aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Адәныҟатәи аусқәа рминистрра акомментариақәа 12.08.2015

Адәныҟатәи аусқәа рминистрра акомментариақәа

«Аоккупациа зызуу аҵакырадгьылқәа» рҟны ауаатәыҩса рзинқәа рҭагылазаашьазы ҳәа Қырҭтәыла Адәныҟатәи аусқәа рминистрра иҟанаҵаз аҳасабырба иунарбоит Аҧсны Аҳәынҭқарреи Аахыҵ Уаҧстәылеи рҟны иҟаҵәҟьоу аҭагылазаашьақәа ырҧаршеины адунеитә уаажәларра ишрызнаго. Ари аҳасабырба аҩыза аҳасабырбақәа ЕС-хымз ОБСЕ азы ақырҭуа ган иазнархиалоит.

Иумбарц залшом Қырҭтәыла Адәныҟатәи аусқәа рминистрра хықәкыла адунеи ауааҧсыра ишрыладырҵәо атермин «аоккупациа зызуу аҵакырадгьылқәа». Еилкаау акоуп, уи иҟоу аполитикатә ҭагылазаашьа иаша ишаҿагыло, Аҧсны аҳаҭыр еиҧш аҧсуа-аурыс еизыҟазаашьақәагьы рҵакы шдырхәанчо.

Ақырҭуа ган иагәаларшәатәуп арратә окуппациа азинтә нормақәеи арежими 1907 шықәса рзы Гаагатәи а-4-тәи аконференциаҟны ирыдкылаз аиқәшаҳаҭра ҷыда ишҳәаақәнаҵаз, иара убасгьы ишацҵаз 1949 шықәсазтәи Женеватәи аконвенциақәеи 1977 шықәсазтәи урҭ рыцҵақәеи рҟны. Арҭ жәларбжьаратәи адокументқәа инарықәыршәаны арратә окуппациа ҳәа изышьҭо аамҭала ҳәынҭқаррак аҵакырадгьыл аҽа ҳәынҭқаррак аҵакырадгьыл арбџьар мчқәа рыла иаанкыланы атәыла анапхгараҭара ахахьы ианаго ауп. Асеиҧш иҟоу аҵакырадгьыл аоккупациа зызуу ҳәа иҧхьаӡоуп. Амчрагьы арратә мчқәа рнапаҟны иааныркылоит.

Аҧсны Аҳәынҭқарраҟны иҟоу аҭагылазаашьа зынӡаскгьы иақәшәаӡом хыхь еиқәыҧхьаӡоу акритериқәа. Ҳәарада уи ус шакәуу Қырҭтәыла Адәныҟатәи аусқәа рминистрраҟнгьы ирдыруеит адунетә жәлареилазаара рҟынгьы ирдыруеит. Аха, асеиҧш иҟоу апропоганда азырхоуп Аҧсны ахьӡи аҳаҭыри рыларҟәра. Иара убасгьы абри адокумент аҟны идырны, ахықәк ҷыда аманы иазырҳауп ихҵаны ицаз рхыҧхьаӡара. Аҳасабырбаҟны иарбоуп 430 000-ҩык ахҵәацәа ыҟоуп ҳәа.

1989 шықәсазтәи Аҧсны ауапсыра ашәҟәы ранҵараан ареспублика иқәынхоз ааидкыланы 525 000-ҩык ыҟан, урҭ рҟынтәи 240 000-ҩык қырҭцәан. Еилкаау акоуп, ихҵәаны ицаз рхыҧхьаӡарагьы ари ишеиҳамхо. Уи адагьы аибашьра ашьҭахь Галтәи араион ахь ихынҳәит нхара ҳәа 60 000-ҩык ауааҧсыра. Асеиҧш ганлактәи ахҵәацәа рырхынҳәра адунеитә практикаҟны аҽаџьара иҟам. Абас ала, адокумент иарбоу ахыҧхьаӡара шиашам умбарц залшом.

Иааидкыланы, ауаҩытәыҩса изинқәа еилагоуп ҳәа аҳасабырбаҟны иарбоу аҿырҧштәқәа ихәыцу, имцу информациоуп.

Ақырҭуа – аҧсуахәаа ахысра атәы акәзар, ирмарианы аус шьақәыргылоуп. Аҧсуа ганахьала аушьҭырҭатә пунктқәа хәба аус руеит (Ингәыр, Саберио, Ҭаглан, Набакеви, Отобаиа). Мызкы аҩныҵҟала аҳәаа иахысуеит зықьҩыла ауааҧсыра.

Аҧсны анапхгара рҽазыршәоит ари апроцесс еиҳагьы армариара.

Аҧсны Аминистрцәа реилазаара ақәҵара инақәыршәаны галл араион ауааҧсыра азин рымоуп СССР апаспортқәа рылагьы аҳәынҭқарратә ҳәаа ахысра.

Урыстәылатәи аҳәаахьчаҩцәа ракәзар, урҭ ара иҟоуп Аҧни Урыстәылеи ирыбжьарҵаз аиқәшаҳаҭра инақәыршәаны.

Аҳасабырба ицәаҳәа ҟаҧшьны иагәылсуеит аимак зыбжьоу Урыстәылеи Қырҭтәылеи роуп ҳәа. Иааидкыланы аҳасабырба иҟоу аиаша аанарҧшуам, Женеватәи адискуссикәа ирҿагылоит, акыршықәатәи аусурақәа ирҧырхагоуп.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21