aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистрра аҳәамҭа 31.05.2016

Аԥсны Адәныҟатәи аусқәа рминистрра аҳәамҭа

Аҵыхәтәантәи амшқәа рзы ақырҭуа аппозициатә партиа «Иаку амилаҭтә қәыргылара» ахаҭарнакцәа Аԥсны жәларбжьаратәи аҟәыҭхара ҟаларазы иакымкәа арзаҳалқәа ҟарҵеит. Иазгәаҭатәуп, аппозициатә ҿиара ахы зцәырнагаз Қырҭтәыла Адәныҟатәи аусқәа рминистрра аганахьала иџьбароу азнеишьа ахьыҟамыз ишахҟьаз, ашьапылампыл азы адунеизегьтәи Аԥсны имҩаԥысыз ачемпионат CONIFA «ахьалнаршаз» азы.

Ари аҩыза анегативтә реакциа жәларбжьаратәи хҭысқәа рахь аспорттә ҟазшьа цқьа змоу, зыҟны Аԥсны Аҳәынҭқаррагьы зхы алазыхәуа, ақырҭуа аелитатә политиказы акыр иазҷыдаҟазшьоуп. Даҽазныкгьы иазгәаҭамзарц залшом, иага ақырҭуа политикцәа Аԥсны атәылауаажәлари дареи аилибакаара зыбжьоу ракәны адунеитә еилазаара аҿаԥхьа аҭынчра иадгыло ҳәынҭқарраны рхы аадырԥшырц иашьҭазаргьы, Қырҭтәыла уажәгьы агрессиара злоу, аԥсуаа рышҟа иуаҩымрадоу, насгьы ауаҩытәыҩса изинқәа иадҳәалоу жәларбжьаратәи анормақәа ирҿагыло аполитика шынанагӡо, уи зызку Аԥсны Аҳәынҭқарра атәылауааԥсыра жәларбжьаратәи аимадара аҟәыҭхара ауп.

Ақырҭуа аппонентцәа иага ргәы днархьыргьы, уажәы Аԥсны имҩаԥысуа ашьапылампыл азы адунеизегьтәи ачемпионат аинтерес ду рызцәырнагеит Аԥсны мацара акәымкәа, уи анҭыҵгьы. Ари аспорттә хҭыс аларҵәаразы ҳтәыла иаҭааит шәкы инареиҳаны жәларбжьаратәи амассатә информациатә хархәагақәа рхаҭарнакцәа. Ари аҩыза акырӡа зҵазкуа аспорттә хҭыс иманшәаланы ишынагӡахо, уи анаҩысгьы апозитивтә емоциақәа маҷымкәа ашьапылампыл абзиабаҩцәа ишрызцәырнаго гәҩарагьы ыҟам.

Қырҭтәыла аофициалтә еиҳабыра ари аспорттә еицлабра аԥырхагаразы иарбанзаалак алагалақәа иҟарҵо еиԥҟьахоит, алҵшәа бзиақәагьы ааргараны иҟам. Қырҭтәыла аофициалтә еиҳабыра иҟарҵарц ирылшо акызаҵәык дара иадекваттәым русӡбарала ҳауаажәлари ҳтәылақәеи реизыҟазаашьа иҵегьы рыԥхасҭахара ауп.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21