aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистр Виачеслав Чрыгба дырԥылеит Аахыҵ Кавказ аҭынчреи аҭышәынтәалареи рзы Женеватәи аиҿцәажәарақәа рхантәаҩцәа 17.09.2012

Аԥсны Адәныҟатәи аусқәа рминистр Виачеслав Чрыгба дырԥылеит Аахыҵ Кавказ аҭынчреи аҭышәынтәалареи рзы Женеватәи аиҿцәажәарақәа рхантәаҩцәа

Аминистр иажәақәа рыла, Женеватәи апроцесс акризис иҭагылоуп, уи аԥыхразы аиҿцәажәарақәа рформатгьы, уи ирыӡбо азҵаарақәагьы еиҭарыхәаԥштәуп, иԥсахтәуп.

Ахантәаҩцәа рделегациа аиҳабы, Еввро-Еидгыла ацҳаражәҳәаҩ Филипп Лефор Аԥсны Адәныҟатәи аусқәа рминистрра аиҳабыра ҭабуп ҳәа реиҳәеит Аԥсны раҭаара ацхыраара ахьарҭаз. «Гәахәарала ҩаԥхьа Аԥсны ҳаҭаауеит, иааиуа женеватәи аиԥыларазы шәгәаанагара еилаҳкаарц. Иҟоу ауадаҩрақәа рыӡбараҿы шәаргьы ҳаргьы аус еицааулароуп. Зегь ҳаидгыланы акризис аԥыхразы ԥсыхәак ҳаԥшаароуп», – иҳәеит франциатәи адипломат.

Аиԥылара алахәылаҩцәа алацәажәеит иара убас аамҭала зусура аанкылоу Аидысларақәа раԥырҟәҟәаареи анырра рыҭареи рзы Амеханизм аформат. «Аимадаразы аканалқәа шыҟоугьы, иаҳҳәап, ҭелла аимадара, зегь акоуп, лабҿаба ауаа реибабара акгьы иазыԥсахуам», – ҳәа азгәеиҭеит Филипп Лефор.

Амеханизм аусура аанкылара далацәажәо, Виачеслав Чрыгба игәы иалсны иазгәеиҭеит аконфликтқәа раԥырҟәҟәаара зусу абжьаҟазаҩцәа шьоукы-шьоукы рхаҭақәа аконфликттә ҭагылазаашьақәа раԥҵара ишаҿу.

Аиԥылара иалагӡаны ицәырган Женеватәи аиҿцәажәарақәа рымҩаԥгара иадҳәалоу атехникатә зҵаарақәагьы.

Анаҩстәи Женеватәи аиҿцәажәарақәа мҩаԥысуеит ҳазҭоу ашықәс жьҭаарамза 10-11 рзы.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21