aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Нхыҵ Кавказ ашәарҭадареи аҭышәынтәалареи рзы  жәларбжьаратәи 36 Женеватәи аимакқәа рраунди Италиа аҭаареи ирызку  апресс-конференциа 28.06.2016

Нхыҵ Кавказ ашәарҭадареи аҭышәынтәалареи рзы жәларбжьаратәи 36 Женеватәи аимакқәа рраунди Италиа аҭаареи ирызку апресс-конференциа

Рашәара 28 аҽны Аԥсны Адәныҟатәи аусқәа рминистрраҿы Нхыҵ Кавказ ашәарҭадареи аҭышәынтәалареи рзы жәларбжьаратәи 36 Женеватәи аимакқәа рраунди Италиа аҭаареи ирызку Адәныҟатәи аусқәа рминистр Виачеслав Чрыгба ипресс-конференциа мҩаԥысит. Апресс-конференциа иалахәын иара убас аминистр ихаҭыԥуаа Олег Аршбеи Кан Ҭаниеи.

Нхыҵ Кавказ ашәарҭадареи аҭышәынтәалареи рзы жәларбжьаратәи 36 Женеватәи аимакқәа рраунд Аминистр ҷыдала дырзааҭгылеит. «Амш ахәаԥштәаҟны ԥыжәара аман ЕАР (ООН) Ассамблеиа Хадаҟны Қырҭтәыла иаднагалаз Аԥснынтәи Алада Уаԥстәылеи рҟынтә ахҵәацәа рырхынҳәра иазкыз арезолиуциа. Аҩбатәи атема ҳазҭагылоу ашықәс лаҵара мзазы иҟалаз, зылҵшәала Қырҭтәыла атәылауаҩы дахьҭахаз ахҭыс акәхеит. Иалацәажәан иара убас егьырҭ азҵаарақәагьы. Аус мҩаԥысуан ҩ-гәыԥкны. Ауадаҩрақәа зегьы хаз ҷыдала ирылацәажәан», - иҳәеит Аминистр. Ассамблеиа Хада аӡбарҭахь Қырҭтәыла изныкымкәа арезолиуциа ықәнаргылоит. Уажәазы «иаҿагыло» ҳәа зыбжьы азҭази зыбжьы азымҭази рхыԥхьаӡара еиҳахеит «азы» ҳәа зыбжьы азҭаз раасҭа. Ус анакәха, Ассамблеиа Хада абжагьыҵәҟьа ари арезолиуциа иадгылом. «Иазгәаҭазарц ахәҭоуп иара убас Қырҭтәыла Ассамблеиа Хадаҿы ишықәнаргыло ахҵәацәа рызҵаара, аха ҳара, насгьы ауаԥсаа Женева ахҵәацәа рызҵаара ашьҭыхра мап ацәаҳкуеит. Ари азҵаара аӡбараан ҳделегациа ари арезолиуциа ҿагыларак аҳасабала ҳдәылҵит. Аԥсны, Алада Уаԥстәыла, насгьы Урыстәыла аделегациақәа ахҵәацәа рызҵаара ирылацәажәом», - азгәеиҭеит Аминистр. Чрыгба иара убасгьы иазгәеиҭеит: «Изныкымкәа ЕАР (США) аделегациа авиза аиуразыи абжьыҭира аԥхьа Ниу-Иорк ашҟа ацарази ҳрацәажәахьеит ахҵәацәа рыпроблемақәа ҳарҭ ҳашрыхәаԥшуа ала, аха есымшааира авиза аиуразы мап ҳцәыркуеит». Женеватәи аиҿцәажәарақәа рҿы излацәажәоз аҩбатәи зҵаараны иҟан Қырҭтәыла атәылауаҩы ишьра иадҳәалоу аинцидент. «Ари аинцидент иалацәажәахоит Гал ԥхынгәы 6 аҽны АРРА (МПРИ) аҳәаақәа ирҭагӡаны, ЕАР (ООН) ала аԥсуеи ақырҭуеи хаҭарнакцәа еиԥылараны иахьыҟоу. Агәыӷра сымоуп ари аус ала аусшәҟәқәа еимаадап ҳәа», иазгәеиҭеит Аминистр. Ирылацәажәан иара убас аекологиеи акультуратә ҭынхеи рызҵаарақәа. Аминистр Италиа иаҭаара атәгьы еиҭеиҳәеит: «Аԥсны Адәныҟатәи аусқәа рминистрра италиатәи ауаажәларра, ажурналистцәа, адипломатцәа рҟны аимадара дырҿиаразы аус дуқәа мҩаԥыргоит. Италиеи ҳареи ҳаимадара арӷәӷәара иадыргахеит ҳазҭагылоу ашықәс азы рашәара 16-18 рзы Италиа аҭаара. Арҭ даара ибзиоу лҵшәақәоуп, Дырмит Гәлиа ихьӡ зху Аԥсуа Акультура Аинститут, иҭыҵит раԥхьаӡатәи кварталцыԥхьаӡатәи агазеҭ «Ҳаамҭазтәи Аԥсны», иагьҭыҵлоит ԥышь-бызшәакны: аԥсышәала, урыс бызшәала, аиталиан бызшәалеи англыз бызшәалеи.

Италиа имҩаԥысыз аиԥылара дазааҭгыланы дахцәажәеит аминистр ихаҭыԥуаҩ Кан Ҭаниа. Италиа аусмҩаԥгатәқәа иакымкәа имҩаԥысит, убарҭ рхыԥхьаӡараҿы иҟан Аилахәыра Рондине еиҿнакааз италиатәи астол гьежь. Астол гьежь аҿы иқәгылеит ААЕА (ОБСЕ) Амаӡаныҟәгаҩ хада Ламберто Заньер, иара убас ААЕА (ОБСЕ) Апарламенттә ассамблеиа анкьатәи апрезидент Риккардо Мильори. «Астол гьежь анхыркәшаха, Амаӡаныҟәгаҩ хадеи сареи ҳаиҿцәажәара мҩаԥысит, уи иалагӡаны ҳалацәажәеит ААЕА (ОБСЕ) Аԥсни иконструктивтәу ҳусеицура», - иазгәеиҭеит Ҭаниа.

Рашәара 15 аҽны Рим Пиотр Ԥшьа иашҭаҟны Папа Римтәи Франциск Иаудиенциа хада мҩаԥысит. Кан Ҭаниа Аилахәыра «Европа-Аԥсны» ихы алаирхәит ахаҭарнаки аицҿкааҩи раҳасабала. «Ишәгәаласыршәоит Аилахәыра «Европа-Аԥсны» еиҿкаан цәыббра мзазы 2015 шықәсазы, иагьҭаҩын аԥсуа ган аҟнытә аԥсуа дипломаттә тәылауаҩшәҟәқәа рыла. Иахьазы ари акы иузаламырҩашьо иҟоуп», иациҵеит аминистр ихаҭыԥуаҩ.

Рашәара 17 аҽны, Аилахәыра «Европа-Аԥсны» иабзоураны Италиа иҟоу Аԥсны азинтә базаны ишыҟоу еиуеиԥшым аинициативақәа рынагӡара хықәкыс измоу, Аԥсны Адәныҟатәи аусқәа рминистр Виачеслав Чрыгба хадас дызмаз аделегациа раԥхьаӡа акәны Италиа, насгьы Аԥсны аҳәаанхыҵ иаанартит Дырмит Гәлиа ихьӡ зху Аԥсуа Акультура Аинститут. Аԥсуа Акультура Аинститут ахықәкы хадақәа иреиуоуп ҳкультура, ҳҟазара, ҳҭоурых, насгьы ҳатрадициақәа рыларҵәара.

Иара убри амш аҽны, рашәара 17 азы Аԥсны Адәныҟатәи аусқәа рминистрра Евроаидгылаҿы имҩаԥысит раԥхьаӡатәи Аԥсны иазку кварталцыԥхьаӡатәи агазеҭ «Ҳаамҭазтәи Аԥсны» апрезентациа. «Уи иабзоураны иҳамоуп алшара Аԥсны иазку адыррақәа рыларҵәара, иара убри алагьы Қырҭтәыла аҟнытә Европа инашьҭхоу ииашам адыррақәа ииашаны рызнагара ҳалнаршоит», - иазгәеиҭеит Ҭаниа.

Ахыркәшамҭаз Аԥсны Адәныҟатәи аусқәа рминистрра аделегациа Рим Аилахәыра аофис «Европа-Аԥсны» аофициалтә аартра мҩаԥнагеит. Иазгәаҭазарц ахәҭоуп Дырмит Гәлиа ихьӡ зху Аԥсуа Акультура Аинститут аартреи, агазеҭ «Ҳаамҭазтәи Аԥсны» апрезентациеи, Аилахәыра аофис «Европа-Аԥсны» аофициалтә аартреи ишрылахәыз адипломатиатә хаҭарнакцәа Италиеи Ватикани рҟны аккредитациа изхысқәаз – Италиа иҟоу Урыстәыла ацҳаражәҳәарҭа аусзуҩцәа, насгьы Италиеи Ватикани рҟны иҟоу Боливариантәи Ареспублика Венесуела ацҳаражәҳәарҭа аусзуҩцәа «Аԥсны иазхазҵаз атәылақәа рҟынтә ҳауаажәлар атәымтәылатә усмҩаԥгатәқәа рҟны иахьҳадгылоу акырӡа аҵанакуеит, избанзар уа имҩаԥысуеит агәаанагарақәа реимдара, аибадырра ҿыцқәа, иара убас асуеицуразы аперспектива ҿыцқәа аатуеит», - иҳәеит Ҭаниа.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21