aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистр Виачеслав Чрыгбеи Евро-Еидгыла аҟынтәи аделегациеи реиԥылара 30.08.2012

Аԥсны Адәныҟатәи аусқәа рминистр Виачеслав Чрыгбеи Евро-Еидгыла аҟынтәи аделегациеи реиԥылара

Нанҳәамза 30 2012 шықәсазы имҩаԥысит Аԥсны Адәныҟатәи аусқәа рминистр Виачеслав Чрыгбеи Евро-Еидгыла аҟынтәи аделегациеи реиԥылара. Аделегациа иалахәын: Аахыҵ Кавказ иҟоу Евро-Еидгыла Ахаҭарнак ҷыда иполитикатә абжьгаҩ Магдалена Гроно, апроектқәа рҳәаақәҵаҩ Ева Троиа Бланко, аполитикатә ҟәша аиҳабы Тобиас Таиберг. Аԥснынтәи аиԥылара далахәын иара убас Адәныҟатәи аусқәа рминистр ихаҭыԥуаҩ Иракли Хынҭәба.

Аиԥылараҿы ирылацәажәан аҵарадырреи, агәабзиарахьчареи, ақыҭанхамҩеи русхкқәа рҿы Евро-Еидгыла уажәы имҩаԥнагои, имҩаԥнагараны иҟоуи апроектқәа. Хаҭалагьы иазааҭгылеит Аԥсны иҟоу аҵараиурҭақәа аметодолгиатә цхыраара рыҭара азҵаара, Аԥснытәи аҳәынҭқарратә университет ахь аспецкурсқәа раԥхьаразы аҳәаанырцәтәи апрофессорцәа рааԥхьара азҵаарагьы.

Агәабзиарахьчара аганахьала, Магдалена Гроно лажәақәа рыла, арыҩшьыгақәа ирышьцылаз аус рыдуларазы азинхьчаратә органқәа русзуҩцәа атренингқәа рзымҩаԥызгаша жәларбжьаратәи аекспертцәа Аԥсныҟа раагаразы алшара ыҟоуп. Уи адагьы Евро-Еидгыла Аԥсны техникала иацхраар алшоит ани ахшареи ргәабзиара ахьчара аганахьалагьы.

Ақыҭанхамҩа аганахьала Евро-Еидгыла ахаҭарнакцәа еиҭарҳәеит аҭыԥантәи анхацәа русура иацхрааша ҳаамҭазтәи атехнологиақәа рхархәара иазку апроектқәа шыҟоу.

Аминистр игәаанагарала Аԥсныи Евро-Еидгылеи Аԥсныи рыбжьара агуманитартә проектқәа рганахьала аиҿцаара иҟоу аиӷьтәразы аинформациа аимдара шаҭаху.

Аиԥылараҿы иазааҭгылеит ԥхьаҟазы Евро-Еидгыла ацентр Аԥсны аартра азҵаарагьы.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21