aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Аҳәынҭқарра аделегациа Италиа аҟазаара аихшьалақәа рыла апресс-конференциа 21.09.2015

Аԥсны Аҳәынҭқарра аделегациа Италиа аҟазаара аихшьалақәа рыла апресс-конференциа

Цәыббра 18 рзы Аԥсны Аҳәынҭқарра аделегациа Италиатәи Ареспублика иаҭааны аҟазаара аихшьалақәа рыла Адәныҟатәи аусқәа рминистрраҟны апресс-конференциа мҩаԥысит.

Аԥсуа делегациа аилазаара иалан: Адәныҟатәи аусқәа рминистр ихаҭыԥуаҩ Кан Ҭаниа, Ахәаахәҭра-ааглыхратә Палата апрезидент Геннади Гагәылиа, Адәныҟатәи аусқәа рминистрра аинформациа аҟәша аиҳабы Ҭенгьиз Ҭарба, Ахәаахәҭра-ааглыхратә Палата аусзуҩцәа Ииа Габуниаԥҳаи Ҭамила Мерцхәылааԥҳаи.

Апресс-конференциа аартуа, Аԥсны Адәныҟатәи аусқәа рминистр Виачеслав Чрыгба иҳәеит: «Ҳара Италиа имҩаԥааго аусурақәа шцац ицоит, иҟоу уадаҩрақәак ирхьмырԥшыкәа. ацәыргақәҵаҟны ҳделегациа аҟазаара аԥынгылақәа шамазгьы урҭ риааира ҳалшеит» ҳәа.

Аделегациа ахада, Адәныҟатәи аусқәа рминистр ихаҭыԥуаҩ Кан Ҭаниа авизит алҵшәақәа ртәы дазааҭгыланы иҳәеит: «цәыббра 11-16 рзы имҩаԥысыз Аусутә визит аҳәаақәа ирҭагӡаны Аԥсны Ахәаахәҭра-ааглыхратә Палата ахы аланархәит ақалақь Бари имҩаԥысуаз 79–тәи жәларбжьаратәи ацәыргақәҵа Fieradel Levante аҟны. Ари ацәыргақәҵа есышықәса рхы аладырхәуеит 2000 рҟынӡа италиатәиқәа реиԥш аҳәаанырцәтәи аилахәырақәагьы. Урҭ раалыҵ араҟа инарҭбааны ицәырыргоит. Итрадицианы ишышьақәгылахьоу ала, ацәыргақәҵа ааиртит Италиа Аԥыза-министр. Италиа реиҳа изҭаауа, аҵакы амангьы иршьо ацәыргақәҵаҟны Аԥсны Аҳәынҭқарра аҟазаара уаргәырӷьартә иҟоуп. Цәыббра 16 рзы ақалақь Альтамура имҩаԥысит «Европа-Аԥсны» ("Europa-Abcasia") ассоциациа ашьаҭаркыҩцәа реизара

Ақалақь Матера аҟынгьы имҩаԥысит ақалақь Матера Ахәаахәҭра-ааглыхратә палата аиҳабы Анџьело Торторелли иԥылара. Аиԥылараҟны ақалақь Матера Ахәаахәҭра-ааглыхратә палата Аԥсны Ахәаахәҭра-ааглыхратә Палата ԥхьаҟатәи русеицуреи реинырреи иалацәажәан».

Аԥсны Ахәаахәҭра-ааглыхратә палата Апрезидент Геннади Гагәылиа иазгәеиҭеит ацәыргақәҵаҟны иҟаз аалыҵ италиатәи аџьармыкьахь ицәыргазар шырҭаху атәы имаҷҩымкәа ишалацәажәаз.

«Аԥсны аекспорт алшарақәа ҳрыхәаԥшны иаҳзалыршар даараӡа ибзиан» - иҳәеит иара.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21