aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аҧсны адәныҟатәи аусқәа Рминистрра аҿы аиԥылара 25.05.2016

Аҧсны адәныҟатәи аусқәа Рминистрра аҿы аиԥылара

Аҧсны адәныҟатәи аусқәа Рминистрра аҿы Кавказнҭыҵ аҭышәынтәалареи ашәарҭадареи рышьақәгыларазы жәларбжьаратәи Женеватәи аилацәажәарақәа рыцхантәаҩцәа реиҧылара мҩаҧысит. 

Дырмит Басариа. Аиҧылараҿы иалацәажәеит ааигәа имҩаҧысраны иҟоу Женеватәи аилацәажәарақәа аинцидентқәа рызхьаҧшреи рҧырҟәҟәаареи Рмехенизм аусура аиҭашьақәыргылара иадҳәалоу амшхәаҧштә зҵаарақәа ирылацәажәеит. Ахәҭакахьала, аҧсуа ган ахаҭарнакцәа ақыҭа Баҭаигәара аҿы Аҧсны аҳәынҭқаратә шәарҭадаразы амаҵзура аҳәаахьчаратә хәҭа аруааи, Қырҭтәыла атәылауаҩи рыбжьара иҟалаз ахҭыс бааҧс инамаданы, аҧсуеи ақырҭуа гани рҽеимаданы аусеилыргара амҩаҧгара азҵаара алацәажәаразы ажәалагала ҟарҵеит.

Аҧсны Аҳәынҭқарра адәныҟатәи аусқәа рминистр Виачеслав Чыркба иазгәеиҭеит: “Ҳусураҿы ицәырҵуа ауадаҩрақәа шмаҷымгьы, ҳара иаҳхамышҭуазароуп иаҳзеиҧшу ахықәкы – арегион аҿы аҭышәынтәалара ашьақәыргылара. Аҧсни Қырҭтәылеи ирыбжьоу аҳәынҭқарратә ҳәаа аҿы иҟалаз ахҭыс баҧс Женеватәи аилацәажәарақәа рхырхарҭа иаҧырхагамхароуп”. 

Аладатәи Кавказ азҵаарақәа рзы Европатәи атәылақәа Реидгыла (ЕС) иҷыдоу ахаҭарнак Герберт Зальбер аминистр иажәақәа дрықәшаҳаҭхеит. “Ишьақәгылаз аҭагылазаашьа акыр ишымариамгьы, Женева имҩаҧысраны иҟоу аилацәажәарақәа рымшхәаҧштә зҵаарақәа шыҟац иаанхоит”, – ҳәа инаҵшьны иазгәеиҭеит иара. 

(АП): Кавказнҭыҵ аҭышәынтәалареи ашәарҭадареи рышьақәгыларазы жәларбжьаратәи Женеватәи аилацәажәарақәа изаамҭанытәиу 36 араунд мҩаҧгахоит рашәарамза 14-15 рзы.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21