aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистрра аделегациа Аахыҵ Уаԥстәыла  ареспубликаҟны авизит иацҵоуп 19.08.2015

Аԥсны Адәныҟатәи аусқәа рминистрра аделегациа Аахыҵ Уаԥстәыла ареспубликаҟны авизит иацҵоуп

Аԥсны Адәныҟатәи аусқәа рминистр Виачеслав Чрыгба напхгаҩыс дызмоу, Аԥсны Адәныҟатәи аусқәа рминистрра аделегациа Аахыҵ Уаԥстәыла ареспубликаҟны имҩаԥысуа авизит аҳәаақәа ирҭагӡаны аделегациа идикылеит Аахыҵ Уаԥстәыла Апарламент аиҳабы Анатоли Бибилов. Асасцәа бзиала шәаабеит ҳәа раҳәо А.И. Бибилов иазгәеиҭеит ари авизит Аԥсни Аахыҵ Уаԥстәылеи рыбжьара аиашьаратә еимадарақәа шарӷәӷәо. Аахыҵ Уаԥстәыла Апарламент аиҳабыи Аԥсны Адәныҟатәи аусқәа рминистри ргәаанагарақәа еибырҳәеит еиуеиԥшым азҵаарақәа рганахьала, апарламентбжьаратә усеицура азҵаарагьы абрахь иналаҵаны.

Аҵакы змоу усмҩаԥгатәны иҟалеит Аахыҵ Уаԥстәылатәи ареспубликаҟны Аԥсны Аҳәынҭқарра Ацҳаражәҳәарҭа официалла аартреи Аԥсны Аҳәынҭқарра абираҟ ашьҭыхреи. Аныҳәатә церемониа иалахәын Аахыҵ Уаԥстәыла Апрезидент Л. Тибилов, Апарламент аиҳабы А. Бибилов, Адәныҟатәи аусқәа рминистр К. Цховребов, аахыҵ уаԥстәылантәи Аԥсны еибашьуаз аветеранцәа, ауаажәларратәи, аҿартәи акультуратәи еиҿкаарақәа рхаҭарнакцәа. Аахыҵ Уаԥстәылатәи ареспубликаҟны Аԥсны Аҳәынҭқарра Ацҳаражәҳәарҭа аартраан иқәгылаз Аахыҵ Аԥсны Адәныҟатәи аусқәа рминистри В. Чрыгбеи Аԥсны Ацҳаражәҳәаҩ А. Елбакиеви инаҵшьны иазгәарҭеит ари ахҭыс иамоу аҵак ду атәы, Ацҳаражәҳәарҭа аусура ԥхьаҟатәи атәылақәа реизыҟазаашьа ацхыраара ду шырнаҭо. Аҭактәи ажәахә аҟны Леонид тибилов иазгәеиҭеит аусмҩаԥгатә аҵак ду, Аԥсни аахыҵ Уаԥстәыла ажәлари ирзеиӷьеишьеит аҭынчра. Имҩаԥган аконцерт, амузыкатә коллективқәа инарыгӡон аԥсуеи ауаԥси шәақәеи акәашарақәеи.

Аахыҵ Уаԥстәылатәи ареспубликаҟны Аԥсны Аҳәынҭқарра Ацҳаражәҳәарҭа аартра иалахәын Урыстәылатәи Афедерациа Ацҳаражәҳәарҭа аусзуҩцәеи Аԥсны иҟоу Аахыҵ Уаԥстәыла Ацҳаражәҳәаҩ Олег Боциеви. Абри ауха Аԥсны Ацҳаражәҳәарҭа ахьӡала имҩаԥган аныҳәатә уаххьа.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21