aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсуа спортсменцәа Ереван имҩаԥысуаз зых иақәиҭу ақәԥараз Жәларбжьаратәи атурнир  ралгара инадҳәаланы Аԥсны Адәныҟатәи аусқәа рминистрра Аҳәамҭа 28.10.2015

Аԥсуа спортсменцәа Ереван имҩаԥысуаз зых иақәиҭу ақәԥараз Жәларбжьаратәи атурнир ралгара инадҳәаланы Аԥсны Адәныҟатәи аусқәа рминистрра Аҳәамҭа

Ишдыру еиԥш жьҭаара 21-23 рзы Ереван имҩаԥысит атренер Ваган Затикиан игәалашәара иазкыз Жәларбжьаратәи атурнир. Атурнир алахәразы ааԥхьара рыҭан Аԥсны, Иран, Қырҭтәыла, Ингәшеҭиа, Даӷьесҭан, Аҩадатәи Уаԥстәыла, Азербаиџьан, Украина рҟынтәи аспортсменцәа. аха Қырҭтәыла Ацҳаражәҳәарҭа иҟанаҵаз ақәыӷәӷәарала Аԥснытәи аспортсменцәа аиндаҭлара иалхын.

Даара угәы унархьуеит асеиԥш иҟоу афакт Ермантәыла, ҳара иаҳҩызоу атәыла ҳәа иаҳаԥхьаӡо, иахьыҟалаз. Аԥсны инхоит хыԥхьаӡара рацәала аерман диаспора, Ашьха-Ҟарабахи ҳареи ҳаизыҟазаашьақәа акыр иҭышәынтәалоуп. Ермантәылатәи амчрақәа рыӡбра иахуҳәаара уадаҩуп.

Аҭыԥ зауз афакт Венгриа имҩаԥысуаз Ихьыԥшым ашьапылампылтә Ассоциациақәа Европатәи Рконфедерациа имҩаԥнагоз ачемпионат аԥсуа спортсменцәа раламырхәра еиԥшхеит. Урҭ рыдагьы иҟоуп ирацәаны асеиԥш аҭагылазаашьақәа. Урҭ иаахтны иудырбоит Қырҭтәыла уаанӡа имҩаԥнагоз аусқәа ишрыцәхьамҵуа, Аԥсны аҭахкаара аҭаны адунеи жәлартә еилазаара алгара шрыгәҭаку.

Аҽазныкгьы еилаган аполитикеи аспорти реиламхәра апринцип. Қырҭтәыла иалшо зегь ҟанаҵоит аспорт иара аполитикатә хықәкқәа рымаҵ анаруларц азы. Ақырҭцәа адемократиатә принципқәеи аартреи адиалоги ҳарзыхиоуп ҳәа ирҳәо шымцу аарԥшны иунарбоит аҭыԥ зауз афакт.

Аԥсны Адәныҟатәи аусқәа рминистрра иаартны иақәыӡбоит Аԥсни адунеитә уаажәларреи реинырра Қырҭтәыла ианаҭо ақәыӷәӷәара.

Ереван имҩаԥысуаз Жәларбжьаратәи зых иақәиҭу ақәԥаразы атурнир аҟны аԥсуа спортсменцәа раламырхәра афакт иалацәажәахоит ԥхынҷкәынмзазы Женева имҩаԥысраны иҟоу изаамҭанытәиу аиҿцәажәарақәа рҟны.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21