aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

 Виачеслав Чрыгбеи Аԥсны иҟоу Никарагуа Аҷыдалкаатәи Мчызмоуи Ацҳаражәҳәаҩ Хуан Ернесто Васкес Араиеи реиԥылара 06.07.2016

Виачеслав Чрыгбеи Аԥсны иҟоу Никарагуа Аҷыдалкаатәи Мчызмоуи Ацҳаражәҳәаҩ Хуан Ернесто Васкес Араиеи реиԥылара

Аԥсны Аҳәынҭқарраҿы иҟоу Никарагуа Аҷыдалкаатәи Мчызмоуи Ацҳаражәҳәаҩ Хуан Ернесто Васкес Араиа Аԥсны Аҳәынҭқарра Ахада Рауль Џьумка-иԥа Ҳаџьымба Агәраргагатә шәыҟәқәа ианашьара ацеремониа аҳәаақәа ирҭагӡаны Аԥсны Адәныҟатәи аусқәа рминистр Виачеслав Чрыгба дидикылеит. Виачеслав Чрыгба иааԥхьаратә ажәахә аҿы иазгәеиҭеит: «Шәаҳаракыра, ҳаҭыр зқәу Ацҳаражәҳәаҩ, гәахәа дула шәааҳаԥхьоит иахьа Адәныҟатәи аусқәа рминистрраҿы Аԥсны Аҳәынҭқарраҿы иҟоу Никарагуа Аҷыдалкаатәи Мчызмоуи Ацҳаражәҳәаҩ Хуан Ернесто Васкес Араиа Аԥсны Аҳәынҭқарра Ахада Рауль Џьумка-иԥа Ҳаџьымба Агәраргагатә шәыҟәқәа ианашьара ацеремониа аҳәаақәа ирҭагӡаны. Гәахәара дула иазгәасҭоит ҳҳәынҭқаррақәа рыбжьара аиҩызаратә еизыҟазаашьақәеи аимадара бзиеи шҳабжьоу. Акыр иӷәӷәоу аимадарақәеи ҩ-ганлатәи еицаҳзеиԥшу аизыҟазаашьақәа рзы апозициақәеи ишьақәырӷәӷәоу ашьаҭа ҳнаҭоит анаҩстәи жәларбжьаратәи аизыҟазаашьақәа рырҿиаразы. Ҳара ҳзы акырӡа аҵанакуеит Никарагуа Ареспублика иахьҳадгыло арегионалтә аҟны еиԥш,убас жәларбжьаратәи аиҿцәажәарҭаҟынгьы ЕАР (ООН) аҳәаақәа ирҭагӡаны. Аԥсны Никарагуа иаднабалоит узықәгәыӷша аҩызеи авагылаҩ бзиеи.

Иҳабжьоу жәларбжьаратәи аизыҟазаашьақәа рхәаԥштәы еиқәыршәоуп апроект ҿыцқәа рыла. Иара убас Манагуа иаҳхықәкуп Аԥсны Аҳәынҭқарра адипломатиатә хаҭарнакра аартра. Аиқәшаҳаҭра-зинтә база иаҵанакуа аиӷьтәреи аизырҳареи рызҵаарала аусбара мҩаԥысуеит. Ақәыршаҳаҭраҿы иҟоуп ҩ-еиҳабырабжьаратә еиқәышаҳаҭрақәа рыпроектқәа ҩба – аҵарадырра иахьаҵанакуа Аԥсны Аҳәынҭқарра Аиҳабыреи Никарагуа Ареспублика Аиҳабыреи рыбжьара Аиқәшаҳаҭреи Аспорт иахьаҵанакуа Аусеицуразы Аԥсны Аҳәынҭқарра аҿари аспорти рус азы Аҳәынҭқарратә Еилаки Никарагуа Аҵарадырреи аспорти рзы аминистрреи рыбжьара Амеморандуми. Никарагуа Ареспублика аиҳабыра рҟны аполитикатә диалог бзиа еиҿкаауп. Ҳара гәахәа дула иаҳгәалаҳаршәоит Аԥсны Аҳәынҭқарра Ахада Р.Џь.Ҳаџьымба имаҵзураҭыԥ идгалара аофициалтә церемониа аҽалархәразы аникарагуатә делегациа 2014 ш. Аԥсны Аҳәынҭқарра шәаҭаара. Ҳаҭыр зқәу Аҵҳаражәҳәаҩ, ҭабуп ҳәа шәаҳҳәарц ҳҭахуп шәацәымхьаҵуа ҳҳәынҭқарра шәахьазхьаԥшуа, ҳҳәынҭқаррақәа рыбжьара аиҩызаратә еизыҟазаашьақәа рырҿиараҿы хаҭалатәи шәлагала ахьыҟоу азы. Агәра ганы сыҟоуп, шәара шәаҭаара ҳҳәынҭқаррақәеи ҳауаажәлари рыбжьара ҩ-ганлатәи аусеицуреи планрацәалатәи ҳаимадареи анаҩс еиҳагьы иарӷәӷәоит ҳәа.»

Аԥсны Аҳәынҭқарраҿы иҟоу Никарагуа Аҷыдалкаатәи Мчызмоуи Ацҳаражәҳәаҩ Хуан Ернесто Васкес Араиа Аминистр ҭабуп ҳәа иеиҳәеит, иагьазгәеиҭеит никарагуатәи аиҳабыра ианакәзаалакгьы Аԥсны ауаажәлар ишрыдгыло. Иара убас иациҵеит атуризм иахьаҵанакуеи, ақыҭанхамҩеи, егьырҭ ахырхарҭақәеи рҿы ҳусеицура ацҵазарц шалшо.

Хуан Ернесто Васкес Араиа ихыркәшажәаҿы Виачеслав Чрыгба агәраргагатә шәыҟәқәа рыхкьыԥхьлаа ианеишьеит, Аԥсны Адәныҟатәи аусқәа рминистр иакәзар, асас агәаларшәагатә ҳамҭақәа идигалеит.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21