aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Аҳәынҭқарра Адәныҟатәи аусқәа рминистрраҟны имҩаԥысит Женеватәи аиҿцәажәарақәа рыцхантәаҩ иԥылара 10.11.2016

Аԥсны Аҳәынҭқарра Адәныҟатәи аусқәа рминистрраҟны имҩаԥысит Женеватәи аиҿцәажәарақәа рыцхантәаҩ иԥылара

Аҳәынҭқарра Адәныҟатәи аусқәа рминистрраҟны имҩаԥысит Аахыҵ Кавказ аҭынчреи ашәарҭадареи рзы Женеватәи адискуссиақәа рҟны ООН Амаӡаныҟәгаҩ хада ихаҭарнак Анти Турунени ихаҭыԥуаҩ Ҳаило Мами Аԥсны Аҳәынҭқарра Адәныҟатәи аусқәа рминистр Даур Ақаҩбеи реиԥылара. Аиԥылара иалахәын Адәныҟатәи аусқәа рминистр ихаҭыԥуаҩ Кан Ҭаниеи, аминистрра аусзуҩцәа Ҭенгьиз Ҭарбеи Артур Гагәылиеи.

Аиԥылараан Анти Турунен Даур Ақаҩба идиныҳәалеит инапынҵа ҿыцқәа – Аԥсны Адәныҟатәи аусқәа рминистрс иҟалара. Иҳәеит ԥхьаҟагьы аусеицура дазыхианы дшыҟоу атәы.

Даур Ақаҩба иакәзар, иазгәеиҭеит Женеватәи аиҿцәажәарақәа Аԥсни адунеитә уаажәларреи ишиашоу реицәажәаразы акыр аҵакы рыманы ишыҟоу.

Аиԥылараҟны ирылацәажәан 3лассы иҟалараны иҟоу 38-тәи женеватәи аиҿцәажәарақәа рраунди аиҿцәажәаратә процесс ԥхьаҟатәи аԥеиԥши аҭагылазаашьеи ртәы.

Аминистр иҳәеит иара убри аан агәрахаҵара шимоу ақырҭуа ган аполитикатә ҟазшьа змоу азҵаарақәа рыӡбраҟны аилкаарақәа аадырԥшып ҳәа, иазгәеиҭеит Женеватәи аиҿцәажәарақәа ирхықәкы хаданы ииԥхьаӡо – амчра ахамырхәараз аиқәшаҳаҭра анапаҵаҩра шакәу.

Женеватәи аиҿцәажәарақәа 38-тәи рраунд мҩаԥысраны иҟоуп 2016 шықәса ԥхынҷкәын 13-14 рзы.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21