Приднестровиатәи Молдавиатәи Ареспублика Адәныҟатәи аусқәа рминистр Витали Игнатиев Даур Ақаҩба дидныҳәалеит

Приднестровиатәи Молдавиатәи Ареспублика Адәныҟатәи аусқәа рминистр Витали Виктор-иԥа Игнатиев Аԥсны Адәныҟатәи аусқәа рминистр ҿыц Даур Ақаҩба дидныҳәалеит

Адныҳәаларатә шәҟәы аҟны иаҳәоит:

« Приднестровиазы Аԥсни иареи реимадарақәа рырӷәӷәара акраҵанакуаны иҟоуп, аҳәынҭқарратә политикаҿы аԥыжәара аҭоуп. Ҩ-ганктәи аизыҟазаашьақәа Приднестровиатәи Молдавиатәи Ареспубликеи Аԥсны Аҳәынҭқарреи рыбжьара шьаҭаны ирымоуп аиҩызареи аҳаҭыреиқәҵареи. Убри инадҳәаланы агәазыҟаҵара бзиа ҳнаҭеит Аԥсны Адәныҟатәи аусқәа рминистр ҳәа ихьӡ ахьҳәоу аԥышәа змоу адипломат. Шәусура ашықәсқәа ирылагӡаны шәара иалшәыршеит аҳаҭыр ду амазаара. Агәра аагоит шәнапынҵа ҿыцқәагьы иахәҭоу аҳаракыра рыманы ишымҩаԥыжәгало. Ишәзеиӷьасшьоит имариам ари аус аҟны аманшәалареи ақәҿиареи».