aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистрраҟны имҩаԥысит Аԥсни Приднестровиеи рганқәа реиԥылара. 25.10.2016

Аԥсны Адәныҟатәи аусқәа рминистрраҟны имҩаԥысит Аԥсни Приднестровиеи рганқәа реиԥылара.

Жьҭаара 25 рзы Аԥсны Аҳәынҭқарра Адәныҟатәи аусқәа рминистрраҟны имҩаԥысит аминистр Даур Ақаҩбеи Приднестровиатәи Молдавиатәи ареспублика аделегациеи реиԥылара. Аделегациа иалахәын ПМА Адәныҟатәи аусқәа рминистр Витали Игнатиев, ИАР атәылақәа русқәа рзы Аусбарҭа аиҳабы Александр Стециук.

Аделегациа авизит хықәкны иаман Аԥсни Приднестровиеи русеицура арӷәӷәара. Авизит аҳәаақәа ирҭагӡаны, Аԥсны Аҳәынҭқарреи Приднестровиатәи Молдавиатәи Ареспубликеи ртәылауаа визада реиҭанеиааиразы Аиқәшаҳаҭра рнапы аҵарҩит Аԥсны Адәныҟатәи аусқәа рминистрраҟны аминистрцәа Даур Ақаҩбеи Витали Игнатеви, жьҭаара 25 рзы. "Иахьа арахь ҳаара иаанарԥшуеит ҳтәылақәа рыбжьара ишьақәгыланы иҟоу аизыҟазаашьа бзиақәа, иунарбоит ҳреспубликақәа ԥхьаҟатәи аинырра ишазыхиоу. Ҳаимабзиара иалнаршоит ԥхьаҟагьы ҳусеицура алҵшәа бзиақәа аанашьҭуа аҟалара", — иҳәеит Аԥсны Адәныҟатәи аусқәа рминистр Даур Ақаҩба. Аминистр ҭабуп ҳәа реиҳәеит приднестровиатәи аделегациа алахәылацәа Аԥсны адәныҟатәи аполитика адгылара ахьарҭо азы. "Шәара шәвизит наҟ-наҟгьы ҳаидгылареи ҳаимабзиареи иацхраауеит. Агуманитартәи акультуратәии егьырҭ аусхкқәеи рҟны ҳаинырра аимпульс ҿыцқәа рнаҭоит", ҳәа азгәеиҭеит Ақаҩба.

Приднестровиатәи Молдавиатәи Ареспублика Адәныҟатәи аусқәа рминистр Витали Игнатьев иазгәеиҭеит аҩ-тәылак реизыҟазаашьа ҳәаақәызҵо урҭ ахақәиҭреи ахьыԥшымреи рзы иҟарҵо аҽазышәарақәа роуп ҳәа. "Ҳтәылақәа рыбжьара имаҷымкәа аиқәшаҳаҭрақәа анапы рыҵаҩуп. Сгәы иаанагоит урҭ ҳажәларқәа рыԥсҭазаара аиӷьтәра иазырхоуп ҳәа", — иҳәеит иара.

Визада аиҭанеиааиразы Аиқәшаҳаҭра адагьы анапы аҵаҩын Аԥсны Аҳәынҭқарра Аиҳабыреи Приднестровиатәи Молдавиатәи Ареспублика Аиҳабыреи рыбжьара аҵара аҩаӡареи ма азыҟаҵашьеи рзы адокументқәеи, аҵарадырратә ҩаӡареи ахьыӡқәеи, академиатә шәҟәырбагақәеи наҟ-ааҟ разхаҵареи реиԥшызаареи рзы Аиқәшаҳаҭра. Аиқәшаҳаҭра рнапы аҵарҩит Адгәыр Какобеи Витали Игнатеви.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21