aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистр инапынҵақәа назыгӡо, аминистр ихаҭыԥуаҩ Иракли Хынҭәба диԥылеит Сириа Арабтәи Ареспубликаҿы иҟоу Аԥсны Аҳәынҭқарра Ахаҭарнак Шьараф Абаза (Маршьан) 02.10.2012

Аԥсны Адәныҟатәи аусқәа рминистр инапынҵақәа назыгӡо, аминистр ихаҭыԥуаҩ Иракли Хынҭәба диԥылеит Сириа Арабтәи Ареспубликаҿы иҟоу Аԥсны Аҳәынҭқарра Ахаҭарнак Шьараф Абаза (Маршьан)

Аиԥылара алагамҭаз Иракли Хынҭәба асас бзиала шәаабеит ҳәа иаиҳәеит, иагьазгәеиҭеит Сириа ишьақәгыланы иҟоу арра-политикатә ҭагылзаашьеи уа иҟоу ҳтәылауаа рҭагылазаашьеи рыҿиашьа Аԥсны аиҳабыра ахылаԥшра арҭоит ҳәа. Сириа иҟоу ҳтәылауа рҭоурыхтә ԥсадгьыл ахь рырхынҳәра азҵаара дазааҭгыло Хынҭәба иҳәеит: «Иҟоуп ааԥхьарақәеи, амитингқәеи, аха иҟоуп иконкреттәу аусқәагьы. Аусқәа рганахьала иаҳҳәозар, Аԥсны аиҳабыреи хаҭалагьы Аҳәынҭқарра Ахадеи ирылшо зегьы ҟарҵоит ари апроцесс иахьынӡауа ацхрааразы, арахь иаахьоу ҳтәылауаа асоциалтә адаптациа имарианы иахысразы. Ацхыраара рацәаны иҳанаҭоит Урыстәылатәи Афедераица, Сириа ажәларгьы иахьа ргәыӷрақәа зегьы здырҳәало иароуп».

Сириа иҟоу Аԥсны Аҳәынҭқарра ахаҭарнак Аԥсны аиҳабыра русура ахә ҳаракны ишьеит: «Аԥсны аиҳабыреи ажәлари ари апроцесс ишазыҟоу даара ҳаигәырӷьоит. Иҭабуп ҳәа шәаҳҳәоит уи азы,» – иазгәеиҭеит Шьараф Абаза. Уи инарҭбааны дазааҭгылеит Сириа имҩаԥысуа аибашьра аҿиашьа, ҳтәылауаа рҭаглызаашьа ауадаҩра, амала Сириа аиҳабыра урҭ Аԥсныҟа рырхынҳәра азҵаара еиуеиԥшымкәа ишазыҟоу аирбеит.

Аха зегь акоуп, хаҭала иаҳгозар, арепатриациа апроцесс цәгьамкәа имҩаԥысуеит. Аҵыхәтәантәи амчыбжь мацара иалагӡаны Аԥсны ирыдыркылеит 15-ҩык Сириантәи арепатриантцәа, иаараны иҟоуп даҽа 7-ҩык. Шь. Абаза иажәақәа рыла, иахьазы даҽа 50-ҩык ауааԥсыра Аԥсныҟа ахынҳәра иазыхиоуп, аха зны-зынла ауаа ргәаанагара анырыԥсахуа ыҟоуп, избанзар ус имариам анхарҭа ааныжьны ақәҵра.

Аиԥылара хыркәшауа И. Хынҭәба иазгәеиҭеит Аԥсны Адәныҟатәи аусқәа рминистрра иатәу Ҭырқәтәылеи Мрагылара Ааигәеи рыҟәша есымша Сириа иҟоу ҳтәылауаа ишрымадоу, Арепатриациазы аҳәынҭқарратә еилаки дареи урҭ рыхынҳәразы ацхыраара шыҟарҵо.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21