aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Женеватәи аиҿцәажәарақәа 36-тәи рраунд иазкны 15.06.2016

Женеватәи аиҿцәажәарақәа 36-тәи рраунд иазкны

Рашәара 14 инаркны 15-нӡа Нхыҵ Кавказ ашәарҭадареи аҭышәынтәалареи ирызкны Женева имҩаԥысит 36-тәи Жәларбжьаратәи аиҿцәажәарақәа рраунд. Аԥсны Аҳәынҭқарра аделегациа, Адәныҟатәи аусқәа рминистр Виачеслав Чрыгба напхгара зиҭоз, иалахәын Адәныҟатәи аусқәа рминистрра аусзуҩцәа – Лаша Аҩӡба, Денис Оҭырба, Иракли Ҭыжәба, Ҭенгиз Ҭарба. Аус мҩаԥысуан ҩ-усуратә гәыԥны – ашәарҭадареи агуманитартә зҵаарақәеи рыла.

Актәи аҩбатәи аусуратә гәыԥқәа русураан, аԥсуа ган рашәара 7, 2016 шықәсазы ЕАР (ООН) Ассамблеиа Хадаҟны ахҵәацәа рзы Қырҭтәыла иаднагалаз арезолиуциазы аԥсуа ган негативла иазнеит. Аԥсны Аҳәынҭқарреи, Алада Уаԥстәыла Ареспубликеи, Урыстәылатәи Афедерациеи рделегациа Қырҭтәыла аинициативала иадгалаз ганкымацаралатәи иобиективтәыми арезорлиуциазы иаку апозициа иадгылеит, избанзар уи Женеватәи аиҿцәажәарақәа акырӡа ирԥырхагоуп, иара зда ыҟам жәларбжьаратәи еиҿцәажәараҭас, аԥсуа-ақырҭуатәи ақырҭуа-уаԥстәылатәи еиҿыхарақәа рылҵшәақәа рыӡбара хықәкыла инарханы излаҟоу ала. Уи адагьы, аԥсуа хаҭарнакцәа иазгәарҭеит америкатәи аган аҳәынҭқарра астатус хархәара азуа, зыҟны ЕАР (ООН) аштаб-квартира ыҟоу, иаԥу жәларбжьаратәи анормақәа ирҿагыло, Аԥсны Аҳәынҭқарра аофициалтә уааԥсыра ааратә виза мап рацәкра ацнаҵоит, уи ала Ассамблеиа Хада аделегациаҟынӡа ахҵәацәеи мчыла иахцоу ауааԥсыреи иобиективтәуи иҵабыргуи адырра рыҭара аҳәаақәа ԥыруеит, уи ала абжьыҭиразы алшара рырҭом. Ари арезолиуциа адкылара инамаданы, аҩбатәи агәыԥ аҟны ахҵәацәа рыуадаҩрақәа рыӡбара иалагаанӡа, аԥсуеи, аурыси, алада-уаԥстәылатәи алахәылацәа ақәымшаҳаҭрак аҳасабала аилатәара азал нрыжьт. Аиԥылара иалагӡаны, есышықәсатәи ЕАР (США) Аҳәынҭдепартамент ауаҩытәыҩса изинқәа рыла еиқәнаршәо ажәахә инамаданы, аԥсуа ган Аԥсны Аҳәынҭқарра Адәныҟатәи аусқәа рминистрра Ахҳәаа еиқәнаршәеит.

Аԥсны ахаҭарнакцәа излазгәарҭаз ала, ари ажәахә иобиективтәым аҟазшьа амоуп, ишакәым ала, ареалтә ҟазшьа ацәыӡны еиқәыршәоуп, насгьы илегитимтәым, «Аԥсны Аҳәынҭқарра иавтономтәу, иахцоу аиҳабыра» ҳәа хьӡыс изырҭаз, иҟаҵәҟьоу аиаша иацәыхароу адырра шьаҭас иазышьҭоуп. Аԥсуа ган Аҳәынҭдепартамент ахаҭарнакцәа ирыланаҳәеит абарҭ реиԥш иҟоу аусшәҟәқәа реиқәыршәараан рхы иадырхәаларц иобиективтәуи иҵабыргуи адыррақәа.

Аиԥылара иалагӡаны ҷыдала иазгәаҭан лаҵарамзазы 2016 шықәсазы аԥсуа-ақырҭуатә ҳәааҿы иҟалаз атрагедиатә хҭыс, уи иалҵшәангьы ауаҩы дышҭахаз. Иҟалаз ахҭыс ахҳәаа азыҟаҵо, аԥсуа ган Аԥсны Аҳәынҭқарра арратә прокуратура ари ахҭыс ала официалтә усеилыргара ишаҿу аанацҳаит. Аԥсны ахаҭарнакцәа ақырҭуа ган ари ахҭыс иҵегьы аҭагылазаашьа идмыруадаҩрацы, аполитикатәра мап ацәыркратә ирыларҳәеит, уи Аԥсны Аҳәынҭқарра икомпетенттәу аусбарҭақәа рыла обиективла аус еилдыргартә алшара рызҭаша акәны излаҟоу ала.

Нхыҵ Кавказ ашәарҭадареи аҭышәынтәалареи ирызкны Женева аиҿцәажәарақәа рраунд мҩаԥысраны иҟоуп жьҭаара 4-5 рзы.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21