aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Виачеслав Чрыгба диыдикылеит Урыстәылеи Аԥсныи иҟоу Боливариантәи Ареспублика Венесуела Анапынҵа ҷыдақәа змоу Аҭакзыԥхықәу Ацҳаражәҳәаҩ Уго Хосе Гарсиа Ернандес 21.08.2012

Виачеслав Чрыгба диыдикылеит Урыстәылеи Аԥсныи иҟоу Боливариантәи Ареспублика Венесуела Анапынҵа ҷыдақәа змоу Аҭакзыԥхықәу Ацҳаражәҳәаҩ Уго Хосе Гарсиа Ернандес

Виачеслав Чрыгба диыдикылеит Урыстәылеи Аԥсныи иҟоу Боливариантәи Ареспублика Венесуела Анапынҵа ҷыдақәа змоу Аҭакзыԥхықәу Ацҳаражәҳәаҩ Уго Хосе Гарсиа Ернандес.

Адәныҟатәи аусқәа рминистр гәахәарала асас бзиала уаабеит ҳәа иаиҳәеит Аԥсынтәыла адгьыл аҟны. «Латинатәи Америка арегион аҟны Аԥсны аинтересқәа рыхьчаразы Венесуела ажәлари атәыла Ахадеи иҭабуп ҳәа раҳҳәоит. Ҳара ҳажәларқәа еидызҳәало акакәны иҟоуп ахьыԥшымра азықәԥара, агәра згоит Урыстәылеи Венесуелеи егьырҭ ҳаиҩызаратә тәылақәеи адгылара иҳарҭо иабзоураны жәларбжьаратәи аҩаӡараҿы ақәҿиарақәа ҳгап ҳәа,» – азгәеиҭеит Чрыгба.

Иагьациҵеит Венесуела азы Аԥсны ҩызаратә тәылак аҳасабала ишыҟоу, Венесуелеи уи ахьаҵанакуа арегиони рҟны имҩаԥысуа ахҭысқәа зегьы араҟа ишрызҿлымҳау. «Аԥсны Адәныҟатәи аусқәа рминистр ихаҭыԥуаҩ Каракас инеира иаҳнарбеит Аԥсныи ҳареи ҳаимадарақәа ӷәӷәахарц азы Венесуела агәаҳәара шыҟоу. Аекономика, акультура, аспорт уҳәа убас егьырҭ аусхкқәа рҿы аусеицура ҳақәгәыӷуеит. Убри азы еиҳа ҳаиҿцаалароуп, анаҩс ҳтәылақәа рыбжьара аимадарақәа еиҳахоит,» – иҳәеит аминистр.

Уго Хосе Гарсиа Ернандес Аминситр иҭабуп ҳәа иеиҳәеит Аԥсныҟа ааразы алшара ахьыҟоу азы. «Аԥсны иҟоу асасдкыларала ахьӡ хара инаҩхьеит, саргьы раԥхьа санааз еиԥш уажәгьы аҩны сыҟоушәа схы збоит,» – ҳәа азгәеиҭеит Ацҳаражәҳәаҩ.

Аҩ-тәылак реизыҟазаашьақәа рыҿиара далацәажәо Ацҳаражәҳәаҩ иазгәеиҭеит, Венесуела Ахада иалхрақәа анымҩаԥыслак ашьҭахь Аԥсныи дареи русеицура еиҳа активла иалагоит ҳәа. Венесуелатәи адипломат иажәақәа рыла, Аԥсны ахьыԥшымреи азхаҵареи рзықәԥара амҩаҿы Венесуела аганахьала есымша адгылара амазаауеит.

«Венесуела аполитикатә процессқәа маҷк аҟара иаангыланы иҟан, Ахада Уго Чавес игәамбзиара иахҟьаны, уи ихәшәтәразы х-операциак изыҟарҵеит. Аха аҵыхәтәантәи аамҭазы иареи сареи ҳанеиқәшәоз хар имамызт. Мызк аахыс Уго Чавес дыцәгьамкәа ишьара дықәланы дыҟоуп, активла алхратә процесс далахәуп. Агәра ганы шәыҟаз, Боливариантәи ареспублика Венесуела ԥхьаҟагьы Аԥсны аинтересқәа жәларбжьратәи аҩаӡарахь рнагара ишашьҭазаауа,» – иҳәеит Ацҳаражәҳәаҩ.

Адәныҟатәи аусқәа рминистр Венесуела Ахада иаарласны игәабзиара шьақәгыларц изеиӷьеишьеит, иагьазгәеиҭеит Аԥсны Аҳәынҭқарреи Венесуелеи рыбжьара аизыҟазаашьақәа аԥеиԥш бзиа шрымоу, Аԥсны анапхгара ари аусеицура арӷәӷәара ишашьҭоу. Аиԥылара ахыркәшамҭаз Виачеслав Чрыгбеи Уго Хосе Гарсиа Ернандеси агәаларшәагатә ҳамҭақәа еимардеит.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21