aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистрра аҳәамҭа 07.09.2015

Аԥсны Адәныҟатәи аусқәа рминистрра аҳәамҭа

Ишдыру еиԥш Аԥсны Ахада ихаҭыԥуаҩ Витали Габниа зхадараҟны дыҟаз аофициалтә делегациа алахәын Приднестровие ашьаҭаркра иазкыз аныҳәатә уснагӡатәқәа.

Аныҳәа аламҭалазы, Приднестровие акәша-мыкәша иҟоу аҭагылазаашьа уадаҩи иара убасгьы аныҳәа иалахәхараны иҟоу аделегациақәа рганахьала провокациақәак рымҩаԥысра ҟалар шалшои азыԥхьагәаҭо Приднестровие Адәныҟатәи аусқәа рминистр Нина Штанскии Молдова аганахьала приднестровиатәи азҵаара аҭышәныртәаларазы ахаҭарнак Виктор осипови алацәажәахьан Молдова аҵакырадгьыл аҟны атәымҳәынҭқарратә делегациақәа ԥырхага шырмоуа азы. Молдоватәи аган ари иақәшаҳаҭын.

Аха, Молдоватәи аган Аԥсны аделегациеи Аахыҵ Уаԥстәыла аделегациеи рганахьала аҩызаратә ҟазшьа змамыз ахымҩаԥгашьа аадырԥшит. Убас, К. Цховребов хадас дызмаз Аахыҵ Уаԥстәылатәи аделегациеи Витали Габниа хадас дызмаз Аԥсны аделигациеи Кишиниов аҳаиртә баӷәазаҟны иаанкылан.

Ареспублика Молдова ашәарҭадаратә органқәа иааныркылаз аофициалтә хаҿқәа рганахьала аԥсихологиатә қәыӷәӷәара мҩаԥыргон. Аԥсны аделегациа алахәылацәеи Аахыҵ Уаԥстәыла аделегациа алахәылацәеи азин рымхуп 10-шықәса рыҩныҵҟа Молдова алалара.

Молдоватәи аган аҳәамҭаҟны иарбоуп арҭ аделегациақәа аныҳәа рхы алархәра Молдова аҵакырадгьылтә акзаара иаԥырхагахоит ҳәа.

Молдоватәи амчрақәа иааигәаны Қырҭтәыла амчрақәа ирыдҳәалоу, имҩаԥыргоит Қырҭтәыла имҩаԥнаго аполитика иаҩызоу ахымҩаԥгашьа. Хыхь иарбоу апровокациатә усқәа рҿагылоит анеи-ааира ахақәиҭразы ауаатәыҩса рзин.

Иахәҭоуп Молдоватәи аиҳабыра ргәаларшәара – ртәылауаа рхыԥхьаӡара Аԥсны еиҳамхозар ишеиҵамхо, урҭ арахь усура ҳәа ишаауа. Иарбанызаалак арҭ ауаа рганахьала иахәҭамкәа иҟоу хымҩаԥгашьак Аԥсны Аҳәынҭқарра иаанамырԥшыц.

Хыхь иарбоу азыԥхьагәаҭо Аԥсны Адәныҟатәи аусқәа рминистрр молдоватәи аган иаҿагылоит, имҩаԥнагаз аус дискриминациатә усуп ҳәа азыԥхьаӡаны. Ауаажәларратә еилазаарахьгьы ааԥхьара ҟанаҵоит асеиԥ иҟоу ахымҩаԥгашьа ԥхьаҟагьы иаԥдырҟәҟәаарц азы.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21