aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Адәныҟатәи аусқәа рминистр Виачеслав Чрыгба женеватәи аиҿцәажәарақәа рыцхантәаҩцәа дырԥылеит. 10.09.2015

Адәныҟатәи аусқәа рминистр Виачеслав Чрыгба женеватәи аиҿцәажәарақәа рыцхантәаҩцәа дырԥылеит.

Адәныҟатәи аусқәа рминистр Виачеслав Чрыгба ААхыҵ Кавказ ашәарҭадареи аҭышәынтәалареи рзы женеватәи аиҿцәажәарақәа рыцхантәаҩцәа дырԥылеит, цәыббра 10 рзы.

Агуманитартәи аекологиатәи ҟазшьа змоу азҵаарақәа ҳәарада рҵакы дууп аха ашәарҭадара азҵаароуп ҳаиҿцәажәарақәа рҟны ихадараны иҟоу иҳәеит лассы имҩаԥысраны иҟоу аиҿцәажәарақәа XXXIII рраунд иалацәажәарц азы Адәныҟатәи аусқәа рминистр Виачеслав Чрыгба женеватәи аиҿцәажәарақәа рыцхантәаҩцәеи анеиԥылоз.

«Агуманитартәи аекологиатәи ҟазшьа змоу азҵаарақәа ҳәарада рҵакы дууп аха ашәарҭадара азҵаароуп ҳаиҿцәажәарақәа рҟны ихадараны иҟоу. Ҳара иаҳхаҳмыршҭралоуп аилацәажәарақәа ирхықәкы хаданы ишыҟоу арегион аҟны ашәарҭадара ашьақәыргылара. Абри азы ихымԥадатәиуп Аԥсни Қырҭтәылеи, Қырҭтәылеи Аахыҵ Уаԥстәылеи рыбжьара амчра ахамырхәара алзыршо адокументқәа анап рыҵаҩра. Ари ҳара ҳастратегиатә хықәкы хадоуп» - иҳәеит Чрыгба.

Женеватәи аиҿцәажәарақәа рыцхантәаҩцәа рԥылараан аминистр иара убасгьы иазгәеиҭеит имҩаԥысыз араунд аконструктивизм аҟазшьа аманы ишыҟаз. Иара убасгьы иазгәеиҭеит агәыӷра шимоу ԥхьаҟатәи аиҿцәажәарақәагьы усеиԥш имҩаԥысып ҳәа.

«Сгәы иаанагоит иаҳзыԥшу араунд аангьы апропагандеи аизыҟазаашьақәа реилкаареи акәымкәа ихадоу азҵаарақәа рыӡбара ҳалацәажәап ҳәа. амш азҵаатәхәы аҟны аҵакы зманы иҟоу азҵаарақәа ҟалашт. Ҳара ҳазыхиоуп урҭ рыӡбара. Шәара сшәықәгәыӷуеит аиҿцәажәарақәа хра рыманы, алҵшәақәа ҟарҵо еиԥш еиҿышәкаап ҳәа» азгәеиҭеит аминистр.

Чрыгба иара убасгьы иҳәеит Женеватәи аиҿцәажәарақәа рымшхәаԥштә аполитикатә зҵаара хадақәа рыдагьы аԥсуа ган ишамоу алшара агуманитартәи аекологиатәи зҵаарақәагьы рылацәажәара

«Амцаԥшьхәаҷа ҳшыцрақәа ықәнахуеит. Сгәы иаанагоит абри аусхк аганахьала Женеватәи аҟаза арахь иаара ишалшо арегионалтә ҟазшьа зауз апроблема аӡбра» азгәеиҭеит Чрыгба.

Евроеидгыла аҟынтәи Женеватәи аиҿцәажәарақәа рыцхантәаҩ Герберт Зальбер иазгәеиҭеит зыӡбахә ҳәоу апроблема дацхраарц шилшо швеицариатәи аексперт.

Чрыгба ацхантәаҩцәа рыхәшьарақәа рыцеиҩишеит. «Даара аҵакы дууп аҳәаа иаԥну Гал араион аиҿагылара акәымкәа аҭынчра иазонаны иахьыҟоу» ҳәа азгәеиҭеит аминистр.

Аминистр иара убасгьы дазааҭгылеит акультуратә ҭынхақәа рыпроблема алацәажәараҟны апрогресс аҭыԥ ахьамоу агәыӷра шинаҭо. Абри ахырхарҭала имҩаԥысуеит Лыхнытәи, бедиатәи ауахәамақәа реиқәырхашьа аҭҵаара. Италиатәи апрофессор Фаусто Пуниалони иазирхиеит ажәахә ҭбаа, ҳаамҭазы ауахәамақәа рҭагылазаашьа азҵаарала. Аминистр иҳәеит агәрагара шимоу абри аус ахырхарҭала аиҿцәажәарақәа ԥхьаҟагьы иманшәаланы ицап ҳәа.

Изаамҭанытәиу аиҿцәажәарақәа XXXIII рраунд мҩаԥысраны иҟоуп 2015 шықәса ажьҭаара 6-7 рзы.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21