aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистр ихаҭыԥуаҩ Иракли Хынҭәба жьҭаарамза 7, 2012 ш. арадио «Голос России» иаиҭаз аинтервиу 08.10.2012

Аԥсны Адәныҟатәи аусқәа рминистр ихаҭыԥуаҩ Иракли Хынҭәба жьҭаарамза 7, 2012 ш. арадио «Голос России» иаиҭаз аинтервиу

Азҵаара: Аԥсны ауаажәларра шԥазыҟоу Қырҭтәыла амчрахь апартиа «Грузинская мечта» анеира? Шьҭарнахысгьы Аԥсныи Қырҭтәылеи реизыҟазаашьақәа рыҽшырыԥсахуа аӡәгьы агәра имгаӡои?

И. Р. Хынҭәба: Аԥсны даара икылкааны иацклаԥшуеит ҳәа сызҳәом Қырҭтәыла имҩаԥысуа амчра аԥсахра апроцесс, зеиԥшла ҳрегион аҟны ашәарҭадаратә ҭагылазаашьа аганахьалеи, ақырҭуа-аԥсуа конфликт аԥырҟәҟәаара аганахьалагьы иара убас. Ари ахатә ҵакы амоуп, аха макьана уи алацәажәара заацәоуп. Уажәазы амчра ҿыц ашьақәгылара ауп изҿу, ари апроцесс макьана ихыркәшам. Иарбанзаалак аконкреттә шьаҿақәеи ажәалагалақәеи мамзаргьы акрызҵазкуа аполитикатә ҳәамҭақәа ҳара иҳамбацт, иаҳмаҳацт.

Азҵаара: Уи еилкаауп амчра аҭара аҵыхәтәанынӡа иахьхыркәшам шакәу изыхҟьо. Аха иарбан шьаҿақәоу Аԥсны ирбарц ирҭаху?

И. Р. Хынҭәба: Саакашвили ирежим еицырдыруеит Аԥсныи Аахыҵ Уаԥстәылеи аконфликтқәа рыӡбара ахьзалымшаз ала. Аԥсныи Аахыҵ Уаԥстәылеи ихьыԥшым ҳәнҭқаррақәаны иазхаҵоуп, убри аҟнытә иахьа Қырҭтәылеи ҳареи иарбанзаалак аиҿцәажәара ҳабжьалар ауеит официалла аиҿцәажәаратә ганк аҳасабала ҳрыдыркылар. Аиҿцәажәарақәа зегьы хықәкык ауп ирымазаауа – Қырҭтәыла аганахьала Аԥсныи Аахыҵ Уаԥстәылеи рхьыԥшымра азхаҵаразы аҭагылазаашьақәа раԥҵара. Қарҭ аганахьала аиҿцәажәара ишазыхиоу аадырԥшуазар, ҳаргьы уи ахырхарҭала ацара ҳазыхиоуп.

Азҵаара: Обиективла ҳцәажәозар, ари азҵаараҟны аиқәшаҳаҭра алшоит ҳәа шәызҳәома, Иванишвили аполитикаҿы америкаа ркурс дшаҿамгыло дырны? Иалшарыма знымзар-зны Қырҭтәыла Аԥсны ахьыԥшымра азханаҵар?

И. Р. Хынҭәба: Са сгәанала, ара изалымшо ҳәа егьыҟам. Қырҭтәыла аполитикатә напхгара ҿыц иахәҭоу апрагматизм аанарԥшыр, иахьазы ишьақәгыланы иҟоу аҭагылазаашьа аднакылар, уи раԥхьаӡа иргыланы, иара Қырҭтәыла ахаҭа иазеиӷьхоит. Аԥсныи Аахыҵ Уаԥстәылеи рҳәынҭқарратә хьыԥшымра азханаҵар, иара убри алагьы аконфликтқәа рҵыхәа ԥҵәаны, Қырҭтәыла иақәу, Европа, НАТО рахь аинтеграциеи, аҩныҵҟатә проблемақәа рыӡбареи рҿы иаԥырхагоу аидара ду ақәнахуеит. Иванишвили иабжьгаҩцәа џьоукы-џьоукы иахьа еилыркаауеит ҳәа сыҟоуп Саакашвили иполитика ацҵара ишамуа: Аԥсны адунеи аҟәыҭхара, уи аиҿцәажәарақәа раан официалтә ганк аҳасабала азхамҵара, «импыҵахалоу аҵакырадгьл» ҳәа ахьӡ ахҵара, атәыла аҩнуҵҟеи Аԥсныи Аахыҵ Уаԥстәылеи рымадара аганахьала иҟоу апроблемақәеи рзы ахара Урыстәыла адҵара уҳәа хықәкыс измоу аполитика. Сгәы иаанагоит Қырҭтәыла анапхгара ҿыц ари еиԥш анегативтә цәырҵрақәа змоу аполитика иацырҵарым ҳәа.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21