aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Нхыҵ Кавказ ашәарҭадареи аҭышәынтәалареи рзы Женеватәи аимак-аиҿакқәа ирызкны Аԥсны Аҳәынҭқарреи Алада Уаԥстәылеи рделегациақәа рзеиԥш ҳәамҭа 02.07.2015

Нхыҵ Кавказ ашәарҭадареи аҭышәынтәалареи рзы Женеватәи аимак-аиҿакқәа ирызкны Аԥсны Аҳәынҭқарреи Алада Уаԥстәылеи рделегациақәа рзеиԥш ҳәамҭа

Уажәшьҭа акыр шықәса ҵуеит ЕАР (ООН) Ассамблеиа Хада, мчыла иахцоу Аԥсни Алада Уаԥстәылеи рҟынтә ауааԥсыреи ахҵәацәеи ирызкны Қырҭтәыла иаднагалоу алкаа рыдыркылоижьҭеи. Есышықәса аусшәҟәы атекст еиҭаҳәауа, Қырҭтәыла адунеитә еилазаара иаднагаларц иашьҭоуп ахҵәацәа зҭагылоу ауадаҩрақәа ганкы мацарала, иполитикатәу, ииашам азнеишьала, хықәкысгьы иамоуп изакәантәым адгьылҵакыратә адҳәалара рыдыргаларц.

Лаҵара мзазы, 2015 шықәсазы Қырҭтәыла иаднагалаз ЕАР (ООН) Ассамблеиа Хада мчыла иахцоу Аԥсни Алада Уаԥстәылеи рҟынтә ауааԥсыреи ахҵәацәеи ирыдҳәалоу анаҩстәи алкаа, уи аԥхьа ЕАР (ООН) Ассамблеиа Хада иаднакылаз алкаа атекст еиԥшны иҟаҵоу аҟны иаҳәоит МИА (ВПЛ) ахҵәацәеи урҭ рыхҭылҵи «рыҩныҟа Қырҭтәылаҟа, иара убас Аԥсныҟеи Алада Уаԥстәылаҟеи рырхынҳәразы» рзинқәа рышьақәырӷәӷәара.

Адунеитә еилазаара иадгалоу алкааҿы иарбаӡам мчыла иахцоу ауааԥсыреи ахҵәацәеи рҭыԥԥсахра зыдҳәалоу Аԥсни Алада Уаԥстәылеи ирабашьыз Қырҭтәыла шакәу. Иаҳәаӡом иара убас Қырҭтәыла иахьаҵанакуа аетникатә рыцқьара имҩаԥыргаз инамаданы, шә-нызқь инарзынаԥшуа ауаԥсаа Алада Уаԥстәылеи Урыстәыла Афедерациеи рҟны хеиқәырхарҭас ишроуз, насгьы рыҩныҟақәа рахь имаҷыҩӡаны ахынҳәра шрылшаз. Аԥсни Алада Уаԥстәылеи ақырҭуа ахҵәацәа рынхарҭа ҭыԥқәа шрыдыргалаз атәы алкааҿы иаҳәаӡом. Қырҭтәыла иаднагалаз алкааҿы иазгәаҭаӡам иара убас иҟаҵәҟьоу аполитикатә иаша, иаҳҳәозар Аԥсни Алада Уаԥстәылеи ихьыԥшым ҳәынҭқаррақәаны ишыҟоу, уимоу агәра ҳнаргоит, Қырҭтәыла агуманитартә уадаҩрақәа рыӡбара зынӡаскгьы ишашьҭам.

Ашықәсқәа ирылгауа мацара, Қырҭтәыла иаднагалоу алкаа Қырҭтәылеи, Аԥсни, Алада Уаԥстәылеи рҟынтә ахҵәацәа рҭагылазаашьа еиӷьнатәуам, ҳәарада, уи адагьы Женеватәи аимак-аиҿакқәа рус ацашьа иаԥырхагоуп, насгьы иазгәаҭатәу, Қырҭтәылеи, Аԥсни, Алада Уаԥстәылеи рҿы иҟоу ауадаҩра дуқәа, мчыла иахцоу ауааԥсыреи ахҵәацәеи рызҵаара нацҵаны рылацәажәаразы уаҳа аҭыԥ шазылхым.

Ахҵәацәа рызҵаара аӡбараҿы адипломатиатә маанеи алкаа апропагандатә еффекти ихадоу знеишьахом, иаҭахуп аиҿагылара ацәхьаҵреи, амчра ахархәара ахьзалмыршахо, зиндыррала ихымԥадатәу аиқәшаҳаҭра анапаҵаҩра, аҵыхәтәаны Қырҭтәылеи - ганкахьала, Аԥсни, Алада Уаԥстәылеи - даҽа ганкахьала аиҩызаратә еиқәшаҳаҭра анапаҵаҩра алыршара.

Ахҵәацәа рҭагылазаашьа уадаҩ аполитикатәра Женеватәи аимак-аиҿакқәа рус ацашьа иаԥырхагоуп, Қырҭтәыла иаднагалаз мчыла иахцоу ауааԥсыреи ахҵәацәеи ирыдҳәалоу азҵаара зыҩаӡара ҳараку жәларбжьаратәи аусбарҭа ЕАР (ООН) Ассамблеиа Хадаҿы ишаӡбоу инамаданы, Аԥсни Алада Уаԥстәылеи рхаҭарнакцәа ари азҵаара ықәдыргыларц иашьҭоуп ЕАР (ООН) ахыбра аҵаҟа. Аԥсни Алада Уаԥстәылеи ирмырдыркуа ахҵәацәа рызҵаарала аполитикатә хәмаррақәа цонаҵы, Женеватәи аимак-аиҿакқәа рҳәаақәа ирҭагӡаны ари азҵаара ӡбашьак аиуӡом.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21