aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистрра Аколлегиа аилатәара 11.09.2015

Аԥсны Адәныҟатәи аусқәа рминистрра Аколлегиа аилатәара

Цәыббра 11 рзы имҩаԥысит Аԥсны Адәныҟатәи аусқәа рминистрра Аколлегиа аилатәара

Аилатәара иалахәын Аԥсны Адәныҟатәи аусқәа рминистр В. Чрыгба (ахантәаҩы), Аԥсны Аԥыза-министр актәи ихаҭыԥуаҩ Ш.О. Аӡынба, атәыла Ахада иҟны иҟоу аексперттә усбарҭа аиҳабы И.Р. Хынҭәба иара убасгьы Аԥсны Адәныҟатәи аусқәа рминистрра аҟәшақәа рнапхгаҩцәа.

Аҟәшақәеи амаҵзурақәеи реиҳабцәа Аколлегиа алахәылацәеи иааԥхьаз асасцәеи ирзеиҭарҳәеит напхгара зырҭо аҟәшақәеи амаҵзурақәеи русура атәы. Адәныҟатәи аусқәа рминистр урҭ русурақәа ахәшьара риҭеит хаҭа-хаҭала, Иазгәеиҭеит аминистрра ԥхьаҟатәи аусура ахырхарҭақәа.

Аԥсны Адәныҟатәи аусқәа рминистр Аполитикатә ҟәша аиҳабы И. Ҭыжәба еизаз ирыдигалеит ажәахә «Аԥсуа-аурыс еизыҟазаашьа ҳаамҭазтәи аетап аан» атемала. Иара иазгәеиҭеит Аԥсны Аҳәынҭқарра Урыстәылатәи Афедерациа иазханаҵеижьҭеи 100 инареиҳаны еиқәшаҳаҭра анапы рыҵаҩуп, Урыстәылеи ҳареи ҳаизыҟазаашьа наҟ-ааҟгьы ҳзы афеида аманы иҟоуп ҳәа. Ажәахә алацәажәаразы иқәгылеит Урыстәылатәи

Афедерациаҟны иҟоу азинмчреи иҷыдоу анапынҵақәеи змоу Аԥсны Аҳәынҭқарра Ацҳаражәҳәаҩ И. Ахба, Урыстәылатәи Афедерациеи, Аахыҵ Уаԥстәылеи, ИАР атәылақәеи рыҟәша аиҳабы А. Чегьиа, Аԥсны Адәныҟатәи аусқәа рминистр В. Чрыгба. Ажәахә аганахьала И. Ахба иқәгылараан иазгәеиҭеит: «Аԥсны Аҳәынҭқарреи Урыстәылатәи Афедерациеи рыцҳаражәҳәарҭақәа аусеицура бзиа шьақәыргыланы ирымоуп. Аԥсны Ацҳаражжәҳәарҭа акәзар Урыстәыла иҟоу аҳәаанырцәтәи ацҳаражәҳәарҭақәа русзуҩцәеи иареи аимадарақәа рыбжьаҵаразы аусурақәа мҩаԥнагоит».

И. Хынҭәба ажәахә ахҳәаа ҟаҵо иазгәеиҭеит; «ҳтәылақәа рнапхгареи реиҳабыреи рыбжьара ишьақәгыланы иҟоу аимадарақәеи аиныррақәеи аҵыхәтәантәи ашықәсқәа рзы еиҳа- еиҳа иазҳауеит» ҳәа. ажәахә апроект еицҿакрыла ирыдыркылеит. Аԥыза-министр актәи ихаҭыԥуаҩ Ш. Аӡынба Адәныҟатәи аусқәа рминистрра аусура ахәшьара ҳаракы аиҭеит.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21