aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистр Виачеслав Чрыгбеи Венесуела  аделегациеи реиԥылара 03.09.2015

Аԥсны Адәныҟатәи аусқәа рминистр Виачеслав Чрыгбеи Венесуела аделегациеи реиԥылара

Цәыббра 3 рзы имҩаԥысит Аԥсны Адәныҟатәи аусқәа рминистр Виачеслав Чрыгбеи Боливариантәи ареспублика Венесуела аделегациеи реиԥылара. Аделегациа иалахәын Венесуела ахьӡала Урыстәылатәи Афедерациаҟны иҟоу Азинмчреи анапынҵа ҷыдақәеи змоу Ацҳаражәҳәаҩ Хуан Висенте Паредес Торреальба, Аенергетикеи аполитикеи рзы Абжьгаҩ Хоглис Хесус Мартинес Нунес, апресс-маҵзуҩы Рубен Дарио. Авизит иахықәкны иҟан Аԥсны Аҳәынҭқарра Ахада Рауль Ҳаџьымба агәраргагатә шәҟәы иҭара. Аиԥылара аартуа аминистр иазгәеиҭеит авизит шымҩаԥысуа иааиуа аныҳәамш – Аԥсны Венесуела ианазханаҵаз амш аламҭалаз. В. Чрыгба Урыстәылатәи Афедерациаҟны иҟоу Азинмчреи анапынҵа ҷыдақәеи змоу Ацҳаражәҳәаҩ Хуан Висенте Паредес Торреальба идиныҳәалеит иара Аԥсны Аҳәынҭқарраҟны Азинмчреи анапынҵа ҷыдақәеи змоу Ацҳаражәҳәаҩыс иҟалара.

В. Чрыгба инаҵшьны иазгәеиҭеит Аԥсни Венесуелеи реизыҟазаашьақәа акыр ишыбзиоу. Аԥсны ахә ҳаракны ишыршьо Боливариантәи ареспублика Венесуела имҩаԥнаго аҩызаратә дгылареи ацхыраареи. Аминистр иажәақәа рыла Аԥсны аинтерес аманы иҟоуп аҩ-тәылак рыбжьара иҟоу аимадарақәа рырӷәӷәареи реизырҳареи. Аминистр далацәажәеит ааигәа имҩаԥысыз аминистр ихаҭыԥуаҩ Олег Аршба Венесуелаҟа ивизит. Авизит ахаҭагьы иара убас уаҟа имҩаԥгаз ауснагӡатәқәагьы иккаӡа иаадырԥшуеит атәылақәа рыбжьара аҭыԥ змоу аилибакаара шыҟоу.

Х. Торреальба иазгәеиҭеит Аԥсни Венесуелеи рыбжьара ишьақәгылаз аизыҟазаашьақәа аԥеиԥш бзиа рыманы ишыҟоу: «Ҳара еиҟароу тәылақәоуп. Абжьааԥнык еиԥшымкәа иахьа иҳарҿиоит аиҩызареи аиашьареи шьаҭаны измоу аизыҟазаашьақәа. сара хыдҵаны изгоит иарбанызаалак азҵаара аӡбраҟны шәыдгылара, шәыцхраара…» Аиԥылара ахыркәшамҭаз имҩаԥысит агәраргагатә шәҟәқәа рыхкьыԥхьаақәа аминистр иҭара ацеремониа.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21