aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Виачеслав Чрыгба диԥылеит Еиду Амилаҭқәа Реилазаара Арҿиара Апрограмма ахаҭарнак, есымшатәи уи акоординатор Джеими МакГолдриком 24.09.2012

Виачеслав Чрыгба диԥылеит Еиду Амилаҭқәа Реилазаара Арҿиара Апрограмма ахаҭарнак, есымшатәи уи акоординатор Джеими МакГолдриком

Аиԥылараҿы ирзааҭгылан ааигәа Аҟәа имҩаԥысыз Женеватәи аиҿцәажәарақәа рхантәаҩцәа рԥылара алҵшәақәа. Джеими Макголдрик интерес иман Аԥсны Адәныҟатәи аусқәа рминистрраҿы Женеватәи аиҿцәажәарақәа рформат аԥсахра иазкны гәаанагарас ирымоу.

Адәныҟатәи аусқәа рминистр иажәақәа рыла, Женеватәи аиҿцәажәарақәа рылахәцәа аганқәа раҳасабала иқәгылозароуп, хаҭала акәымкәа. «Аԥсуа ган Женеватәи аиҿцәажәарақәа рцашьа уаҳа иазадкылом. Уажәтәи аформат злаҟоу ала, Женева ирыдыркыло адокументқәа азинтә мчра рымаӡам. Еилкаауп ари амеханизм аус шазымуз. Убри аҟнытә иҟоу аформат аԥсахра ахәҭаны иаҳбоит,» – иҳәеит Виачеслав Чрыгба.

Джеими Макголдрик далацәажәеит Еиду Амилаҭқәа Реилазаара Арҿиара Апрограмма ишалшо, иагьшазыхиоу Егры аӡиас иху ацҳа аиҭашьақәыргылара. Иара излазгәеиҭаз ала, иахьазы анџьныртә гәыԥқәа ҩба Егры ацҳа аҭагылазаашьа зеиԥшроу азы аҳасабрба ашьақәыргылара иаҿуп, анаҩстәи аусура аҳәаақәҵаразы.

Джеими Макголдрик аминистр изеиҭеиҳәеит иара убас 2-тәи Галтәи абжьаратә школ аҟны Еиду Амилаҭқәа Реилазаара Арҿиара Апрограмма имҩаԥнагоз аремонт шхыркәшоу.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21