aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Европатәи атәылақәеи аинститутқәеи Аԥсныи русеицура ишиашоу имҩаԥыслароуп Қырҭтәыла аламырхәӡакәа 04.09.2012

Европатәи атәылақәеи аинститутқәеи Аԥсныи русеицура ишиашоу имҩаԥыслароуп Қырҭтәыла аламырхәӡакәа

Европатәи атәылақәеи аинститутқәеи Аԥсныи русеицура ишиашоу имҩаԥыслароуп Қырҭтәыла аламырхәӡакәа, Аԥсны аус ацура иазку европатәи апланқәа қырҭтәылатәи аинтерес рнымԥшуазароуп. Абас еиԥш аҳәамҭа аинформациатә агентра Аԥсныпресс ахь иааишьҭит Аԥсны Адәныҟатәи аусқәа рминистр ихаҭыԥуаҩ Иракли Хынҭәба, Қырҭтәыла Адәныҟатәи аусқәа рминистр ихаҭыԥуаҩ Н. Каландаӡе иҟалҵаз аҳәамҭа иақәҿыҭуа.

Аԥсныпресс: Иракли Реваз-иԥа Қырҭтәыла Адәныҟатәи аусқәа рминистр ихаҭыԥуаҩ Н. Каландаӡе, ааигәа Евро-Еидгыла аделегациа Аԥсныҟа рааира ахҳәаа азуа илҳәеит Евро-Еидгыла Аԥсны аганахьала имҩаԥнаго аусқәа зегьы Қырҭтәыла ақәшаҳаҭхарала ишымҩаԥысуа. Абри иахышәҳәаарц ишәылшои?

Иракли Хынҭәба: Ари азҵаара аҭак марианы иҟасҵар сылшоит. Аԥсны Аҳәынҭқарра Ахада А. З. Анқәаб изныкымкәа иҳәахьан европатәи атәылақәеи аинститутқәеи Аԥсныи русеицура Қырҭтәыла аламырхәӡакәа, ишиашоу имҩаԥыслароуп ҳәа. Аԥсны Адәныҟатәи аусқәа рминистрра убри амҩала иныҟәоит. Ҳара еснагь иазгәаҳҭоит Аԥсны аус ацура иазку европатәи апланқәа қырҭтәылатәи аинтерес рнымԥшуазар шакәу. Ҳара зынӡагьы иҳазҳадкылом «импыҵахалоу адгьылқәа» рзы Қырҭтәыла имҩаԥнаго изинтәым астратегиа. Уи ҵакыс иамоу Аԥсны адунеи аҟәыҭхара ауп.

Ааигәа имҩаԥысыз Евро-Еидгыла аделегациеи Аԥсны Адәныҟатәи аусқәа рминистри реиԥылараҿы иалацәажәан еиуеиԥшым апроектқәа рынагӡаразы иҟоу алшарақәа, усҟан европатәи ахаҭарнакцәа рҟынӡа инаҳгеит ҳусеицура ҟазшьаси формаси иамазарц иаҳԥхьаӡо. Даҽазныкгьы исҳәарц сҭахуп: Қырҭтәыла аганахьала аҳәаақәҵара зауа апроектқәа, мамзаргьы иумырбаӡакәа қырҭтәылатәи аинтересқәа ирықәныҟәо апроектқәа хьаҳәарада мап рцәаҳкуеит.

Убри инацҵан иазгәасҭоит ҳара ишьақәҳаргыло аизыҟазаашьақәа рҳәаақәҵаразы азин Қырҭтәыла ишамам, ахаангьы ишамамыз, иагьшаимоуа. Қырҭәылатәи амчрақәа иҟарҵаз аҳәамҭала даҽазныкгьы ишьақәдырҟьарц иашьҭан Аԥсны аганахьала иҟоу европатәи аинициативақәа. Насгьы Евро-Еидгылеи ҳареи ҳусеицура иазкны ҳара ҳхатә гәаанагара ҳамоуп, уи амилаҭтә интересқәа ирықәшәо иҟазароуп. Уажәшьҭа қарҭынтәи амчрақәа егьа рҽазыршәаргьы, Аԥсны адунеи алаҵәара апроцесс аанкылашьа шамам.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21