aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Адәныҟатәи аусқәа рминистрра ахҳәаақәа 20.11.2015

Адәныҟатәи аусқәа рминистрра ахҳәаақәа

2015 шықәса абҵара 16 рзы Бриуссель, ЕС-Қырҭтәыла ассоциациа Ахеилак аилатәара аихшьаалақәа аҭо еиыҟаҵаз аҳәамҭа рыларҵәан. Аҳәамҭаҟны Евроеидгыла аҽазныкгьы ишьақәнарӷәӷәеит Қырҭтәыла аҵакырадгьылтә акзаара ишадгылаҩу, Аԥсны Аҳәынҭқарреи Аахыҵ Уаԥстәылатәи Ареспубликеи рҟны иҟоу аҭагылазаашьа – арҭ ареспубликақәеи Урыстәылатәи Афедерациеи рыбжьара аҳәынҭқаррабжьаратә еизыҟазаашьақәа рзы аиқәшаҳаҭрақәа анап рыҵаҩра ашәарҭара шрызцәырнаго атәы аҳәеит. Абри инадҳәаланы Аԥсны Адәныҟатәи аусқәа рминистрра аҳәамҭа ахҳәаа анаҭеит, иазгәанаҭеит «аҳәамҭа аҽазныкгьы ишаанарԥшыз Евроеидгыла иҟаӡам, амифиагахьоу Қырҭтәыла аҵакырадгьылтә акзаара жәаҳәарада ишадгыло».

«Иазгәаҳамҭар алшом ақырҭуа-аԥсуа еимак акыршықәсала аҭышәныртәалараан Евроеидгыла аханатә еиԥш Қырҭтәыла аинтересқәа рыдгылара ишацәхьамҵыз.

Убри адагьы Евроеидгыла, Қырҭтәыла анапхгара рыдҵала имҩаԥнагоит адискриминациа ҟазшьа змоу, Аԥсны атәылауаа жәларбжьаратәи аҭахкаара рзура аполитика. Убри инақәыршәаны Аԥсны атәылауаа Евроеидгыла атәылақәа рахь ԥымкрада рныҟәарақәа аанкылоуп, Евроеидгыла аҵакырадгьыл иахьаҵанакуа амедицинатә цхыраара иалхәыдоуп, европатәи аҵарадыррахьгьы рымҩақәа ҿаҟәоуп, Аԥсны ахаҭарнакцәа акультреи аспорти, аҿартәи ауаажәларратәи уснагӡатәқәа ирылхәдоуп.

ЕС ахаҭарнакцәа азхьаҳарԥшыр ҳҭахуп урыстәыла-аԥснытәи аизыҟазаашьақәа наҟ-ааҟгьы афеида ззеицрымоу ракәны ишыҟоу, жәларбжьаратәи анормақәа инарықәыршәаны ишыҿио, ԥхьаҟагьы рырҭбаара ишацҵахо. Иргәалаҳаршәоит ҩ-ганктәи урыстәыла-аԥснытәи аизыҟазаашьақәа иарбанызаалае ЕС-Қырҭтәыла аформат ишаԥырхагам, евроеидгыла аинтересқәа ишрыҵарымкуа.

Иџьоумшьарц залшом, жәларбжьаратәи ауаажәларра адунеижәларбжьаратә терроризм аҿагыларазы аидгылара амҩа ҿыцқәа аназырыԥшаауа аамҭазы европатәи дипломатцәақәак ақырҭуа напхгара рҭахрақәа рымаҵ аура иахьазыхиоу» ҳәа азгәаҭоуп Аԥсны Адәныҟатәи аусқәа рминистрра иҟанаҵаз ахҳәаақәа рҟны.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21