aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

 Иҷыдоу Европатәи Ахеилак ахаҭарнак иофис аҿы  Аладатәи Кавказ азҵаарақәа рзы Аполитикатә Абжьгаҩ иԥылара иазкны 20.07.2015

Иҷыдоу Европатәи Ахеилак ахаҭарнак иофис аҿы Аладатәи Кавказ азҵаарақәа рзы Аполитикатә Абжьгаҩ иԥылара иазкны

Аԥсны Адәныҟатәи аусқәа рминистрраҿы ԥхынгәы 16 рзы Аԥсны Адәныҟатәи аусқәа рминистр Виачеслав Чрыгбеи Иҷыдоу Европатәи Ахеилак ахаҭарнак иофис аҿы Аладатәи Кавказ азҵаарақәа рзы Аполитикатә Абжьгаҩ Том Триери аимадарақәа рзы аполициа Афицар Сергеи Макарови реиԥылара мҩаԥысит. p>Аиԥылараҿы иакымкәа азҵаарақәа ирзааҭгылан, урҭ рхыԥхьаӡараҿы иҟан Гал араион аурыс бызшәа алагалара, Аинцидентқәа Раԥырҟәҟәареи Рықәҿыҭреи рзы Амеханизмқәа реиҭарҿыцра аҭагылазаашьақәеи (МПРИ) убас егьырҭгьы. Иҷыдоу Европатәи Ахеилак ахаҭарнак Аладатәи Кавказ азҵаарақәа рзы Т.Триер излазгәеиҭаз ала, галтәи ашколхәыҷқәа абызшәатә уадаҩра иаҵоуп. Убас, ахатәы бызшәа – агыршәа инамаданы, ашколхәыҷқәа ақырҭшәеи, аурысшәеи, аԥсшәеи ҵатәыс ирымоуп. В.А.Чрыгба игәаанагарала ари азнеишьа (Галтәи ашколқәа рҿы аурысшәа алагалара), асоциалтә ԥҭазаара еффективла аларҵәаразы акырӡа аҵанакуеит. Аминистр иазгәеиҭеит ақырҭцәа рганахьала ишьаҭадоу алагалақәа рыларҵәара. Иаҳҳәап, Гал араион инхо ақырҭуа бызшәа арҵаҩцәа ишакәым рызнеиразы ақырҭуа ган ишьаҭадоу алагалақәа ҟарҵоит. Аԥсны ахаҿра еицазкуа ари аҩыза апропоганда активла инанагӡоит ақырҭуа ган. Ииашам аинформациа системала ахархәареи Аԥсны ауааԥсыра рганахьала агәаӷ злоу абызшәа ахархәареи ҿырԥштәыс иазыҟалоит Apsny.ge захьӡу асаит аусура. p>Аинцидентқәа Раԥырҟәҟәареи Рықәҿыҭреи рзы Амеханизмқәа (МПРИ) реиҭарҿыцразы аҭагылазаашьа дахцәажәауа, В.А.Чрыгба иазгәеиҭеит аԥсуаа рпозициа ҽыԥсахшьа амамкәа ишынхаз. Аԥсуаа рганахьала Аинцидентқәа Раԥырҟәҟәареи Рықәҿыҭреи рзы Амеханизмқәа (МПРИ) аусура ибзианы иаднакылоит, ари механизм хырҳага злоу акәынгьы иахәаԥшуеит. Ақырҭуа ган аполитикатәра аҟәымҵыр, уи еиҭарҿыцзар алшоит.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21