаратә тәылақәа реиҩызара аиӷьтәреи арӷәӷәареи рҿы лагала дууп.

Ҳаҭыр Ду зқәу, ари аҭагылазаашьа схы иархәауа, гәык-ԥсык ала ишәзеиӷьасшьарц сҭахуп агәабзиареи, аманшәалареи, шәнапы злаку аус аҿы ақәҿиара дуқәеи».


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21