aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистр Виачеслав Чрыгба цәыббрамза 11 рзы диыдикылеит Ермантәылеи Қырҭтәылеи рҟны иҟоу Акралра Нидерланды Ацҳаражәҳәаҩ Питер Иан Лангенберг 11.09.2012

Аԥсны Адәныҟатәи аусқәа рминистр Виачеслав Чрыгба цәыббрамза 11 рзы диыдикылеит Ермантәылеи Қырҭтәылеи рҟны иҟоу Акралра Нидерланды Ацҳаражәҳәаҩ Питер Иан Лангенберг

Аиԥылара алагамҭазы Виачеслав Чрыгба агәыӷра ааирԥшит Ацҳаражәҳәаҩ иаара қәҿиарала имҩаԥысуеит ҳәа. «Иазгәасҭар сҭахуп, сара акыраамҭа Голландиа сынхон, убри аҟнытә са сзы ари иҷыдоу еиԥылароуп. Уимоу, Аҩбатәи адунеизегьтәи аибашьраан аголландцәа ахьыԥшымразы рықәԥара ҳара ҳҭагылазаашьа иахьақәҿнаҭуа ыҟоуп». Аминистр дазааҭгылеит Голландиа асоциалтә-економикатә ҿиараҟны ақәҿиарақәа шыҟоу, Аԥсны уи аԥышәа ахархәара алнаршар шыҟало.

Ацҳаражәҳәаҩ Лангенберг аминистр иажәқәа рзы иҭабуп ҳәа иеиҳәеит, иагьациҵеит ари амаҵураҿы Аԥсныҟа ҩынтәны дшаауа. Голландиатәи адипломат иажәақәа рыла, уажәтәи иаара аусуратә ҟазшьа амоуп, Иреиҳаӡоу акомиссар иусбарҭа (УВКБ) ацхыраарала еиҿкаан, избан акәзар Голландиа Адәныҟатәи аусқәа рминистрра урҭ русура афинанстә цхыраара арҭоит. Ацҳаражәҳәаҩ иазгәеиҭеит, Голландиа Адәныҟатәи аусқәа рминистрра апрагматикатә знеишьа ишадгыло, Аԥсны УВКБ апрактикатә усура мҩаԥнагар мап шацәнамкуа. Хаҭалагьы, Питер Лангенберг иазгәеиҭеит Гал араион ахь иаҵанакуа ақыҭа Чубырхьынџь аԥсҭазаара аиӷьтәра, УВКБ ацхыраара абзоурала ацҳа аргылара.

Аминистри Ацҳаражәҳәаҩы реицәажәараҿы иазааҭгылеит аҵара аусхкаҿы аусеицуразы алшарақәа, Аԥсныи Голландиеи рҟнытә астудентцәа реиҭныԥсахлара уахь иналаҵаны. «Голландиа иҟоуп имаҷымкәа иреиҳау аҵараиурҭа бзиақәа, еиуеиԥшым арҵаратә проектқәа аԥаҳҵар ҟалоит,» – ҳәа ациҵеит Ацҳаражәҳәаҩ.

Адәныҟатәи аусқәа рминистр Аԥсны адәныҟатәи аполитика ахырхарҭа хадақәа ртәы еиҭеиҳәеит, насгьы Қырҭтәылеи ҳареи ҳаизыҟазаашьақәа ртәы. «Қырҭтәылатәи амчрақәа рҟынтә еиҳа ипрагматикатәу ашьаҿақәа ҳарзыԥшуп, аха дара рҽазышәарақәа зегьы ҵакыс ирымоу Аԥсны адунеи аҟәыҭхара ауп. Аҭынч ԥсҭазаара ҳҭахуп ҳара, аха қырҭтәылатәи аҳәынҭқарра ахадараҿы аҭынчра зҭаху дыҟам,» – иҳәеит Чрыгба.

Аиԥылараҿы иазааҭгылан иара убас Аахыҵ Кавказ ашәарҭадареи аҭышәынтәалареи рзы Женеватәи аиҿцәажәарақәа рцашьа. В. Чрыгба иазгәеиҭеит арҭ жәларбжьаратәи аиҿцәажәарақәа алыҵшәа маҷны ишаарышьҭуа, уи амзызқәа ируакуп дара рформат ҷыда. Уи адагьы, Евро-Еидгыла адиалог иалахәу зегь рганахьала инеитралтәу апозициа ааннакылароуп.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21