aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Адәныҟатәи аусқәа рминистрраҟны апресс-конференциа 11.10.2016

Адәныҟатәи аусқәа рминистрраҟны апресс-конференциа

Жьҭаара 11 рзы Аԥсны Адәныҟатәи аусқәа рминистрраҟны имҩаԥысит апресс-конференциа Женеватәи аиҿцәажәарақәа 37-тәи рраунд аихшьаалақәа иазкыз.

Апресс-конференциа иалахәын Адәныҟатәи аусқәа рминистр Даур Ақаҩба, аминистр ихаҭыԥуаҩ Кан Ҭаниа, аминистрра аусзуҩцәа: Лаша Аҩӡба, Денис Оҭырба, Ҭенгиз Ҭарба. Адәныҟатәи аусқәа рминистр Даур Ақаҩба апресс-конференциа аартуа иҳәеит: «Ишыжәдыруеиԥш 2016 шықәса жьҭаара 4-5 рзы имҩаԥысуан женеватәи аиҿцәажәарақәа 37-тәи рраунд.

Женеватәи аиҿцәажәарақәа хыртын жьҭаара 15 2008 шықәса рзы, Урыстәылеи Франциеи рхадацәа Дмитри Медведеви Николиа Саркозии реиқәшаҳаҭхарала. Аиҿцәажәарақәа ирылахәуп Аԥсны, Аахыҵ Уаԥстәыла, Қырҭтәыла, Урыстәыла, ЕАШ (США) рхаҭарнакцәа, иалахәуп ЕС, ООН, ОБСЕ рхаҭарнакцәа. Сгәы иаанагоит Аԥсназы Женева ҳгәаанагара адунеи ауаажәлар рҟынӡа инаагартә еиԥш алшара ҳазҭо акәны иҟоуп ҳәа» - иҳәеит Даур Ақаҩба.

Аԥснытәи аделегациа ахада Кан Ҭаниа еиҭеиҳәеит аиҿцәажәарақәа рымҩаԥысшьа атәы: "Изаамҭанытәиу Женеватәи аиҿцәажәарақәа рҟны ҵоура зманы иҟаз ҭагылазаашьан Еиду Америкатәи Аштатқәа Аԥсны атәылауаа авизақәа рыҭара мап шацәырымкуазы иҟарҵаз аҳәамҭа".

Женеваҟа рвизит далацәажәо Кан Ҭаниа атәыла Ахада изеиҭеиҳәеит актәи аусутә гәыԥ аиԥылараан ишалацәажәаз Қырҭтәыла аҵакырадгьыл аҟны НАТО архәҭақәа имҩаԥырго аҽазыҟаҵарақәа ртәы. Аминистр ихаҭыԥуаҩ инаҵшьны иазгәеиҭеит урҭ аҽазыҟаҵарақәа Аԥсназы ашәарҭара шрымоу.

"Ҳара ҳделегациа аҳәамҭа ҟанаҵеит ООН Ассамблеиа хадаҟны ахҵәацәа рызҵаара иалацәажәонаҵы Женеватәи аиҿцәажәарақәа рҟны уи азҵаара ашьҭыхра ҳақәшаҳаҭым ҳәа", азгәеиҭеит Ҭаниа. Аԥсны аделегациа акритика азыруит Аԥсни Аахыҵ Уаԥстәылеи рҟны ауаҩытәыҩса изинқәа рзы Қырҭтәыла Адәныҟатәи аусқәа рминистрра ажәахәи ахҵәацәа рганахьала арезолиуциеи. 2016 шықәса ԥхынҷкәын 13-14 рзы имҩаԥысраны иҟоуп Женеватәи аиҿцәажәарақәа изаамҭанытәиу 38-тәи рраунд.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21