aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистр Виачеслав Чрыгба апресс-  конференциа мҩаԥигеит 25.08.2015

Аԥсны Адәныҟатәи аусқәа рминистр Виачеслав Чрыгба апресс- конференциа мҩаԥигеит

Аԥсны Адәныҟатәи аусқәа рминистрраҟны нанҳәа 25 рзы имҩаԥысит Аԥсны Адәныҟатәи аусқәа рминистрра аделегациа официалтә визитла Аахыҵ Уаԥстәыла рыҟазаара аихшьалақәа ирызкны Аԥсны Адәныҟатәи аусқәа рминистр Виачеслав Чрыгба ипресс-конференциа.

Виачеслав Чрыгба инарҭбааны еизаз ирзеиҭеиҳәеит аиԥыларақәеи аиҿцәажәарақәеи рымҩаԥысшьа атәы.

«Имҩаԥысит Аахыҵ Уаԥстәыла Адәныҟатәи аусқәа рминистр Казбулат Цховребови ҳареи ҳаиҿцәажәара, убри ашьҭахь анапы аҵаҩын аминистррақәа рыбжьара аконсультациақәа рыплан. Нас, аиԥылара мҩаԥигеит Аахыҵ Уаԥстәыла Ахада леонид Тибилов. Аиԥылараҟны ирылацәажәан наҟ-ааҟгьы аинтерес ззеицҳамоу азҵаарақәа. аиԥылара ахыркәшамҭаз анапы аҵаҩын Аԥсны Аҳәынҭқарра атәылауааи Аахыҵ Уаԥстәыла атәылауааи визада наҟ-ааҟ реиҭанеиааираз Аԥсны Аҳәынҭқарра Аиҳабыреи Аахыҵ Уаԥстәыла Аиҳабыреи рыбжьара Аиқәшаҳаҭра. Адырҩаҽны имҩаԥысит Аахыҵ Уаԥстәыла Апарламент аиҳабы Анатоли Бибилов иԥылара.Иара убри амш азы аныҳәатә ҟазшьа аманы иаартын Аԥсны Аҳәынҭқарра Ацҳаражәырҭа» - иҳәеит аминистр.

Виачеслав Чрыгба иара убасгьы еиҭеиҳәеит визада аиҭанеиааиразы Аиқәшаҳаҭра иҟанаҵоу азыԥхьагәаҭарақәа ртәы. «Иаҳҳәап, Аԥсны атәылауаа зегьы ирымам Урыстәылатәи аҳәаанхыҵтәи апаспорт. Уажәы, аԥсуа ҳәаанхыҵтә паспорт ала иалшоит Урыстәыла аҵакырадгьыл уахысны Аахыҵ Уаԥстәылаҟа анеира» азгәеиҭеит иара.

Адәныҟатәи аусқәа рминистр иажәақәа рыла авизит хра аманы имҩаԥысит. Аганқәа иара алҵшәақәа ирзыразуп. Анапы рыҵаҩын аиқәшаҳаҭрақәа ҩба, ареспубликақәа рыбжьара аиқәшаҳаҭра- зинтә база ԥхьаҟагьы ирӷәӷәахоит.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21