aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны иҟоу Венесуелатәи Ацҳаражәҳәаҩ иааира иазкны Аԥсны Адәныҟатәи аусқәа рминистр иҟаиҵаз ааԥхьара 22.08.2012

Аԥсны иҟоу Венесуелатәи Ацҳаражәҳәаҩ иааира иазкны Аԥсны Адәныҟатәи аусқәа рминистр иҟаиҵаз ааԥхьара

Ҳаҭыр зқәу Ацҳаражәҳәаҩ,

Азин сышәҭ Аԥсынтәыла адгьыл аҿы гәыкала бзиала шәаабеит ҳәа шәасҳәарц! Шәара шәааира ишьақәнарӷәӷәоит Аԥсны Аҳәынҭқарреи Боливариантәи Ареспублика Венесуелеи реизыҟазаашьақәа рыӷәӷәара, риашара, даҽазныкгьы иаршаҳаҭуеит ҳтәылақәа рыбжьара иҟоу аусеицура арҿиара ҳшазыхиоу.

Иҭабуп ҳәа раҳҳәоит Венесуела анапхгара, ҳазҭоу ашықәс лаҵарамзазы Аԥсны Аҳәынҭқарра аделегациа адкылара бзиа ахьырзыҟарҵаз. Венесуелатәи агани ҳареи ҳаиԥыларақәеи ҳаиҿцәажәарақәеи ишьақәдырӷәӷәеит аиқәшаҳаҭра-зинтә, аполитикатә, ахәаахәҭра-економикатә, акультуратә усхкқәа рҿы ҳусеицура арҿиаразы еицаҳзеиԥшу агәаҳәара шҳамоу. Боливариантәи Ареспублика Венесуелеи уи Ахада Уго Чавеси Латинатәи Америка арегион аҿы Аԥсны аинтересқәа ӡырыргоит.

Ҳара ахә ҳаракны иаҳшьоит еиуеиԥшым жәларбжьаратәи аполитикатә форумқәа рҟны, хаҭалагьы Еиду амилаҭқәа реилазаара Ассамблеиа Хада аҟны, Аԥсны Аҳәынҭқарра иааннакыло апозициа Венесуела аганахьала адгылара ахьарҭо.

Ҳара ҳажәларқәа еидызкыло акакәны иҟоуп ахьыԥшымреи ахақәиҭра наӡеи рзықәԥара. Агәра згоит, шәара шәыцхыраареи шәареи ҳареи ҩызас иаҳзыҟоу Урыстәзылатәи Афедерациа ацхыраареи ирыбзоураны жәларбжьаратәи аҩаӡараҿы ҳусура алҵшәа бзиақәа шаанашьҭуа. Аҭагылазаашьа схы иархәаны, азин сышәҭа, ҳаҭыр зқәу Ацҳаражәҳәаҩ, Венесуела ажәлар аҭынчреи, аманшәалареи, аизҳазыӷьареи рзеиӷьашьара!


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21