aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Женеватәи аилацәажәарақәа рыцхантәаҩцәа рԥылара 04.03.2016

Женеватәи аилацәажәарақәа рыцхантәаҩцәа рԥылара

Ахәаша, хәажәкыра 4 рзы Аԥсны Адәныҟатәи аусқәа рминистрраҟны имҩаԥысит Аахыҵ Кавказ ашәарҭадареи аҭышәынтәалареи рзы Женеватәи аилацәажәарақәа рыцхантәаҩцәа рԥылара.

Аԥсны Адәныҟатәи аусқәа рминистр Виачеслав Чыргба аиԥылара аартуа иазгәеиҭеит «Ҳҿаԥхьа аҵак ду змоу аус шьҭоуп – арегион аҟны аҭынчра ашьақәыргылара. Даара хра змоу акакәны иҟалашан Қырҭтәылеи Аԥсни рыбжьара амчра ахамырхәаразы аиқәшаҳаҭра анапаҵаҩра. Қырҭтәылеи Аԥсни рыбжьара амчра ахамырхәараз аиқәшаҳаҭра анапаҵаҩра иуадаҩу, аха зынагӡара ауа усуп. Женеватәи аилацәажәарақәа изаамҭанытәиу рраунд алҵшәа аиуп ҳәа ҳгәыӷуеит».

Евроеидгыла ахьӡала женеватәи аиҿцәажәарақәа рҟны ахаҭарнак ҷыда Герберт Зальбер иазгәеиҭеит аиҿцәажәарақәа рлахәылацәа аус рацәа шырзыԥшу. «Даара сгәыӷуеит ҳаззыԥшу араунд алҵшәақәа аанашьҭып ҳәа. Ҳалацәажәараны ҳаҟоуп аинцидентқәа рызхьаԥшра амеханизм (МПРИ). Иара арегион аҟны аҭынчра ашьақәыргылара иацхраароуп - иҳәеит Зальбер. Аиԥылараҟны иара убасгьы иалацәажәан 2015 шықәса ԥхынҷкәын 8-9 рзы имҩаԥысыз аиҿцәажәарақәа.

Аахыҵ Кавказ ашәарҭадареи аҭышәынтәалареи рзы Женеватәи аилацәажәарақәа 35-тәи рраунд мҩаԥысраны иҟоуп хәажәкыра 22-23 рзы.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21