aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны аделегациа официалла Сербиа иҟан 04.12.2015

Аԥсны аделегациа официалла Сербиа иҟан

Сербиатәи Ареспублика Апрезидент инаԥхьарала Виачеслав Чрыгба хадас дызмаз Аԥсны аделегациа атәыла иаҭааит. Аделегациа иалахәын Ҭенгьиз Ҭарбеи Закан Нанбеи.

Аиԥылараан Аԥсны Адәныҟатәи аусқәа рминистр Виачеслав Чрыгба Аԥсны анапхгареи ажәлари рыхьӡала аҩызаратә зеиӷьашьарақәа ииҭеит Сербиа Апрезидент Мирослав Додик.

Аԥсны Адәныҟаполитикатә Усбарҭа анапхгаҩы иазгәеиҭеит зинтересқәа шьақәзырӷәӷәар, зхы иақәиҭны иҿиар зҭаху атәылақәеи ажәларқәеи рыбжьара аизыҟазаашьақәа рырӷәӷәара хымԥадатәины ишыҟоу. Аминистр иазгәеиҭеит Аԥсны ибзианы ишырдыруа ареспублика аҭоурых ҿыц. «Ҳара ибзианы иаадыруеит шәара шәреспублика заҟа қәыӷәӷәара азыруаз адәныҟатәи амчрақәа. Аимак ашьҭамҭа уадаҩ иахьыԥшымкәа, иахьа Сербиатәи Ареспублика аҿиарамҩа иануп» - иҳәеит Чрыгба.

Чрыгба иара убасгьы иазгәеиҭеит ари Аԥсны Аҳәынҭқарра ахаҭарнакцәа раԥхьатәи рвизит акәны ишыҟоу. Уи ишалшо ҩ-ганктәи аизыҟазаашьақәа шьаҭаны роура, ҳажәларқәеи ҳтәылақәеи рыбжьара наҟ-ааҟгьы афеидарара злоу аусеицура ахацыркра.

Аԥснытәи аделегациа бзиала шәаабеит ҳәа раҳәо Сербиатәи Ареспублика Апрезидент Мирослав Додик иазгәеиҭеит ареспубликақәа рыҩбагьы рлахьынҵа акыр ишеиԥшу. «Аԥсны иахьа зых иақәиҭу, ихьыԥшыму адунеитә зхаҵара аиуразы иқәԥо тәылоуп» ҳәа азгәеиҭеит иара.

Аицәажәараан иара еиҭеиҳәеит Аахыҵ уаԥстәыла аибашьра анцоз Боснии герцоговинеи рҵакырадгьылаҟнытә Қырҭтәылаҟа абџьар ииаргараны ишыҟаз, аха Сербиатәи Ареспублика анапхгара уи шалыдмыршаз. Апрезидент иазгәеиҭеит ажәларқәа рхатәҳәаақәҵара аҳаҭыр шбалатәу. Аԥсны Аҳәынҭқарреи сербиатәи Ареспубликеи рыбжьара аиҩызаратә еизыҟазаашьақәа рыбжьаҵара аҵак ду аманы ишибо атәы иҳәеит, итазгәеиҭеит уи азы мҩақәаны иибо.

Виачеслав Чрыгба Сербиатәи Ареспублика Апрезидент Аԥсны официалтә визитла даарц ааԥхьара ииҭеит. Ааԥхьара гәахәарыла ирыдкылан. Аганқәа агәаларшәагатә ҳамҭақәа еимырдеит.

Абри ашьҭахь имҩаԥысит Аԥсны Аҳәынҭқарра аделегациеи аекономикатә еизыҟазаашьақәеи арегионалтә усеицуреи рминистр Златан Клокич иԥылара. Аганқәа алацәажәеит еиуеиԥшым аусеицура аспектқәа аекономика, атуризм, ақыҭанхамҩа уҳәа русхкқәа рҟны. Иеицеиқәшаҳаҭхеит Сербиатәи Ареспубликахь Аԥсны ААП аделегациа анеиразы.

Авизит ахыркәшамҭаз имҩаԥысит Аԥсны аделегациеи Баниа-лука ақалақь Ахада Слободан Гавранович иԥылара. Иара ҳделегациа ирзеиҭеиҳәеит ақалақь Ахадара аекономикеи, аҵареи, аспорти, аусурҭа ҭыԥқәа раԥҵареи русхкқәа рҟны ирымоу алшамҭақәа ртәы. Иара убасгьы иазгәаҭан дара шазыхиоу Аԥсны ақалақьқәа аус рыцура. Аганқәа алацәажәеит аекономикеи, акультуреи, аспорти, аҵареи русхкқәа рҟны реинырра азҵаарақәа.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21