aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Ҭырқә бызшәала Аҧсны иазку аилыркаага ҿыц ҭыҵит 30.08.2012

Ҭырқә бызшәала Аҧсны иазку аилыркаага ҿыц ҭыҵит

Ҩы-мыз раҧхьа иҭыҵыз аилыркаага еиднакылоит Аҧсны асоциалтә-культуратә ҧсҭазаара иазку аинформациа инаркны аҳәынҭқарратә мчра аусбарҭақәа реилазаашьа аҟныӡа. Ашәҟәы асахьақәа рыла ибеиоуп, уа иуҧылоит Аҧсны еицырдыруа аполитикатә, акультуратә усзуҩцәа рфотосахьақәа, иара убасгьы иаарҧшуп аҭоурыхтә ҭыҧқәа.

Аилыркаага авторцәас иамоуп Ҭырқәтәылантәи ҳрепатриантцәа Аныҭ Папба, Беҳиџье Баӷба, Аднан Иаган. Урҭ Аҧсны инхоижьҭеи хы-шықәса инареиҳаны иҵуеит. Ари аҭыжьымҭа афинанстә цхыраара азыруит Кавказтәи Акультуратә Центрқәа Рфедерациеи, аилахәыра Зета Аргылара Аҧсныи.

«Иарбанзаалак Аҧсназы» захьӡу аилыркаага аиқәыршәара аидеиа изцәырҵит авторцәа ируаӡәку Аныҭ Папба, занааҭла иара дзиндырҩуп, Агуманитратә программақәа рцентр аҟны аус иуеит. Иара иажәақәа рыла, Ҭырқәтәылан аӡәырҩы Аҧсны имҩаҧысуа аҧсҭазаара иазҿлымҳауп, аха урҭ шамахамзар ирҭаху аинформациа роуӡом. Насгьы Ҭырқәтәылатәи апарламент аҟны иҟоуп Аҧсны ахьыҧшымра иадгыло адепутатцәа, урҭгьы ииашоу аинформациа роурц иашьҭоуп. Абри зегьы ҵаҵӷәыс иоуит Аныҭ Папба Аҧсны иазку аилыркаага еиқәиршәарц азы.

Ари аилыркаага даара акраҵанакуеит Ҭырқәтәылантәи Аҧсны иааны инхо арепатриантцәа рзы. Аилыркаага хәыда-ҧсада иршоит.

Атираж – 2 нызықь цыра ыҟоуп. Хара имгакәа ашәҟәы аелектронтә версиагьы мазеихоит. Аныҭ Папба Аҧсны иазкны иҵегь ацхыраагӡатә шәҟәқәа реиқәыршәара игәы иҭоуп.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21